Lc 16:19 - Chuj San Sebastian Bible

¹⁹ A 'a jun 'el, 'ay jun winc caw rico, caw wach' yaj yet' jun tzo'n̈ spichl caw chan̈ stojol. Ax 'a junjn c'u til wal tas caw wach' tzc'ux winac, tzcot ch'ucn 'a yojltac.

Chuj San Mateo Bible

¹⁹ A junel ay jun vin̈ te b'eyum. Vach' sb'o vin̈ yed' spichul te caro stojol. Junjun c'u syac'an q'uin̈ vin̈, tzijtum tas syac' chijoc vin̈.

Lc 16:19 Iomraidhean Croise

Ester 8:15

A yic x'elt win Mardoqueo 'a yol despacho, 'aych spichl yic yopiso yu'uj, q'uic'mucnac yet' sac, 'icha yic eb' rey. 'Ay q'ue jun niwquil corona nab'a oro 'a sjolom, 'aych pax junx spichl nab'a lino, chacmucnac yilxi. A yic cha, smasnil eb' 'anma cajn 'a yol chon̈b' Susa, caw 'ix 'awj chan̈ eb' yuj tzaljc'ojlal.

Pr 14:24

A eb' 'ay snab'en, tz'ijx chan̈ eb' yuj sjelnal, ax eb' tu snab'en, tzpatquilx can 'el eb' yuj stu nab'enal.

Pr 31:22

Mun tzb'o 'ix sc'u tzc'u'ej; a wal pichl caw wach' a tzya'chi, tzb'o 'ix yet' te ch'al púrpura mto lino.

Ez 16:13

'Ixta wal 'ix 'aj sb'o yet' q'uen oro, q'uen plata; a sera pichl tz'ib'quintac yilx 'ix ya'chi. Ax yarinail 'ixm trigo caw wach', a xwac' swa', xwa'n slec' no yal chab' yet' pax yaceiteal te olivo. Caw wal wach' yilxi, yuj cha, 'ix 'och reinail.

Ez 16:49

Yaj jun tzo'n̈ smul chon̈b' Sodoma yet' yaldeail. Caw wal sb'an̈ sb'a yet' tas 'ay 'a 'a. Til wal tas tzc'uxu, caw wach' yaji, palta ma'ix colwj jac 'a eb' meb'a', yet' 'a eb' 'anma may tas tzc'uxu.

Ez 27:7

A mantiado 'ay q'ue sma'lab'ilc 'ic', linon̈ej smasnil, a 'aych pax sbanderailc eb' te barco cha. Wach' yajch yelwnub'l sti', yujto ata b'ob'il 'a Egipto. Ax te nip 'ay q'ue yen̈loc eb' 'anma cha, nan̈l q'uic'mucnac, nan̈l pax chac yilxi, ata b'ob'il cot 'a chon̈b' Elisa.

Mr 15:17

'Ix ya'ch ewin jun q'uic'mucnac pichl 'a Jesús. 'Ix spalch'ab'j ewin jun te q'ui'ix, setn xoj x'aji, 'ix ya'n q'ue ewin 'a sjolm scoronaoc.

Mr 15:20

Ax yic xlajw sb'uchwj ewin 'a 'a, 'ix yi'n pax 'el ewin jun q'uic'mucnac pichl chi 'a 'a. 'Ix ya'n pax 'och ewin spichl xoni. 'Ixta to b'i'an, 'ix yi'n 'at ewin 'a 'aj 'ix ya'ch 'a spenc culus.

Lc 15:13

Ax yic jaye nant c'u, xchon̈n can 'el win tza'n 'unn chi jantcn̈ej tas xchaj 'a smam cha, 'ix 'at win 'a junx chon̈b' 'a najat. Ax 'ix c'och win 'a jun chon̈b' cha, amancotn xyutj win slajn 'el stumn chi muc'uc, ton̈j slaj win 'a spatc jun tzo'n̈ maysch'olnil 'ix sb'o sc'och ta'.

Lc 16:1

'Ix yaln Jesús jun 'ab'x tic 'ixtc 'a eb' scuywum: A 'a jun 'el, 'ay jun win patron̈ caw rico. 'Ay jun smayltoma winac. Ax 'ix yab'n win patron̈ cha, to caw tz'ixtx tastc 'ay 'a win yu'uj.

Lc 16:18

Toto 'ay junc winc tzpoj sb'a yet' yistzil, tzyi'n win junc xo 'ix, a jun winc cha, tz'och 'ajmulal. Toto 'ay pax junc winc tz'i'n junc 'ix spojjnac sb'a yet' yichmil cha, tz'och pax win 'ajmulal.

Lc 16:20

'Ay pax jun winc Lázaro sb'i, caw meb'a'. 'Ay wal jun tzo'n̈ niwc yab'il 'ay q'ue 'a sniwnal. An̈j 'a sti yatut win rico chi tz'at 'em wocan.

Apoc 17:4

Ax spichl jun 'ix cha, q'uic'mucnac yet' chac. Til wal jun tzo'n̈ q'uen tzictzni yilx 'aych 'a 'ix. 'Ay oro, 'ay jun tzo'n̈ perla, yet' jun tzo'n̈ xo q'uen caw chan̈ stojl 'aych 'a 'ix. Yamb'il jun vaso nab'a oro yuj 'ix. B'ut'n yet' jun tzo'n̈ tas yajb'il yuj Dios, atn jun tzo'n̈ yajmulal 'ix cha.

Apoc 18:16

'Oj laj yal eb' 'ixtic: ¡'Ay, 'ay, 'oltac wal jun niwquil chon̈b' tic! Lajn 'icha junc 'ix caw a'ijn cob' spichl 'aychi. 'Ay q'uic'mucnac, 'ay chac. Til wal q'uen oro 'aych 'a 'a, 'aych pax jun tzo'n̈ xo q'uen chan̈ stojol, yet' jun tzo'n̈ perla sb'i.

Apoc 18:7

Caw xyij chan̈ sb'a 'ix si'mb'il. An̈j ricoal 'aj xya'ch snab'en. Yuj cha, 'ixta tzeyutj eya'n 'och syailal yet' scusc'ojlal. Yujto 'ix sna 'ix yet' snab'en 'ixtic: An tic, caw 'ay wopiso reinail. Man̈ in lajnoc 'icha junc 'ix chamnc yichmil. May wal b'a'n̈ 'oj wab' syal jab'oc, xchi cob' 'ix.

Jueces 8:26

Ax yic x'echtax q'uen oro xyac' eb' cha, 'ay 38 libra yalil. Chuc yaj pax jun tzo'n̈ xo q'uen q'uen wach' yilxi, yet' jun tzo'n̈ te pichl púrpura yic sreyl eb' madianita cha, yet' jun tzo'n̈ xo tas 'aych yelwnub'loc sjaj no scameyo eb'.