Lc 15:22 - Chuj San Sebastian Bible

²² Palta ax smam cha, xyaln 'ixtc 'a eb' smoso: 'Ixquec muc'uc, 'at 'ijec cot jun tzo'n̈ pichl caw wach', tzeya'n 'och 'a jun wunnal tic. Tzeya'ch scolc'ab', tzeya'n 'och xan̈ab'.

Chuj San Mateo Bible

²² Axo vin̈ mamab'il chi' ix alan d'a eb' smajan: Lemec, iq'ueccot jun mojoc pichul te vach', tzeyac'anoch d'a vin̈ vuninal tic. Tzeyac'anpax och junoc colc'ab' d'a sc'ab' vin̈, tzeyac'anoch xan̈ab' vin̈.

Lc 15:22 Iomraidhean Croise

Gn 41:42

Xlajw cha, xyi'n 'el win rey jun scolc'ab' 'aych seyoal 'a sc'ab', xya'n 'och 'a sc'ab' José. Xya'n win 'ajxoc 'och spichl to lino wach' yilxi, xya'n pax 'och win jun cadena nab'a oro 'a sjaj winac.

Ester 3:10

Xlajw cha, 'ix yi'n 'elt win rey scolc'ab' 'aj 'aych seyo, 'ix ya'n 'a win Amán, win 'ajc'ojl yajch 'a eb' israel.

Ester 8:2

Xlajw cha, xyi'n 'elt win rey q'uen colc'ab' 'aj 'aych seyo, atn q'uen xyijcan 'ec' win 'a win Amán, xya'n win q'uen 'a Mardoqueo. Ax jun tzo'n̈ tas 'ay 'a win Amán x'ajx yico'oc 'ix Ester, xya'cn 'ix 'a yol sc'ab' Mardoqueo yic tzya'n cuenta winac.

Salmos 132:16

Ax in coln pax eb' ya'mal 'och sti eb' 'anma 'ayin. A eb' yiclum tzyutj sb'a 'ayin, 'oj b'itn eb' yuj tzaljc'ojlal.

Salmos 132:9

Ax eb' ya'mal 'och qui ti 'aych on̈, sb'eylb'oc cab' eb' tojlal, an̈ xo a chon̈b' on̈ tic, 'el cab' caw yuj tzaljc'ojlal.

Salmos 18:33

'Icha wal sjelnal sb'ey junc no nun c'ultquil chej, 'ixta in b'ey o'oj; tza'n wip yic tzlaj in 'ec' 'a 'aj pa'ctac.

Salmos 45:13

Tic tzjaw 'ix cob's 'ix tznupn yet' win rey, 'ix yisl junx win rey. Caw wach' yilx 'ix yet' spichul, 'aych oro 'a stitc spichl 'ix.

Cantares 7:1

Ach cob'es, ach to yisl ach win rey, caw wach' yilx oc 'a yol a xan̈ab'. A yib' a xub', caw wach' yilx 'icha eb' q'uen oro sja'l wal yajch yelwnub'l yuj mach caw jeln sb'oni.

Is 61:10

Caw wal tzin tzalj ticnec yuj Jehová. Caw wal tzjaw in tzaljc'ojlal yuj in Diosal, yujto caw wach' xyutj ya'n in colnb'il, a tojlal, a chi 'icha to x'och in pichloc yu'uj. 'Icha tz'aj junc quelem mto junc cob's 'ix tz'och 'a nupnel, 'ixta in yutj in sb'oni.

Lc 15:21

Xyaln win 'unnab'il chi 'ixtic: Mamin, caw x'och in mul 'a Dios. X'och pax in mul 'ayach. Ax ticnec, man̈x smojc tzin al onnaloc, xchi win 'a smam cha.

Lc 15:23

Tzlajw cha, tz'at eyi'nc cot no wacx b'a'ch yajx servil, tze milni. To 'oj qui wa'ec, ax ca'nec 'och sq'uin̈.

Ro 13:14

Yowlal tzqui chajec spoder Cajlil Jesucristo, 'icha tzyutj junc soldado schan syamc'ab' yic owal. Man̈x ca'c 'och qui nab'en 'a jun tzo'n̈ tas tznib'j 'och qui tu nab'enal.

Ro 3:22

Yujn̈ej to tzca'c 'och qui c'ojl 'a Jesucristo, wach'n̈ec 'a sat Dios, yujto tzann̈j mach tz'a'n 'och 'a sc'ojol, wach' eb' 'a sat. Lajn on̈cn̈ej qui masnil an̈ 'anman̈ec tic 'a sat Dios.

Ro 8:15

Man̈x yowlalc tzon̈ xiwec, yujto a Espíritu qui chajnaquec, ma'on̈ ya'c pax 'och ya'malc servil ley yic Moisés jun 'ejm xo. Palta a Espíritu tic, a on̈ 'a'nec 'och yunnaloc Dios. Yuj wal Espíritu tic, tzon̈ 'awjec 'a Dios 'ixtic: Mamin, xqui chic 'a 'a.

Gl 3:27

A yic tzon̈ 'ajxec bautisar, junxn̈ej tzon̈ 'ajc yet' Cristo. Jantcn̈ej on̈ tzon̈ 'ajx bautisar, 'icha to tzqui pichlej Cristo.

Ef 6:15

'Icha eb' soldado tzyac' lista sb'a, tzya'n 'och xan̈ab', 'ixta 'ex paxi. Tzeyac' lista e b'a yet' e nab'en, yic tzex 'at eyal-l wach' 'ab'x yic junc'ojlal.

Dt 33:25

Wach' cab' smac yatut eb'. A cab' q'uen hierro, mto q'uen bronce 'aych smacoc. 'Ay cab' yip eb' yic te'n sq'uinl eb'.

Apoc 19:8

yujto 'ay jun sac pichl caw wach' 'ix 'ajx ya'chi. Caw sac, caw tzictzni, xchi eb'. A spichl caw sac cha, tzyal 'el'chi, atn swach'l eb' yic xo Dios.

Apoc 2:17

Jantcn̈ej eb' tz'ab'ni, ya' cab' 'och eb' schicn 'a tas tzyal Espíritu 'a junjn iglesia. A eb' 'oj 'a'nc ganar ya'n techjoc, 'oj wac' swa eb' jun maná c'ub'b'il 'eli. 'Oj wac' pax junjn q'uen caw sac 'a eb'. Ax 'a junjn q'uen cha, tz'ib'b'il 'och jun 'ac' b'i may mach 'ojtnac. Cojn eb' 'oj chanc yico', a eb' 'oj 'ojcanc 'el jun cha, xchi.

Apoc 3:18

Yuj cha, tzwaln 'ayex, caw tze b'o e b'eyb'al. Toto 'ixta', 'icha to 'oj e man jun oro b'ob'il 'a scal c'ac' 'ayin, sec 'oj e cha wal jun e ricoal 'a yel. 'Icha to 'oj e man pax jun e pichl caw sac 'ayin, sec man̈xtzac ex q'uixwi yujto 'icha to jitn ex 'eli. An̈jtona', 'icha to 'oj e succh yan̈l yol e sat, sec 'oj stac' eyilni.

Apoc 6:11

Xlajw cha, 'a junjn eb', 'ix 'ajx spichl eb' caw sac. 'Ix alx 'a eb', to tz'ilj eb' jac xo, masnto 'oj tz'acwc sb'isl eb' yit creyenteal eb' tot 'oj milxoc cham 'icha eb', atn eb' ya'mal servil Cristo yet' eb'.

Apoc 7:9

Xlajw cha, xwilni. Caw niwn 'anma 'ayc' 'a yojltac jun despacho cha, yet' 'a yojltac jun tzcuch Calnelu. A eb' cha, 'ay eb' 'a junjn nacion̈, 'a junjn 'in̈tal, 'a junjn ti'al, yet' 'a junjn chon̈b'al. Man̈x yalnb'ilc jantc sb'isl eb'. Caw sac spichl junjn eb'. Yamb'il xil te q'uib' yuj junjn eb'.