Lc 12:41 - Chuj San Sebastian Bible

⁴¹ Yuj cha, 'ix sc'anb'n Pedro 'ixtc 'a 'a: —Mamin, ¿an̈j am 'ayn̈ xal jun 'ab'x tic on̈, mto yet' 'a eb' 'anma smasnil? xchi.

Chuj San Mateo Bible

⁴¹ Yuj chi' ix sc'anb'an vin̈aj Pedro d'ay: —Mamin, ¿cuujn̈ej a ma ix al jun ch'oxnab'il tic, ma yuj eb' anima smasanil? xchi vin̈.

Lc 12:41 Iomraidhean Croise

Mr 13:37

A jun tzo'n̈ tzwal 'ayx tic, tzwal pax 'a eb' 'anma smasnil, caw listan̈ej tzeyutj e b'a, xchi Jesús.

Mr 14:37

Xlajw cha, xjapx 'a eb' 'oxwn̈ cha, palta ax xyilni wayn̈c eb'. Yuj cha, xyaln 'ixtc 'a Pedro: —Simón, ¿tom wayn̈c ach? ¿Tom matz tac' tza pitzl a wayn̈ wet' junc hora?

Lc 12:47

Q'uinloc 'ay junc moso 'ojtnac, tas tznib'j spatron̈ tzb'o'o, palta man̈ listaoc tzyutj sb'a. Matz yiclj tas tzyal spatron̈ cha. A jun cha, caw niwn yailal 'oj 'ajxc 'och 'a yib'an̈.

Lc 12:48

Palta q'uinloc 'ay junc xo moso man̈ 'ojtnacoc, tzb'on pax jun tzo'n̈ tas smoj tz'ajx 'och syailal yu'uj. A jun cha, janc'n̈ej yailal 'oj 'ajxc 'och 'a yib'an̈. A eb' niwn tas 'ac'b'il 'a 'a, niwn tas 'oj c'anb'xoc 'a eb'. Yet' eb' niwn tas 'ac'b'il 'ab'enal 'a 'a, yowlal niwn pax tas 'oj c'anb'xoc 'a eb'.

A Sb'ab'el Carta San Pedro 4:7

A ticnec, jab'xoj 'oj lajwc 'ec' smasnil tas. Yuj cha, caw lista tzcutjec qui b'a. Te'n tzcutjec qui nab'en qui leslwi.

A Sb'ab'el Carta San Pedro 5:8

Caw lista tzcutjec qui b'a, macwjcoyec. Yujto 'icha junc no león tz'el yaw, tz'ec' saync 'ec' junc mach tzyac' lajwoc, 'ixta yec' jun 'ajc'ojl yajch 'ayn̈ec, atn win diablo.