Lc 17:10 - Chuj San Sebastian Bible

¹⁰ 'Icha junc moso cha, 'ixta ex pax jun xo, a yic tox xlajw eyiclni smasnil schecnb'il Dios, smoj tzeyal 'ixtic: An̈ tic, wach'xam ya'mal on̈c servil Dios, caw may quel'chi, yujto ton̈j xqui b'o jun tzo'n̈ tas qui cuenta xon qui b'oni, xe chi, xchi Jesús 'a eb'.

Chuj San Mateo Bible

¹⁰ Icha jun checab' chi', ichex ta'. Ayic toxo ix lajvi e c'anab'ajan masanil schecnab'il Dios, smoj tzeyal icha tic: Te malaj vach' cochi, an̈ej juntzan̈ tas ix checji co c'ulej ix co b'o'o, xe chi, xchi Jesús d'a eb'.

Lc 17:10 Iomraidhean Croise

Is 6:5

Yuj cha, xwaln 'ixtic: 'Oltacn wali, tecn 'oj in chami, yujto xwilch jun Rey yet' in sat, atn Jehová tzta'n̈j yuj smasnil. An xo tic, nab'a 'anma 'in, tu tas tzlaj 'elt 'a in ti', cajn in 'ec' pax 'a scal eb' 'anma tu spaxtin tic, xin chi.

Is 64:6

Qui masnil on̈, lajn quilx 'icha junc mach man̈ wach'c yaji. Smasnil tas wach' xlaj cob' qui b'o 'on̈, lajn xoj yilx 'icha junc nip yajb'entac yilxi. Yuj tas maysch'olnil xlaj qui b'o 'on̈, yuj cha, lajn on̈ xoj 'icha te xil te tzpucli, c'un xoj s'at yuj 'ic'.

Jeremías 32:23

Palta a yic x'och eb' scaj jun lum tic, yic 'ix schan eb' smacl lu'um, caw man̈x 'ic schaj eb' yab' tas 'ix ala, man̈x 'ic syiclj eb' a checnb'il, ma'ix sb'o eb' tas 'ix ac' sb'o'. Yuj cha, 'ix a'n cot jun niwquil yailal tic 'a quib'n̈ on̈.

Mt 25:30

Ax win moso may yopiso tic, tz'at e julcn 'at 'a 'aj 'ay q'uic'q'uinal. Ata 'oj 'oc'oc, 'oj juch'ch'oc ye yab'n syail, xchi winac.

Lc 17:11

Ax Jesús, an̈ja sb'eyb't 'a jun b'e tz'at 'a Jerusalén. 'Ix b'ey 'a smon̈jon Samaria yet' Galilea.

Lc 17:9

Ax jun qui moso cha, ¿tom tzca'c yuj diosal 'a 'a, yujn̈ej to tzb'o tas tzcalc 'a 'a? tecn ma'ay.

Ro 11:35

¿Toc 'ay junc mach tzb'ab'l 'a'j junc tas smajnc Dios, yic tzya'n Dios tzmeltzjoc 'a 'a? xchi.

Ro 3:12

Palta c'uxn xjuw 'el eb' smasnil. Junlajnn̈ej xjuw 'el eb'. Toc 'ayt junc mach tzb'on tas wach', man̈x 'a xon wal junoc.

Filemón 1:11

A 'a yic yalan̈, may jac yopiso 'ayach, yic ya'n ach servil. Al ticnec, caw 'ay yopiso 'ayach, yet' 'ayin.