Lc 14:1 - Chuj San Sebastian Bible

¹ A 'a yic jun sc'ul 'iljelal, 'ix c'och Jesús wac 'a yatut jun win syajlil eb' fariseo. 'Ay pax jun tzo'n̈ xo ewin fariseo tzmaclni yila'.

Chuj San Mateo Bible

¹ A d'a jun sc'ual ic'oj ip, aton d'a sábado, ix c'och Jesús vael d'a spat jun vin̈ yajal eb' vin̈ fariseo. Axo juntzan̈xo eb' vin̈ yetfariseoal vin̈ ix maclan yila' tas ol yutej sb'a.

Lc 14:1 Iomraidhean Croise

Salmos 37:32

A eb' tzb'on maysch'olnil, q'uelnn̈ej 'och eb' 'a eb' wach' sb'eyb'al, 'aychn̈ej 'a snab'en eb' smiln eb'.

Salmos 41:6

Tzwulc eb' in yila', palta man̈ yet'c smasnil sc'ojl eb'. Ton̈j tzlaj wul smaclc eb' in yila', ax yic tzpaxx eb' 'a yol b'e, tzlaj yalnc can 'el eb' in peclal.

Salmos 62:4

Cojn wal tas tz'aj sat 'ejm in b'inab'ilal, an̈j chi tze na'b'tan̈ej. Cojxn̈ej wal 'a'j 'es tze chamc'ojlej. Tzeyal cob' wach' paxti 'ayin, palta ax yet' e nab'en to tzin e catb'ej cani.

Pr 23:7

yujto a eb' 'ay yic jun tas tzc'uxx cha, niwn tas tzna eb' yu'uj. Wach'xam tzcob' yal eb' to tzex wa'i, palta man̈ yet'c smasnil sc'ojl eb' tzyaln eb'.

Mt 12:12

Ocxo wal junc 'anma', yel xo wal niwn yel'ch 'a yib'n̈ junc calnelu. Yuj cha, sleyl ton tzqui b'o jun tzo'n̈ tas wach' 'a sc'ul 'iljelal, xchi 'a eb'.

Mr 3:2

'Ay eb' xtan̈wni yila', toto tzb'ox sc'ab' win yuj Jesús 'a sc'ul 'iljelal, yujto tznib'j eb' ya'ch 'a yib'n̈ Jesús.

Lc 11:37

Xlajw xoj yaln Jesús jun tzo'n̈ cha, 'ay jun win fariseo x'i'n 'at wac yet' 'a yatut. Yuj cha, 'ix c'och 'a yatut win cha, 'ix 'em wocn swa yet' winac.

Lc 14:2

Ata 'ay jun winc 'ayc' 'a yojltac Jesús, caw malnc win yuj jun yab'il.

Lc 17:20

'Ay jun tzo'n̈ ewin fariseo xc'anb'n 'a Jesús 'ixtic: ¿B'a'n̈ wal 'oj jawc stiempoal yoch Dios Cajliloc? xchi ewin 'a 'a. —A yic tz'och Dios Yajlil, matz tac' quiln yet' qui sat.

Lc 20:20

Yuj cha, schecn 'at ewin jaywn̈ schecab', x'at smaclnoc eb' yila', checl to matz 'och smul. Ax 'ix c'och eb', caw tojl xcob' yutc eb' snab'en yila'. 'Ix cob' slocnc eb' sc'umoc, sec toq'ue 'ay tas tzyac' palta yalni, sec tz'at ya'ch eb' 'a yol sc'ab' win yajal.

Lc 6:7

Ax ewin cuywjum 'a ley yic Moisés yet' ewin fariseo, 'ix stan̈wj ewin yila', toto 'oj b'oxc can sc'ab' win yuj Jesús 'a sc'ul 'iljelal cha. Yujto tznib'j ewin tzsay junc smul, sec tzyac' queja ewinac.

Jn 3:1

'Ay jun fariseo Nicodemo sb'i, yajl yaj 'a scal eb' yit israelal, yet' 'a eb' yit yajlil.

A Tas Sc'ulejnac Eb' Schecab' Jesús Hechos 5:34

Palta a 'a scal ewin yajl cha, 'ay jun win fariseo, Gamaliel sb'i. Caw cuywjum 'a sley Dios. Caw wal wach' win 'a sat eb' 'anma'. 'Ix q'ue lin̈an. 'Ix ya'n 'ijxc 'el eb' schecb' Jesús jun rato.