Lc 15:17 - Chuj San Sebastian Bible

¹⁷ 'Ixta to b'i'an, snan win 'ixtic: ¿Tas yuj 'ixtc tzwutj in b'a? Ticni caw 'ay eb' smajn in mam, caw tzyac' sobra tas tzc'ux eb'. An xo tic, wan wa'n cham in b'a yuj wejl 'a tic.

Chuj San Mateo Bible

¹⁷ Ichato chi' ix snaan sb'a vin̈: ¿Tas yuj icha tic tzin c'ulej, svac'cham in b'a yuj vejel d'a tic, axom d'a vin̈ in mam jantac am tas sva eb' smajan vin̈, syac' sobre tas sva eb'?

Lc 15:17 Iomraidhean Croise

Salmos 119:59

'Ix in sayn wil in b'eyb'al, yuj cha, xin yamn 'och in yiclni tas tzala.

Salmos 73:20

Ach Wajlil, 'oj a patquilc can 'el eb' maysch'olnil tas tzb'o'o. 'Icha tz'aj sat sc'ojl junc mach 'a swayich yic tz'el swayan̈, 'ixta 'oj 'ajcn eb' o'oj.

Ec 9:3

'Ay jun tas tu tzb'o 'a scal smasnil tas tzuj 'a yolyib'n̈q'uinl tic: atn yujto junn̈j tas tzon̈ satnec 'eli. Ax tas 'ayc' 'a qui nab'enec qui masnil, atn maysch'olnil yet' man̈ nab'enal; ax yic tzjaw tza'n̈joc qui chamlec 'a quib'an̈, tzon̈ satc can pax 'ejmi.

Jeremías 31:19

'Ix quij 'el qui b'a 'ayach, palta xqui na qui b'a ticnec. A yic xcojcan 'eli, to caw may qui ch'olnil on̈, chijn on̈ 'ejmi, tzon̈ 'ec' yuj q'uixwc'ojlal. 'Emmquilal xoj tzcutj qui b'a yuj jantc qui mul x'och 'a yictax quelm on̈t on̈, xchi eb' 'aj chon̈b' Efraín 'ayin.

Lm 1:7

A eb' 'aj Jerusalén, a wal yic 'aych eb' 'a sc'ul yab'n syal yuj tas tz'aj yixtxi, a yic cha, tznan cot eb' smasnil sricoal 'ay 'a yaln̈taxi. A yic x'ejm eb' yuj eb' 'ajc'ojol, toc 'ay mach xcoln eb'. A wal yic tz'ilx 'och eb' yuj eb' 'ajc'ojl cha, tzlaj b'uchx eb' yuj eb', yujto 'ix 'ejm eb'.

Ez 18:28

Yujto tzyil cot sb'a to maysch'olnil tas tzb'o'o, yuj cha, 'oj colchjoc can 'eli.

Os 2:7

'Oj 'och tza'n cob' yuj eb' nib'b'il yuj cha, palta ma'oj yamchjoc eb' yu'uj. 'Oj cob' sayc' eb', palta ma'oj 'ilchjoc eb' yu'uj. Yuj cha, ax yaln 'ixtic: 'Oj in meltzj pax 'a win wichmil wijnac 'a b'ab'el, yujto wach' to waj yet' win 'a yib'n̈ pax 'icha waj ticnec, 'oj schic e nun cha.

Lc 15:16

Palta ax winac, caw tzcham win yuj wejel. Tznib'j wal win tzb'ut'j sc'ojl yet' jun tzo'n̈ tas tzc'ux no chitm cha. Palta may mach tz'a'n jac tas 'a winac.

Lc 16:23

Palta ax spixan, ata xc'och a 'aj 'ay spixn eb' chamnac. Ax yic wan yab'n win syal 'a 'aj 'ayc' cha, xq'ue q'uelan. 'Ix yiln q'ue 'a caw najat, 'ayc' Lázaro yet' Abraham ta'.

Lc 8:35

Yuj cha, x'at laj yilnc eb' 'anma', tas jun chi 'ix uj cha. Ax yic xjaw eb' 'a 'aj 'ayc' Jesús cha, 'ix yiln eb', to a win 'aj 'elnc ewin demonio cha, wocn 'ec' ta'. 'Ayx 'och spichul, caw wach'x sc'ojol. Yuj cha, xcaw xiw eb'.

A Tas Sc'ulejnac Eb' Schecab' Jesús Hechos 12:11

Ax 'ix yilni to caw yel. Yuj cha, 'ix yaln 'ixtic: —A ticnec, tzwila, caw yel 'ix schec cot Wajlil jun yángel in wul scol 'elt 'a yol sc'ab' win Herodes. In colchj pax 'elt 'a yaln̈ jantcn̈ej tas tznib'j eb' wit israelal tzya'ch 'a wib'an̈, xchi.

A Tas Sc'ulejnac Eb' Schecab' Jesús Hechos 2:37

Yic xyab'n eb' israel chi jun tzo'n̈ tic, caw x'och pitz'n cusc'ojlal 'a spixn eb'. 'Ix sc'anb'n eb' 'ixtc 'a Pedro yet' 'a jun tzo'n̈ xo eb' schecb' Jesucristo: —Ex quit chon̈ab', ¿tas wal 'oj cutc qui b'a tze na ticnec on̈? xchi eb'.

Ef 5:14

Yuj cha, 'ay jun tzaln 'ixtic: Ach 'icha to waynac, 'ij 'el a wayan̈. Q'uen̈ wan 'a scal eb' 'icha to chamnc to. Ax Cristo 'oj 'a'nc sacq'uinl 'ayach, xchi.