Lc 15:24 - Chuj San Sebastian Bible

²⁴ Yujto a jun wunnal tic, 'icha to chamnc xo, palta ax ticnec 'icha to xpitzw paxi. Satnc ton 'ati, palta xjapx 'ayin, xchi smam cha. Yuj cha, xya'n 'och eb' sq'uin̈ cha.

Chuj San Mateo Bible

²⁴ Yujto a vin̈ vuninal tic, chamnacxo vin̈ in naani, palta tob'an pitzan vin̈. Satnacb'at vin̈, axo ticnaic ix jax vin̈ d'ayin, xchi vin̈. Ichato chi', ix syamanoch eb' yac'anoch q'uin̈ chi'.

Lc 15:24 Iomraidhean Croise

Gn 45:28

Xlajw cha, xyaln win Israel chi 'ixtic: Colb'il cab' xwab'i chajtlto pitznto ni wunnal José, 'oj 'at wil ni wunnal cha, yic mantzac in chami, xchi winac.

Is 35:10

A eb' colb'ilx 'el yu'uj, caw 'oj b'itn eb' 'a stzaljc'ojlal yic 'oj c'och eb' 'a Sión. 'Oj 'aj cajn eb' ta 'a tzaljc'ojlal yet' 'a jun 'ejmn̈ej. 'Oj 'ilchjoc wach'il yet' tzaljc'ojlal yuj eb', ax yailal yet' 'oq'uel, 'oj satcn 'eli.

Is 66:11

Yujto lajn 'icha junc 'ix nunb'il tzmontj yune'; a tzex montni, tzya'n sniwnal e c'ojol, masnto tzjawcn e tzaljc'ojlal yu'uj.

Ez 34:16

'Oj in sayc' eb' satnc can 'ati, ax in molb'tzan eb' sactzicnac yajcn 'at cha, 'oj wan̈tc eb' lajwnac, eb' wecchil, ax wa'n yip eb' may yip, palta 'oj in satl eb' yajl yaj 'a scal eb', atn eb' tzlaj 'ixtn eb' in chon̈ab'. Caw wach' 'oj wutc in tan̈wni eb' in chon̈b' cha.

Ez 34:4

Matz colwj eb' 'a no may yip, matz yil eb' no 'aych syab'il, matz yan̈tj eb' no lajwnac, yet' no wecchil. Matz sayc' eb' no tzsatcn 'ati, matz molb'tzej eb' no tzpuccn 'ati; a yic eb' ton̈j tzmac' eb' e no'.

Mt 8:22

—Con̈ wet'oc. A eb' chamnc to 'a sat Dios, a eb' tztac' smucn eb' yit chamnquil cha, xchi Jesús 'a winac.

Mr 8:22

Xlajw cha, xjapx eb' 'a chon̈b' Betsaida. Ax eb' 'anma 'ix quetzn cot jun winc matz uj yiln 'a Jesús, 'ix tew 'och eb' 'a 'a, sec tzaych sc'ab' 'a winac.

Lc 10:19

An xwac' e poder sec tztac' e te'n no chan yet' no sina'an. Wu'uj, tztac' eya'n ganar 'a yib'n̈ jantcn̈ej spoder win Satanás. Toxn may junc tas tztac' ex yixtni.

Lc 15:23

Tzlajw cha, tz'at eyi'nc cot no wacx b'a'ch yajx servil, tze milni. To 'oj qui wa'ec, ax ca'nec 'och sq'uin̈.

Lc 15:25

Ax win sb'ab'l 'unnal winac, 'ayb't win 'a smunljel. Ax yic xjapx win 'a sla'nil yatut cha, 'ix yab'ni to 'aych son, wan ya'n eb' chan̈al.

Lc 15:32

Palta a ticnec, smoj xwa'ch jun q'uin̈ tic, sec tzon̈ tzaljec. Yujto a jun o'tac tic, 'icha to chamnc xo, palta ax ticnec, 'icha to xpitzw paxi. Satnc ton 'ati, palta xjapx 'ayin, xchi smam win chi 'a 'a, xchi Jesús.

Lc 15:4

Q'uinloc 'ay junc winc 'a e cal, 'ay junc ciente scalnelu. Toto tzsat junoc, tzyactn can win no 99 chi 'a 'a'lic cha, tz'at saync 'ec' win jun no tzsat cha, masnto tzchax yu'uj.

Lc 19:10

An 'Ochnc in 'Anmal tic, in jaw wul in sayc' eb' satncto, yic tzin coln can 'el eb', xchi Jesús.

Lc 9:60

—A eb' chamnc to 'a sat Dios, a eb' tztac' smucn eb' yit chamnquil cha. Palta ach xo tic, 'ixc 'at al-li chajtl tz'aj eb' 'anma yoch 'a yol sc'ab' Dios, xchi 'a winac.

Jn 11:25

—An tic, 'a'm in pitzwc pax chamnac, 'aj q'uinl in paxi. Tzann̈j eb' tzin 'a'n 'och 'a sc'ojol, wach'xam 'oj cham eb', palta 'oj pitzwc pax eb'.

Jn 5:21

Yujto a 'in Mam cha, tztac' ya'n pitzwc pax eb' chamnac, tzya'n sq'uinl eb'. 'Ixta pax in an Yunnaln tic, toto 'ay eb' tzin nib'j tzwac' sq'uinal, 'oj wac'a'.

Ro 11:15

A eb' israel cha, patcab'il can 'el eb' yuj Dios jun tiempoal. Yuj wal cha, smasnil jun tzo'n̈ xo 'anma', tztac' junc'ojlal tz'aj eb' yet' Dios. Ax 'a yic 'oj chaxoc pax 'och eb' israel chi jun 'ejm xo, man̈ jantcoc am wal swach'l 'oj scha eb' 'anma smasnil. 'Icha to 'oj pitzwc pax eb' 'a scal eb' chamnac, yujto caw niwn swach'l 'oj scha eb'.

Ro 12:15

A mach tzalji, tzalj coyc yet'oc. Ax mach tzcusi, cus coyc pax yet'oc.

Ro 6:11

An̈jtona', 'ixta 'on̈c cab'i', nachj cab' 'el cujec to chamnc on̈c xo, man̈x 'a yaln maysch'olnil yic 'ayn̈ec. Qui nac paxi, to pitzn on̈ec, yic tzca'nec servil Dios, yujto junxn̈ej cajc yet' Cristo Jesús, [atn Cajlil.]

Ro 6:13

Matz tac' ca'nec 'och qui niwnal tic 'a yol sc'ab' maysch'olnil tzqui b'onec jun tzo'n̈ tu'al. Yowlal an̈j 'a yol sc'ab' Dios tzca'c 'och qui b'a, yujto chamnc on̈c xo 'a sat, on̈ pitzwec paxi. Yuj cha, caw ca'c 'och qui niwnal tic 'a yol sc'ab' Dios, sec wach' cojxn jun tzo'n̈ tas wach' tzqui b'oc yet'oc.

Ro 8:2

A Yespíritu Dios a tz'a'n qui q'uinlec 'a jun 'ejmn̈ej, yujto junxn̈ej cajc yet' Cristo Jesús. Yuj spoder Yespíritu, on̈ colchjec 'elt 'a yol sc'ab' maysch'olnil, yet' 'a yol sc'ab' chamel.

1 Co 12:26

Q'uinloc 'ay junc eb' tzyab' syail, tzyab' syal pax smasnil yet'oc. Toto 'ay pax junc tzaljc'ojlal yaji, tzaljc'ojlal yaj eb' smasnil yet'oc.

Ef 2:1

A ticnec, 'ix yac' Dios qui q'uinlec yet' Cristo. A 'a yic yalan̈, chamnc on̈c 'a sat yuj qui mulec, yuj pax qui maysch'olnilal,

Ef 2:5

Yuj cha, wach'xam chamnc on̈c 'a sat yuj qui maysch'olnilal, palta xyac' qui q'uinlec yet' Cristo. Yuj wal swach'c'ojlal Dios tzon̈ colchjec.

Ef 5:14

Yuj cha, 'ay jun tzaln 'ixtic: Ach 'icha to waynac, 'ij 'el a wayan̈. Q'uen̈ wan 'a scal eb' 'icha to chamnc to. Ax Cristo 'oj 'a'nc sacq'uinl 'ayach, xchi.

A Scarta San Pablo D'a Eb' Aj Colosas 2:13

A 'a yic yalan̈, chamnc ex 'a sat Dios yuj e mul, yuj pax to man̈ ex israeloc, may e circuncisión. Palta ax ticnec, junn̈j xyutj Dios ya'n e q'uinl yet' Cristo. 'Ix ya'n lajwc smasnil qui mulec.

1 Ti 5:6

Palta 'ay pax eb' 'ix chamnc yichmil, cojxn 'a tas tznib'ej, ata tzya'ch eb' snab'en. Yuj cha, wach'xam pitzn eb' 'a sat 'anma', palta ax 'a sat Dios, chamnc xo eb'.

San Judas 1:12

A yic tzeya'n mol wa'el, tze ch'oxn e chamc'ojlal, caw tzeyac' e q'uixwloc yuj eb'. Yujto ton̈j tzcomn 'och eb' wac eyet'oc, may jac xiwc'ojlal eb'. 'Icha junc tan̈m calnelu cojxn wal tzya'ilj sb'a, 'ixta eb'. 'Icha junc tacn̈ 'asn ton̈j tzb'eyc' yuj 'ic', 'ixta pax eb'. Lajn eb' 'icha junc te may xon 'aj tzyac' junc sat. Ton̈j tztacj 'eli, tzchami. Tzlajw cha, c'uxn tz'ijx q'uet yet' sch'an̈lyib' smasnil, tzwach' satli.

Apoc 3:1

'Ix yaln pax 'ayn 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Sardis: A jun 'aych ucwn̈ Yespíritu Dios 'a 'a, atn jun yamb'il uque c'anal yu'uj, a tzaln 'ayx 'ixtic: Wojtac, jantcn̈ej tas tze b'o'o. Wojtac, a 'a sat eb' eyit 'anma'il, caw pitzn ex. Palta ax 'a in sat, chamnc ex xo.