Lc 16:2 - Chuj San Sebastian Bible

² Yuj cha, xyawtn cot win jun smayltoma chi 'a 'a. 'Ix yaln 'ixtc a winac: 'Ay wal jun tzo'n̈ tas tzwab' speclal o'oj. Yuj cha, a jun tzo'n̈ munljel tic 'aych 'a yol a c'ab' wu'uj, yowlal 'oj a'x can 'ayin, yujto man̈x 'oj a munlj 'a jun opiso tic, xchi winac.

Chuj San Mateo Bible

² Axo vin̈ patrón chi' ix avtan vin̈, ix yalan vin̈: Ay juntzan̈ tas ix vab' d'a a patic. Yuj chi' ac' entregar a cuenta d'ayin. Man̈xo ol ach munlaj d'a jun opisio tic d'ayin, xchi vin̈.

Lc 16:2 Iomraidhean Croise

Ec 12:14

A Dios, 'oj sc'anb'c 'ayn̈ec yuj smasnil tas xlaj qui b'o'ec, toto wach', mto man̈ wach'oc, wach'xam c'ultacl xqui b'o'ec.

Mt 12:36

Yuj cha, tzwal 'ayex, at yic 'oj jawc jun c'u yic b'eyc'ojlal, jantcn̈ej jun tzo'n̈ paxti may yopiso tzlaj eyala', c'uxn 'oj e b'eyc'ojlax yu'uj.

Mt 20:8

Ax 'a sq'uic'b'alil, xyaln win 'aj munljel chi 'ixtc 'a jun scaporal: 'Awtj cot eb' in majn cha, tza'n stojl eb'. A eb' slajb' xo x'och munljel, a eb' tza b'ab'l 'a'j stojol. Ax eb' xb'ab'l 'ochi, slajb' xo tzac' stojl eb', xchi winac.

Lc 12:20

Palta xyaln Dios 'ixtc 'a winac: Ach tic, caw may jac a nab'en. A 'a jun 'ac'wl tic ax a chami. Ax jantcn̈ej tas cob' molb'il o'oj, ¿machm 'oj 'ica'anoc? xchi 'a winac.

Lc 12:42

Yuj cha, xyaln pax Cajlil 'a eb' 'ixtic: Q'uinloc 'ay junc patron̈ ticnec. A junc smoso yiclum, 'ay pax sjelnal, a 'oj ya'ch yopiso smayltomaoc, sec a 'oj 'ilnc eb' smoso chi smasnil, ax ya'n wa eb' 'a junjn 'ejem.

Lc 16:1

'Ix yaln Jesús jun 'ab'x tic 'ixtc 'a eb' scuywum: A 'a jun 'el, 'ay jun win patron̈ caw rico. 'Ay jun smayltoma winac. Ax 'ix yab'n win patron̈ cha, to caw tz'ixtx tastc 'ay 'a win yu'uj.

Lc 16:3

Yuj cha, 'ix snan win mayltoma chi 'ixtic: ¿Tasm 'oj wutc in b'a ticnec? Caw in yij 'el win in patron̈ tic 'a wopiso. Palta toxn may tzin 'och in munlj 'a junc xo munljel. Caw 'oj in q'uixw wec' pax in c'an jac siylab' 'a eb' 'anma 'a scal n̈a.

Ro 14:12

Yuj cha, junjn on̈ec yowlal 'oj ca'c 'och qui cuenta 'a Dios.

1 Co 1:11

Tzwal't jun tzo'n̈ tic 'ayx ex wu'tac, ex wanab', yujto a eb' yic Cloé xaln cot 'ayin, to wan spitzw ab' owl 'a e cal ta'.

1 Co 4:2

A mach tz'ajx yopiso, yowlal caw tzyiclj wal smunlj 'a jun tz'a'n yopiso cha.

1 Co 4:5

Yuj cha, man̈x e b'eyc'ojloc junc xo mach ticnec. To tze tan̈wj sjaw Cajlilec, yujto a 'oj ch'oxnc 'el smasnil tas. 'Icha junc tas c'ub'b'il 'el 'a q'uic'q'uinal, ax tzc'och sacq'uinl 'a 'a, c'uxn tzcheclj 'eli, 'ixta 'oj 'aj scheclj smasnil tas ta'. A Cajlilec chi 'oj 'a'nc checljoc 'el tas 'ay 'a qui nab'enec qui masnil. At wal ta 'oj yal Dios qui wach'lec, a tzyala tas qui munljel junjn on̈ec.

2 Co 5:10

Yujto yowlal 'oj qui c'ochc 'a yojltac sdespacho Cristo, sec junjn on̈ec, 'oj qui chac spac tastc tzqui b'o'o, yic 'ayn̈ect 'ec' 'a jun qui niwnalec tic. A tzyala, toto wach' tzqui b'o'o, mto maysch'olnil.

1 Ti 4:14

A yic ya'n 'at eb' anciano sc'ab' 'a a jolom, ata ya'jnac Dios opiso, sec tznachj 'el o'oj, tas tzotj a'n servil 'a 'a. A 'a'jnac nachjc 'el yuj eb', to 'ixta 'oj ach yutoc. Yuj cha, caw man̈ actc can jun opiso cha.

1 Ti 5:24

'Ay eb' toxn checl xon yaj smul, yic mantzac b'eyc'ojlax eb'. 'Ay pax eb', masnto tzb'eyc'ojlaxi, 'ixta to b'i'an tzcheclj 'el smul.

A Sb'ab'el Carta San Pedro 4:10

Tzlaj ca'laquec servil 'ayn̈ junjn on̈ec, a tzyala, tastc copiso tz'ajx yuj Dios. Toto 'ixta', wach' tzcutjec qui c'anlb'an copiso cha. Yujto chucch copiso tzyac' 'ayn̈ junjn on̈ yuj swach'c'ojlal.

A Sb'ab'el Carta San Pedro 4:5

Palta yowlal 'oj yal q'uet eb' smul 'a Dios. Yujto lista xo yaj sb'eyc'ojlan smasnil 'anma', eb' pitzan yet' eb' chamnc xo.

Apoc 20:12

Ax xwiln eb' chamnc smasnil, eb' niwn yel'chi, yet' eb' may yel'chi, lin̈n 'ec' eb' 'a yojltac Dios smasnil. Xlajw cha, xjacw jun tzo'n̈ ch'an̈ libro. 'Ay pax junx 'ix jacwi, atn jun libro yic q'uinl 'a jun 'ejmn̈ej. 'Ix b'eyc'ojlax eb' yuj tastc sb'ojnac jun jun. A tzyala, tastc tz'ib'b'il 'a jun tzo'n̈ libro cha.