Lc 12:46 - Chuj San Sebastian Bible

⁴⁶ A jun c'u 'aj tzna jun moso cha, to matz jaw spatron̈ cha, palta ata tzjaw tza'n̈joc winac. Toxn man̈ yojcoc, toto a 'a jun rato chi tzjaw win patron̈ cha. Ax win 'oj 'a'nc 'och wal junc yailal 'a yib'n̈ jun smoso cha, ax ya'n can 'at win 'a 'aj 'ayc' jun tzo'n̈ eb' ma'ix ya'ch xon sc'ojl 'a Dios.

Chuj San Mateo Bible

⁴⁶ Axo d'a junoc c'u sna'a to manto ol jalaj vin̈ spatrón chi', palta a d'a jun c'u chi' ol javoc vin̈. Ta sjavi vin̈ ayic man̈ tan̈vab'iloc, man̈ naanoc yuj jun checab' chi', te nivan syaelal ol ac'jococh d'a yib'an̈. Ol yac'anb'at vin̈ d'a scal eb' maj ac'an och Dios d'a sc'ool.

Lc 12:46 Iomraidhean Croise

Job 20:29

Atn wal jun tzo'n̈ tic nab'ilx yuj Dios 'a yib'n̈ eb' maysch'olnil; to yic xo eb' yaj jun tzo'n̈ tic yu'uj, xchi win Zofar.

Salmos 11:5

A tzb'eyc'ojlan eb' wach', ax eb' tu sb'eyb'al, caw tzyajx 'el eb' yu'uj.

Salmos 37:9

A eb' tzb'on maysch'olnil 'oj satxoc 'el eb' yuj Jehová. Palta ax eb' tzya'ch sc'ojl 'a 'a, 'oj can cajn eb' 'a sat lum lum tic.

Salmos 94:14

Ma'oj actc can eb' a chon̈b' tic sch'ocoj.

Mt 24:50

Ax 'a jun c'u yic tzna eb' moso cha, to matz jaw win patron̈ cha, ata 'oj jawc 'a yorail man̈ yojcoc eb',

Mt 24:51

ax ya'n 'och win patron̈ chi jun niwn yailal 'a yib'n̈ eb', ax ya'n can 'at win eb' yet' eb' yit chab'satil cha. Ata 'oj 'oc' eb', caw 'oj juch'ch'oc ye eb' yab'n syail.

Lc 12:40

Yuj cha, 'ixta 'ex cab' paxi. Lista tzeyutj e b'a e maclni. Yujto a yic tze na'a, to mantzac in jawi, lemb'il ata 'oj in jaw an 'Ochnc in 'Anmal tic, xchi Jesús 'a eb' scuywum cha.

Lc 12:45

Palta q'uinloc tzna jun moso cha, to mant 'oj jawc spatron̈ cha. Yuj cha, tzyamn 'och sma'n eb' yit mosoal, yet' eb' yit munljumal cha. Ton̈j tzya'ch snab'en swa'i, tz'och pax 'u'm 'an̈il.

Lc 12:47

Q'uinloc 'ay junc moso 'ojtnac, tas tznib'j spatron̈ tzb'o'o, palta man̈ listaoc tzyutj sb'a. Matz yiclj tas tzyal spatron̈ cha. A jun cha, caw niwn yailal 'oj 'ajxc 'och 'a yib'an̈.

Apoc 16:15

'Ix yaln Cajlilec 'ixtic: 'Ab'ec, 'icha sc'och junc 'elc'um, 'ixta 'oj in c'och tza'njoc. A wal ex lista eyaji, caw wach' eyico'. 'Icha to man̈ ex wayn̈coc, 'icha to 'aych e pichul. Ax xo ex man̈ listaoc eyaji, ax in c'ochi, 'icha to jitn ex 'eli, ax e b'eyc' 'a sat eb' 'anma smasnil. Caw 'oj eyac' e q'uixwloc, xchi.