Lc 14:13 - Chuj San Sebastian Bible

¹³ Palta a yic tza'n 'och junc a q'uin̈, an̈j eb' meb'a tzawtj cot wac et'oc, eb' palta yaji, eb' coxo, yet' eb' matz uj yilni.

Chuj San Mateo Bible

¹³ Palta ayic tza b'oan junoc nivan vael, tzavtej eb' meb'a', eb' elnac sc'ab', eb' max uji sb'eyi yed' eb' max uji yilani.

Lc 14:13 Iomraidhean Croise

A Ch'an̈ Schab'l Libro Samuel 6:19

'Ix ya'n junjn 'ixm pan, yet' jab' b'olb'il chib'ej, yet' junjn te tacn̈ uva 'a smasnil eb' yit chon̈b' cha, xyac' 'a eb' winac yet' 'a eb' 'ix 'ix. Xlajw cha, 'ix meltzj junjn eb' 'a yatut.

2 Cr 30:24

Yujto a Ezequías sreyl Judá, 'ix siyj jun mil no quelm wacax, uque mil no calnelu 'a eb' chon̈ab' yic tzya'n eb' xajmb'aloc, an̈jtona', 'ixta pax eb' yajl yaji, 'ix siyj eb' jun mil no quelm wacax, yet' lajn̈e mil no calnelu. Caw niwn eb' ya'mal 'och sti eb' 'anma 'a Dios 'ix sacb'tzej can sb'a.

Nehemías 8:10

An̈jtona', xyaln pax Esdras 'a eb' 'ixtic: 'Ixquec wa'oc. A wal tas wach' tzlaj e c'uxu', tzeyu'n yal uva caw wach'. A eb' may yic b'ob'il yu'uj tzeyawtj eb' wac eyet'oc, yujto a jun c'u tic yic Jehová qui Diosalec yaji. Man̈ ex cusoc, yujto a tzaljc'ojlal tzyac' Jehová, atn wal 'aych qui te'naloc, xchi 'a eb'.

Nehemías 8:12

Xlajw cha, x'at smasnil eb' chon̈b' wa'oc, xyu'n eb' tas xyuq'uej, ax eb' may yico', xya'n eb' yic eb'. 'Ix wa eb' 'a tzaljc'ojlal, yujto 'ix nachj 'el yuj eb' tas 'ix 'ajx scuy eb' cha.

Job 29:13

A eb' tzlajw 'ejm yuj meb'a'il, xyal eb' yuj diosal 'ayin; ax eb' 'ix 'ix chamnc yichmil, tzalj eb' 'ix yujto tzin colwj 'a eb'.

Pr 14:31

Toto tzquixtjec eb' meb'a', caw tzqui patquiljec can 'el Dios, atn jun mach b'ojnac eb'. Palta toto tz'o'ch qui c'ojlec 'a eb', wan qui ch'oxnec 'eli to 'ay yel'ch Dios 'a qui satec.

Pr 22:9

A mach 'ela 'a yit 'anma'il, 'oj scha wach'il, yujto tzpojc' tas tzc'ux 'a scal eb' meb'a'.

Is 58:10

Toto tzeya'ch e b'a eya'n tas tzc'ux eb' 'ay swejel, tzeya'n tas 'ay tz'och yuj eb' tzcus yuj meb'a'il. Toto 'ixta', 'oj checljoc chan̈ e wach'l 'a scal 'anma', 'icha tzyac' sacq'uinl 'a scal q'uic'q'uinal, caw tzsacb' chan̈ yu'uj, 'icha pax yilx 'a yic chimc'ual.

Is 58:7

A eb' 'anma tzcham yuj wejel, 'a'c tas tzc'ux eb' eyet'oc, ax eb' may yatut, 'a'c sposada eb' 'a eyatut. Toto 'ay eb' meb'a man̈x 'a jac spichul, pichc eb' eyet'oc, man̈ eyactc eya'n sniwnal sc'ojl eb' eyit chon̈ab'.

Mt 15:30

Til wal eb' 'anma xjaw 'a 'aj 'ayc' cha. 'Ix yij cot eb' jun tzo'n̈ eb' coxo, eb' matz uj yilni, eb' matz uj spaxtini, yet' eb' wecchjnac. Til to wal jun tzo'n̈ xo eb' ya'ay x'ijx cot 'a 'a. Xwul 'ajxc eb' 'a yojltac Jesús, ax x'a'n b'oxc sc'ojl eb'.

Mt 22:10

Yuj cha, x'atx jun tzo'n̈ xo eb' schecb' win rey chi 'a yol caye. Jantcn̈ej eb' x'ilchj yuj eb', eb' maysch'olnil, yet' eb' wach', 'ix ya'n eb' syam sb'a eb'. Yuj cha, caw xb'ut'j jun n̈a 'aj x'och jun q'uin̈ chi yuj eb' 'anma'.

Lc 11:41

Octom a yet' e nab'en tze ch'oxl e wach'il. Toto 'ixta', 'oj sacb'tzaxc e pixan yet' e nab'en. Tzyal 'el'chi, man̈x 'a maysch'olnil 'aych 'ayex.

Lc 14:12

Xlajw cha, 'ix yaln 'ixtc 'a win x'awtn 'at cha: —A yic tza'n 'och junc niwn wa'el, may xon junc eb' a wach'c'ojl tzawtj coti. Man̈ awtc cot pax eb' o'tac, eb' ecan, yet' eb' rico cajn 'a a tz'ey tic. Yujto a eb' cha, 'oj ach yawtc pax eb' wac jun xo, ax a chan can pax spac ec cha.

Lc 14:14

Toto 'ixta', caw wach' eco', yujto a eb' cha, may xon spac 'oj stac' ya'n eb' 'ayach. Palta at wal yic 'oj pitzwc pax eb' tojl snab'en, ax a chan pax spac ec cha, xchi Jesús 'a winac.

Lc 14:21

Yic 'ix c'ochx jun smoso win cha, c'uxn xyala tastc xyutj ewin yaln 'a 'a. Yuj cha, caw xcot yowl win patron̈ cha. 'Ix yaln win 'ixtc 'a jun smoso cha: 'Ixc wal mu'c 'a jun tzo'n̈ caye, 'a jun tzo'n̈ b'e 'a yol chon̈b' tic. 'At 'ij cot eb' meb'a', eb' palta yaji, eb' coxo, yet' eb' matz uj yilni, xchi win 'a 'a.

A Tas Sc'ulejnac Eb' Schecab' Jesús Hechos 9:39

Yuj cha, 'ix 'at Pedro yet' eb'. Yic 'ix c'ochi, xyi'n q'ue eb' 'a jun cuarto chi 'aj 'ay sniwnal 'ix Dorcas cha. Ata yamn yaj eb' 'ix chamnc yichmil. Wan yoc' eb' yuj 'ix. 'Ay jun tzo'n̈ spichl eb', yet' jun tzo'n̈ scamx eb' sb'ojnac 'ix Dorcas cha, yic 'ayc' yet' eb'. 'Ix sch'ox eb' jun tzo'n̈ chi 'a Pedro cha.

Dt 14:29

Sec a yic 'oj c'och eb' levita 'ayex, eb' may xon slum 'oj scha eyet'oc, mto eb' chuc chon̈b'al cajn 'a e cal, mto eb' meb'a 'unn chamnc smam, yet' eb' 'ix 'ix chamnc yichmil, atn jun tzo'n̈ e diesmo chi 'oj sc'ux eb', sec b'ut'n sc'ojl eb' eyet'oc. 'Ixta 'oj yutc Jehová qui Diosalec ya'n yaxilal 'a eyib'n̈ yet' tas tze b'o cha, xchi Moisés.

Dt 16:11

Tze nan jun q'uin̈ chi 'a yojltac Jehová Dios, 'a jun lugar 'oj si'l yico'oc cha. Tze mol naj jun q'uin̈ chi yet' eb' eyunnal, eb' eyisil, ewin e moso, eb' 'ix eya'mal servil, eb' levita, eb' chuc chon̈b'al, eb' meb'a 'unn chamnc xo smam, yet' eb' 'ix 'ix chamnc yichmil cajn 'a yol e chon̈b' cha.

Dt 16:14

A 'a jun q'uin̈ cha, ata tzeyac' tzaljoc e c'ojl yet' eb' eyunnal, eb' eyisil, ewin e moso, eb' 'ix eya'mal servil, eb' levita, eb' chuc chon̈b'al, eb' meb'a 'unn chamnc xo smam, yet' eb' 'ix 'ix chamnc yichmil cajn 'a yol e chon̈b' cha.

1 Ti 3:2

'Oj wala', tas yowlal tzb'eylb'ej eb' tz'och yopiso cha. Yowlal wach' sb'eyb'al eb' sec matz tac' yajx queja eb'. Yowlal junn̈j yistl junjn eb'. Yowlal caw te'n tzyutj eb' snab'en, tzya'n cuenta sb'a eb'. Yowlal wach' tzyutj eb' sb'eyb'al 'a sat eb' yit 'anma'il, 'ela tzyutj sb'a eb' 'a eb' tzlaj 'ec' 'a 'a. Yowlal wach' tzyutj eb' scuyn eb' yit creyenteal.

1 Ti 5:10

Cojn eb' checl yaj 'a sat eb' yit creyenteal, eb' wach' sb'eyb'al. Cojn eb' wach' tzyutj sq'uib'tzan yune', eb' 'ela tzyutj sb'a 'a eb' tzlaj 'ec' 'a 'a. Cojn eb' tz'a'n servil eb' yit creyenteal 'a 'emmquilal, eb' tz'o'ch sc'ojl 'a eb' 'aych 'a syailal, eb' wach'n̈j tzyutj sb'a 'a smasnil tiempo. Cojn eb' tic tztac' yoch scuentaoc iglesia.

Tito 1:8

A eb' 'ay yopiso cha, yowlal wach' tzyutj sb'a eb' 'a eb' tzlaj 'ec' 'a 'a. Yowlal a tas wach', an̈j tzb'o eb', tzya'n cuenta sb'a eb'. Caw tojl tzyutj eb' sb'eyb'al. Cojxn 'a Dios tzya'ch eb' snab'en. Yowlal tztench wan eb' sniwnal 'a maysch'olnil.

Filemón 1:7

Caw tzin tzalj o'oj, yujto 'ay ab' a chamc'ojlal ta'. O'oj caw tzjaw sniwnal in c'ojl 'a tic, yujto ach tic wu'tac, caw tzac' stzaljc'ojlal eb' creyente ta'.

A Ch'an̈ Carta D'a Eb' Hebreo 13:2

Qui nac coti, to yowlal wach' tzcutjec qui b'a 'a eb' tzlaj 'ec' 'ayon̈. 'Ay eb' 'ixta yutjnac sb'a, palta man̈ yojcoc eb', toto ángel eb' 'aj wach' yutjnac sb'a eb' cha.