Lc 15:29 - Chuj San Sebastian Bible

²⁹ Palta xyaln win 'ixtc 'a smam cha: 'In ojtac, niwn xo yab'lil tzach wac' servil, mant 'a jun 'ejmoc matz in yiclj tas tzala. Wach'xam junc quelm chiwo, toxn matz ac' xon junc wico', yic tzwa'n 'och junc in q'uin̈ yet' eb' in wach'c'ojol.

Chuj San Mateo Bible

²⁹ Palta ix yalan vin̈ d'a vin̈ smam chi': Ojtac jantacxo tiempo tzin munlaji, malaj b'aj ix in pitej in b'a d'ayach. Manta b'aj tzac' junoc noc' yune' chiva yic svac'och in q'uin̈ yed' eb' vamigo.

Lc 15:29 Iomraidhean Croise

Is 65:5

Tzlaj yaln eb' 'ixtic: Wach' eyaj ta', man̈ ex jawc 'a qui tz'ey tic on̈, yujto an̈ tic on̈, caw 'ay smay on̈ eyamni, xchi cob' eb'. A jun tzo'n̈ 'anma cha, lajn wal eb' 'icha te c'ac' 'aychi tz'ec' c'u; caw tu s'at stab'l 'a yol qui n̈i'.

Zacarías 7:3

Xwul sc'anb'noc eb' 'ixtc 'a eb' schecb' Dios, yet' 'a eb' ya'mal 'och sti eb' 'anma': ¿An̈j 'ijnoc am tzca'ch te pichl n̈achtac yic cusc'ojlal on̈, tzon̈ 'och pax am 'a c'ajb'c'ojlal 'a yotquil 'uj yic junjn ab'il, yic tzqui nan cot sma'nb'il 'ejm yatut Dios, 'icha xon tzqui b'o'ec, masnto ticnec? xchi eb'.

Malaquías 3:14

'In 'ixtc wal tzeyutj eyalni: Nab'an̈ej tzca'c servil Dios. ¿Tas wal 'oj ca'c ganar, toto tzqui yicljec tas tzyala, yic tzca'nec 'och qui pichl n̈achtac sat 'a yojltac, yic tzqui ch'oxnec 'el qui cusc'ojlal yuj qui mul?

Mt 20:12

'Ix yaln eb' 'ixtic: A wal ewin slajb' xo x'och munljel, jun wal hora xmunlj ewinac. Palta tz'acn xa toj sc'u ewin 'icha tzac' 'ayn̈ tic on̈. Palta 'in xcac' techjoc jun c'u on̈, til wal pax c'ac', xchi eb' 'a winac.

Lc 15:28

Yuj cha, caw xcot yowl winac. Toxn man̈x 'ic yal sc'ojl win x'och 'a yol n̈a cha. Ax smam winac, a x'el ta. 'Ix tew 'och 'a winac, to tz'och win 'a yol n̈a cha.

Lc 15:30

Palta ax jun onnal tic, ton̈j scomn laj win a tumn yet' eb' 'ix 'ajmul 'ix, ax ticnec, tzjapx winac. Yuj winac xa'n milxc cham no wacx b'a'ch yajx servil, xchi win 'a smam cha.

Lc 15:7

An̈jtona', q'uinloc 'ay junc 99 'anma toxn tojl snab'en, man̈ yowlalc tzna sb'a snani. May tzaljc'ojlal 'a satchan̈ yuj eb'. Palta an tzwal 'ayex, toto 'ay junc maysch'olnil sb'eyb'al tzna sb'a yuj smul, yel xo wal niwn tzaljc'ojlal yuj jun chi 'a satcha'an̈.

Lc 17:10

'Icha junc moso cha, 'ixta ex pax jun xo, a yic tox xlajw eyiclni smasnil schecnb'il Dios, smoj tzeyal 'ixtic: An̈ tic, wach'xam ya'mal on̈c servil Dios, caw may quel'chi, yujto ton̈j xqui b'o jun tzo'n̈ tas qui cuenta xon qui b'oni, xe chi, xchi Jesús 'a eb'.

Lc 18:9

'Ix yaln Jesús junx 'ab'x 'a jun tzo'n̈ eb' tzyal wach'l sb'a, palta may yel'ch yit 'anmal eb' 'a sat. Yuj cha, xyaln 'ixtc 'a eb':

Lc 19:21

An tic, in xiw o'oj, yujto wojtac caw ch'an ach. Yujto ach tic, toxn̈ej tza chaj eco'oc tas tzyac' ganar junc xo 'anma'. Toxn̈ej tza jach'a, palta may tas tzawej, xchi 'a winac.

Ro 10:3

Man̈ yojcoc eb' tas tz'aj eb' yoch wach'l 'a sat Dios. Tznib'j eb' to mun tzya'ch sb'a eb' wach'l 'a sat. Yuj cha, matz chaj 'och wach'l sb'a eb' 'a sat Dios 'a 'icha tznib'ej.

Ro 3:20

May junc mach wach' 'a sat Dios, yujn̈ej tzyiclj tas tzyal jun ley cha. Yujto a jun ley cha, cojn 'ay yopiso sch'oxni to 'ajmul on̈c qui masnil.

Ro 3:27

A ticnec, ¿tom tztac' qui b'an̈nec qui b'a tze na'a? Toxn matz tac'a. Yujto man̈ yujoc qui yiclniec ley yic Moisés, tzon̈ colchjec, palta yujn̈ej to tzca'c 'och qui c'ojl 'a Jesús. Yuj cha, matz tac' qui b'an̈nec qui b'a.

Ro 7:9

A 'a yic mant wojcoc jun ley cha, pitzn in 'a sat Dios in nani. Ax yic 'ix wojcan 'eli, 'ix nachj 'el wu'uj, to caw may in ch'olnil. 'Ixta to b'i'an, 'ix wojcan 'eli, to chamnc in 'a sat Dios yu'uj.

Apoc 2:17

Jantcn̈ej eb' tz'ab'ni, ya' cab' 'och eb' schicn 'a tas tzyal Espíritu 'a junjn iglesia. A eb' 'oj 'a'nc ganar ya'n techjoc, 'oj wac' swa eb' jun maná c'ub'b'il 'eli. 'Oj wac' pax junjn q'uen caw sac 'a eb'. Ax 'a junjn q'uen cha, tz'ib'b'il 'och jun 'ac' b'i may mach 'ojtnac. Cojn eb' 'oj chanc yico', a eb' 'oj 'ojcanc 'el jun cha, xchi.

Apoc 3:17

Yujto wan eyaln 'ixtic: An̈ec tic caw rico on̈c 'a sat Dios, caw wach'n̈ec. May jac qui paltailec, xcob' e chioc. Palta man̈ jac tznachj 'el eyu'uj, chajtlto may e ch'olnil, may jac eyel'chi. Yuj cha, 'icha junc mach caw may xon jac tas 'ay 'a 'a, matz uj yilni, jitn 'el paxi, 'ixta 'ex.