Lc 14:12 - Chuj San Sebastian Bible

¹² Xlajw cha, 'ix yaln 'ixtc 'a win x'awtn 'at cha: —A yic tza'n 'och junc niwn wa'el, may xon junc eb' a wach'c'ojl tzawtj coti. Man̈ awtc cot pax eb' o'tac, eb' ecan, yet' eb' rico cajn 'a a tz'ey tic. Yujto a eb' cha, 'oj ach yawtc pax eb' wac jun xo, ax a chan can pax spac ec cha.

Chuj San Mateo Bible

¹² Ix yalanpax d'a vin̈ ix avtan eb' vael chi': —Ayic tza b'oan junoc nivan vael, man̈ avtej eb' amigo, eb' uc'tac, eb' a c'ab' oc yed' eb' b'eyum d'a a lac'anil. Yujto ol ach yavtej pax eb' d'a yico', icha chi' ol a chaanxi spac chi'.

Lc 14:12 Iomraidhean Croise

Pr 14:20

A eb' meb'a', caw wal tzpatquilx can 'el eb' yuj eb' yit 'anma'il; ax pax eb' rico, til wal swach'c'ojl eb'.

Pr 22:16

A mach yuj snib'n 'och sb'a ricoal, yuj cha, tzyixtn eb' meb'a', yet' junc mach tz'a'n junc tas 'a eb' rico yic tzmontn eb', a eb' cha, 'oj lajwc 'ejm yuj meb'a'il.

Mt 5:46

Toto cojn eb' 'ay schamc'ojlal 'ayx tze chamc'ojlej, ¿tom 'oj e cha spac jun chi tze na'a? An̈jtona ewin tecm 'el tumin, 'in 'ixta pax tzyutj sb'a ewinac.

Lc 1:53

Caw xyac' syaxilal 'a eb' 'ay swejel. Ax eb' rico, may tas 'ix yac' 'a eb', 'ix checn pax eb'.

Lc 1:58

Ax eb' 'ay 'a stz'ey 'ix, yet' eb' yican, 'ix laj yab'nc eb' chajtlto sch'ox Dios swach'c'ojlal 'a 'ix. Yuj cha, caw xlaj tzalj eb' yet' 'ix jun xo.

Lc 14:11

Tzann̈j mach tzyij chan̈ sb'a, 'oj 'ijxoc 'ejmi, man̈x 'a jac yel'ch 'oj 'ajoc. Palta ax mach tzyij 'ejm sb'a, 'oj 'ijxoc cha'an̈, caw niwn yel'ch 'oj 'ajoc, xchi Jesús.

Lc 14:13

Palta a yic tza'n 'och junc a q'uin̈, an̈j eb' meb'a tzawtj cot wac et'oc, eb' palta yaji, eb' coxo, yet' eb' matz uj yilni.

2 Co 6:13

'Icha junc mamb'il, yelc'ojlal tztew 'och 'a eb' yunnal, 'ixta tzwutj in tew 'at 'ayex. Caw tzeyal cot e nab'en 'ayin, 'icha xwutj waln 'at wic 'ayex.