Lc 16:16 - Chuj San Sebastian Bible

¹⁶ A ley yic Moisés yet' tas yaljnac can eb' schecb' Dios pecti', 'ochnc yopiso masnto 'a yic swulc' win Juan Bautista. Ax ticnec, at xo yic swulc' win Juan cha, syamchj can pax 'och yalx 'el wach' 'ab'ix, chajtl tz'aj eb' 'anma yoch 'a yol sc'ab' Dios. Yuj cha, c'uxn tzyac' eb' 'ip ya'n 'och sb'a 'a yol sc'ab'.

Chuj San Mateo Bible

¹⁶ An̈ej ley Moisés yed' juntzan̈ tas tz'ib'ab'ilcan yuj eb' schecab' Dios d'a peca' aycanoch yopisio masantax ix ulec' vin̈aj Juan vin̈ ac'jinac bautizar. Axo ticnaic, atax ix ulec' vin̈ ix elcan yich yaljiel jun vach' ab'ix chajtil tz'aj yoch eb' anima d'a yol sc'ab' Dios. Yuj chi' masanil eb' syac' yip yoch d'a yol sc'ab' Dios.

Lc 16:16 Iomraidhean Croise

Mt 10:7

Tz'at eyal-li, to jab'xoj wal 'oj wach' 'och jun 'aj satchan̈ Yajlil.

Mt 15:11

A jun tzo'n̈ tas tz'och 'a qui ti', matz on̈ juw yuj 'a sat Dios. Palta a jun tzo'n̈ tas tz'elt 'a qui ti', a tzon̈ 'a'n juwc 'eli, xchi 'a eb'.

Mt 21:32

Yujto a Juan Bautista wul aljnac 'el 'ayex, chajtl tzeyutj e tojlb'tzan e b'eyb'al, palta ma'ix eya'ch e c'ojl 'a 'a. Ax eb' tecm 'el tumin, yet' eb' 'ix 'ajmul 'ix, 'ay eb' xya'ch sc'ojl 'a 'a. Wach'xam eyiljnac tas yutjnac eb' snan sb'a, palta ma'ix e na e b'a yet' eb', ma'ix eya'ch e c'ojl 'a tas yaljnac Juan cha.

Mt 3:2

'Ix yaln 'a eb' 'ixtic: —Nac e b'a yuj e mul, yujto jab'xoj 'oj wach' 'och jun 'aj satchan̈ Yajlil, xchi.

Mt 4:17

Ax yic xc'och Jesús 'a jun lugar cha, 'ix syamn 'och yaln 'el spaxti Dios 'a eb' 'anma', 'ix yaln 'ixtc 'a eb': Nac e b'a yuj e mul, yujto jab'xoj 'oj wach' 'och jun 'aj satchan̈ Yajlil, xchi 'a eb'.

Mt 4:23

C'uxn x'ec' Jesús 'a yol yic Galilea chi yet' eb'. 'Ix 'ec' cuywjoc 'a yol jun tzo'n̈ scapiya eb' israel. X'ec' yalnc 'el wach' 'ab'ix, yuj chajtl tz'aj eb' 'anma yoch 'a yol sc'ab' jun 'aj satcha'an̈. Til wal tzann̈j yab'ilal tz'i'n eb' 'anma cha, xlaj b'ox can sc'ojl eb' yu'uj.

Mr 1:14

'Ayx 'och Juan 'a preso, 'ix c'och Jesús 'a Galilea. Ata xyalcn 'el wach' 'ab'ix, chajtl tz'aj eb' 'anma yoch 'a yol sc'ab' Dios.

Mr 1:45

Palta ax yic 'ix 'at winac, 'ix syamn 'och win yaln 'eli, chajtl 'ix 'aj sb'oxi, c'uxn 'ix spucl yab'xil. Yuj cha, man̈xtzac stac' yoch Jesús 'a yol junc chon̈ab', yujto til wal mach tznib'j tzjaw 'a 'a; 'ix b'ey 'a 'aj may wal 'anma', palta xlaj cot eb' 'a junjn lugar, xjaw eb' 'a 'a.

Lc 10:11

A spoccal jun e chon̈b' tic xcan 'a coc on̈, tzqui ma'cn 'el on̈, yic tzqui ch'oxn chi, to man̈x 'a caln quic 'ayx on̈. Palta nachj cab' 'el eyu'uj, to jab'xoj wal ma'ex 'och 'a yol sc'ab' Dios, xe chi 'a eb'.

Lc 10:9

Tzlaj eya'n b'oxc sc'ojl eb' ya'ay 'ajtc tzex laj c'och cha. Tzlaj eyalnc 'ixtc 'a eb': Jab'xoj wal 'oj wach' 'och Dios yajlil 'ayex, xe chi 'a eb'.

Lc 16:29

Palta a eb' cha, 'ayc' xon tas stz'ib'jnac can Moisés, yet' tas stzib'jnac eb' schecb' Dios 'a eb'. Ya' cab' 'och eb' schicn 'a jun tzo'n̈ cha, xchi Abraham 'a winac.

Lc 16:31

Toto matz ya'ch eb' schicn 'a tas stz'ib'jnac can Moisés, yet' eb' schecb' Dios, wach'xam 'ay junc mach tzpitzw pax 'a scal eb' chamnac, an̈jtona ma'oj ya'ch pax eb' 'a sc'ojol, xchi Abraham chi 'a winac. 'Ixta tzyal jun 'ab'x tic, xchi Jesús.

Lc 9:2

'Ix schecn 'at eb', yic tz'ec' yalnc 'el eb' chajtl tz'aj eb' 'anma yoch 'a yol sc'ab' Dios, tz'ec' ya'nc can eb' b'oxc sc'ojl eb' ya'ay.

Jn 1:45

Ax Felipe chi xit' saync 'ec' Natanael. Yic 'ix 'ilchj yu'uj, 'ix yaln 'a 'ixtic: —'Ay jun x'ilchj cuj on̈. Atn jun tz'ib'b'il can yab'xil yuj Moisés 'a Ch'an̈ Un̈ yic ley, tz'ib'b'il can pax yuj eb' schecb' Dios pecti'. Atn Jesús yunnal José, 'aj chon̈b' Nazaret, xchi.

Jn 11:48

Toto ton̈j tzquilc win ticnec, smasnil eb' quit chon̈b'ec, 'oj ya'ch eb' sc'ojl 'a winac. Ax ewin yajl 'a Roma, 'oj wul smac' poj ewin jun yatut Dios tic, ax ya'n pax ewin owl yet' eb' quit chon̈b'ec smasnil. Caw 'oj qui canc 'a yaln̈ yuj ewinac, xchi eb'.

Jn 12:19

Ax ewin fariseo, 'ix laj yalnc ewin 'ixtic: —Man̈x 'a tas tztac' qui b'onec ticnec. 'Iltec eb' 'anma', c'uxn tzlaj 'och eb' yet' winac, xchi ewinac.

Jn 5:4

Yujto 'ay 'aj tzwulc' 'emt jun ángel 'a jun a cha, tzwul ya'n 'ib'xoc a'. An̈j junc tzb'ab'l 'ejm 'a yojl a', an̈j tzb'ox can sc'ojl yuj tzann̈j tas palta yaj 'a 'a.]

A Tas Sc'ulejnac Eb' Schecab' Jesús Hechos 3:18

Palta 'ixta xyutj Dios ya'n 'el'choc tas alb'il can yuj eb' schecab'. Yujto yaljnac can eb', chajtlto a Cristo, yowlal tzyab' syail.