Lc 15:13 - Chuj San Sebastian Bible

¹³ Ax yic jaye nant c'u, xchon̈n can 'el win tza'n 'unn chi jantcn̈ej tas xchaj 'a smam cha, 'ix 'at win 'a junx chon̈b' 'a najat. Ax 'ix c'och win 'a jun chon̈b' cha, amancotn xyutj win slajn 'el stumn chi muc'uc, ton̈j slaj win 'a spatc jun tzo'n̈ maysch'olnil 'ix sb'o sc'och ta'.

Chuj San Mateo Bible

¹³ Jayeanto c'ual chi', ix laj schon̈anel tastac ix ac'jican d'a vin̈ yuj smam chi', ix b'at vin̈ d'a junxo chon̈ab' te najat. Ata' ix b'at slajel stumin vin̈ d'a juntzan̈ chucal.

Lc 15:13 Iomraidhean Croise

Salmos 73:27

A eb' tzyij 'el sb'a 'a a tz'ey Mamin, 'oj cham eb'. A eb' man̈ yiclumoc 'ayach, 'oj a satl eb'.

Pr 18:9

A eb' 'isaj yet' eb' ton̈j tzjun 'el junc tas, 'icha to yu'tac sb'a eb'.

Pr 21:17

Toto tzya't sb'a junc mach 'a scal tas tznib'ej, 'icha yuj 'u'l 'an̈ yet' tas wach' sc'uxxi, a jun cha, 'oj jawc meb'a'il 'a yib'an̈.

Pr 21:20

A 'a yatut mach jeln snab'en, 'ay stumin, 'ay tas tzc'uxu; palta ax junc may snab'en, c'uxn tzlaj 'ejm jac tas tz'ilchj yu'uj.

Pr 27:8

A win winc tz'actn can yatut yet' yunnal, lajn wal win 'icha junc no ch'ic tzyactj can so yet' yune'.

Pr 28:7

A junc 'unnab'il to wach' snab'en, tzyiclj smasnil sley Dios, ax pax junc pec' yec' 'ilj q'uin̈, tzyij 'el sq'uixwel smam.

Pr 29:3

A junc 'unnab'il wach', tzyac' tzaljoc sc'ojl smam. Ax junc to a yet' eb' 'ix 'ajmul 'ix 'aj tz'och tzac'an, caw wal tzlajw 'ejm stumin.

Pr 6:26

A mach tzmuln yet' 'ix 'ajmul 'ix, tzcot meb'a'il 'a yib'an̈; palta ax mach tzmuln yet' 'ix 'ay yichmil, tztac' scham yuj smul cha.

Is 1:4

Ex wit chon̈ab', caw wal 'ajmul ex, an̈j maysch'olnil tze b'o 'icha ya'jnac eb' qui mam quichmec, an̈j tu tze b'o'o. Xeyi'n 'el e b'a 'a stz'ey Jehová, xeyactn can qui Diosal To Cojxni.

Is 22:13

A eyico', cojn tzaljc'ojlal tze b'o 'a e q'uin̈, tze miln cham no wacax yet' no calnelu. Tze chi wal chib'ej, tzeyu'n pax 'an̈. Tzeyaln 'ixtic: Wa coyec, cu'c 'an̈, toq'ue ax q'uic'an tzon̈ chamec, xe chi.

Is 30:11

'Eln̈ec 'a yol qui b'e 'on̈. A jun Dios To Cojxni, atn qui Diosal an̈ israel on̈, caw man̈ eyal cot 'ayon̈, xchi eb'.

Is 56:12

Tzlaj yaln eb' 'ixtic: Coyc qui say jac can̈, a cab' te caw ow tzqui sayc 'eq'ui, sec tzq'ue te 'a qui jolmec. Tzcu'nec pax te 'an̈ chi q'uic'an, yab'n 'icha hora tic. 'Oj cu'c 'icha tzcutjec cu'n ticnec, mto yel xo wal 'oj 'ec' 'a yib'n̈ cu'nec ta', xchi eb', xchi Dios.

Jeremías 2:13

Ax in chon̈b' ex tic, x'och chamacn̈ e mul. An tic, lajn in 'icha a a tzpaq'ui, palta in eyactj cani. Mun xoj xe b'o e diosal. A jun e diosal cha, lajn 'icha junc c'ob'a oln yich, matz can a 'a yojol, xchi Dios.

Jeremías 2:31

(Ex yin̈tl can Israel, macljec eyab' tas tzwal 'ayx an Jehová in tic.) ¿Tom 'icha wal junc lum cusltac lum waj 'ayex? ¿mto 'icha junc lum lum 'ay smay? Ex in chon̈ab', ¿tas wal yuj tzeyal 'ayn 'ixtic: Mun quic qui b'a on̈, man̈x 'a b'a'n̈ 'oj qui meltzj 'aych on̈? xe chi.

Jeremías 2:5

'Ix yal 'ayx 'ixtic: ¿Tas in mul 'ilchjnac yuj eb' e mam eyicham, yuj cha, in spatquiln can 'el eb'? 'Ix 'och tza'n eb' yuj jun tzo'n̈ comn dios to may jac yel'chi, yuj cha, man̈x 'a jac yel'ch x'ajcn eb'.

Miqueas 6:3

Ex israel tzcham wal eyab'n tas tzwala. Ta'wan̈c 'ayn ex in chon̈ab'. ¿Tom ex wixtej, mto 'ay wal tas tu xin b'o 'ayex?

Lc 15:12

A win tza'n 'unin, xyaln win 'ixtc 'a smam: Mamin, 'a'cn xon nan̈loc in macl to wic xon yaj 'aych tic, xchi. Yuj cha, a tas 'ay 'a win mamb'il cha, spojn can 'ec' win 'a eb' schawn̈il.

Lc 15:14

C'uxn wal slajw 'ejm stumn winac. 'Ix jaw jun niwn wejl 'a yib'n̈ jun chon̈b' chi 'aj 'ayc' cha. Ax winac, man̈x 'a jac tas tzc'uxu.

Lc 15:30

Palta ax jun onnal tic, ton̈j scomn laj win a tumn yet' eb' 'ix 'ajmul 'ix, ax ticnec, tzjapx winac. Yuj winac xa'n milxc cham no wacx b'a'ch yajx servil, xchi win 'a smam cha.

Lc 16:1

'Ix yaln Jesús jun 'ab'x tic 'ixtc 'a eb' scuywum: A 'a jun 'el, 'ay jun win patron̈ caw rico. 'Ay jun smayltoma winac. Ax 'ix yab'n win patron̈ cha, to caw tz'ixtx tastc 'ay 'a win yu'uj.

Lc 16:19

A 'a jun 'el, 'ay jun winc caw rico, caw wach' yaj yet' jun tzo'n̈ spichl caw chan̈ stojol. Ax 'a junjn c'u til wal tas caw wach' tzc'ux winac, tzcot ch'ucn 'a yojltac.

Ef 2:13

Palta ax ticnec, junxn̈ej eyaj yet' Cristo Jesús. Wach'xam 'icha to najt eyajcn 'el 'a Dios 'a yic yalan̈, ax ticnec, la'n xo eyaj 'a stz'ey, yujto 'elnc can schic'l Cristo cujec, yic xchami.

Ef 2:17

A Cristo xwul alnc 'el wach' 'ab'x yic junc'ojlal 'ayn̈ec qui masnil. An̈ israel on̈ tic on̈, yictax yalan̈, 'icha to la'n caj 'a Dios on̈. Ax xo, 'icha to najt to eyaj 'a stz'ey. Palta sch'ox Cristo 'ayn̈ on̈, sch'oxn pax 'ayex, chajtl tzon̈ 'aj cochc 'a junc'ojlal yet' Dios.

A Schab'il Carta San Pedro 2:13

'Icha tzya'ch eb' yailal 'a yib'n̈ jun tzo'n̈ xo, 'ixta 'oj 'aj yajx 'och yailal 'a yib'n̈ eb' jun xo. Wach'xam c'ual, tzya'chn̈ej eb' snab'en sb'on jun tzo'n̈ tas tznib'j 'och eb', sec tzcob' tzaljc eb' yet'oc. Caw q'uixweltac yajch eb' 'a e cal, caw tu eyilx 'a sat Dios yuj eb'. Yujto tzcomn 'och eb' wac eyet'oc, yic tzeya'n mol wa'el. Ton̈j tzcomn 'och eb' chi eyet'oc, yic tzya'n eb' tzaljoc sc'ojl yet' jun tzo'n̈ tas tznib'j 'och cha.