Lc 12:33 - Chuj San Sebastian Bible

³³ Chon̈c can 'el jantcn̈ej tas 'ay 'ayex, ax stojl cha, tze siyj 'a eb' meb'a'. 'Ixta 'oj eyutc e b'on junc e mucuc may b'a'n̈ tz'ichmaxi. Ata 'oj molxoc jun 'icha e ricoal 'a satcha'an̈. A jun cha, may b'a'n̈ 'oj lajwoc. May junc 'elc'm tztac' sc'och yelc' ta'. An̈jtona', may pax no 'ij 'oj 'och 'a 'a.

Chuj San Mateo Bible

³³ Chon̈eccan el tastac ay d'ayex, aq'uec d'a eb' malaj yico'. Icha chi' ol aj smolchaj e b'eyumal d'a satchaan̈, ichoc d'a yol junoc yed'tal malaj b'aq'uin̈ ol c'aoc. A jun chi' malaj b'aq'uin̈ ol lajvoc. Ata', malaj junoc elc'um syal yelc'anelta. An̈ejtona', man̈ ol och pax ijaxoc.

Lc 12:33 Iomraidhean Croise

Pr 13:7

'Ay eb' may xon jac tas 'ay 'a 'a, palta 'icha xo rico tzyutj sb'a eb'; 'ay pax eb' til wal tas 'ay 'a 'a, 'icha pax meb'a tzyutj sb'a eb'.

Hageo 1:6

Caw niwn cob' tas tze yawej, palta jab' wal sat eyawb'en chi tze molo. Tzex wa cob'i', palta matz ex b'ut'ji. Tzeyu'j tas tzeyuq'uej, palta matz 'ec' e tacn̈ti'al. Tzeya'ch cob' e pichul, palta toxn matz ex q'uixnj yu'uj. A e tojl tze chaj yuj 'aj tzex munlji, matz eyil 'aj tzc'ochi, 'icha to oln e b'olsa 'aj tzeyac' 'ejmi.

Mt 19:21

Toto tza nib'j man̈x 'a jac a paltail, 'ixic, 'at chon̈cn 'el jantcn̈ej tas 'ay 'ayach, tza'n stojl 'a eb' meb'a', sec 'oj a cha a ricoal 'a satcha'an̈. Tzlajw cha, tzach japx 'ayin, ax och in cuywumoc, xchi Jesús 'a winac.

Lc 11:41

Octom a yet' e nab'en tze ch'oxl e wach'il. Toto 'ixta', 'oj sacb'tzaxc e pixan yet' e nab'en. Tzyal 'el'chi, man̈x 'a maysch'olnil 'aych 'ayex.

Lc 12:21

'Icha jun winc cha, 'ixta 'oj 'aj eb' wan smolb'tzan sricoal 'a mun yol yico', toto may pax tas wan smolb'tzan eb' 'a yic Dios, xchi Jesús 'a eb'.

Lc 16:9

An tzwal 'ayex, a q'uen tumin, c'un sc'anx 'a maysch'olnil. Palta a 'a tas wach', a cab' ta tze c'anlb'ej sec wach' 'ay eb' 'oj e wach'c'ojloc e b'a yet'oc. Toto 'ixta', at yic 'oj lajwc yopiso jun tumn chi eyu'uj, 'ay eb' 'oj e chan e c'och 'a 'aj 'ay jun eyet'l 'a jun 'ejmn̈ej.

Lc 18:22

—Palta 'ayt wal junx a palta. 'Ixic, 'at chon̈cn 'el jantcn̈ej tas 'ay 'ayach. Tza'n stojl 'a eb' meb'a', sec 'oj a cha a ricoal 'a satcha'an̈. Tzlajw cha, ax a japx 'ayin, ax och in cuywumoc, xchi 'a winac.

Jn 12:6

Palta yes winac. Matz na win jac eb' meb'a cha, yujto a win molm tumn yaji. Yuj cha, a win tzcob' nib'nc molnc stojl cha, sec tzyij can 'el win jac yic 'a 'a, yujto toxn 'elc'm xon winac.

A Tas Sc'ulejnac Eb' Schecab' Jesús Hechos 2:45

'Ay eb' xlaj schon̈l slu'um, yet' jantcn̈ej tastc 'ay 'a eb'. 'Ix laj spojnc 'ec' eb' stojl 'a scal, a tzyala, tastc 'ay tz'och yuj junjn eb'.

2 Co 8:2

Wach'xam caw x'ajx prowal eb' yuj screyenteal, palta caw tzaljn̈ej eb'. Wach'xam caw meb'a eb' si'mb'il, palta 'ela eb', 'icha to caw rico eb' tzquila.