Lc 12:21 - Chuj San Sebastian Bible

²¹ 'Icha jun winc cha, 'ixta 'oj 'aj eb' wan smolb'tzan sricoal 'a mun yol yico', toto may pax tas wan smolb'tzan eb' 'a yic Dios, xchi Jesús 'a eb'.

Chuj San Mateo Bible

²¹ Icha chi' yaj eb' smolan sb'eyumal d'a yol yico', axo d'a yic Dios meb'a' eb', xchi Jesús d'a eb' anima.

Lc 12:21 Iomraidhean Croise

Pr 13:7

'Ay eb' may xon jac tas 'ay 'a 'a, palta 'icha xo rico tzyutj sb'a eb'; 'ay pax eb' til wal tas 'ay 'a 'a, 'icha pax meb'a tzyutj sb'a eb'.

Os 10:1

A eb' 'aj chon̈b' Israel, lajn wal eb' 'icha jun 'ib'c te snun uva caw wal 'ay sat, palta mun tzsatn sch'ocoj, a yic wach' tz'aj sat tas 'awb'il yuj eb', yet' 'a yic tzniwtj sricoal eb', a pax ta tzniwtj sb'on eb' 'anma jun tzo'n̈ yet'l xajmb'al, tzb'on 'och eb' yelwnub'al.

Habacuc 2:9

'Oltac ex, yujto 'ix cob' eyac' b'ut'joc yol eyatut yuj tas xlaj eyelc'oc, sec tztac' e coln e b'a 'a tas 'ay smay e nani.

Lc 12:33

Chon̈c can 'el jantcn̈ej tas 'ay 'ayex, ax stojl cha, tze siyj 'a eb' meb'a'. 'Ixta 'oj eyutc e b'on junc e mucuc may b'a'n̈ tz'ichmaxi. Ata 'oj molxoc jun 'icha e ricoal 'a satcha'an̈. A jun cha, may b'a'n̈ 'oj lajwoc. May junc 'elc'm tztac' sc'och yelc' ta'. An̈jtona', may pax no 'ij 'oj 'och 'a 'a.

Lc 16:11

Yuj cha, toto man̈ tojloc tzeyutj e b'a yet' jun ricoal yic yolyib'n̈q'uinl tic, ¿tom 'oj 'ajxc jun caw ricoal 'ayex?

Lc 6:24

Palta ax xo rico ex ticnec, caw 'oltac ex, yujto tox xeyil swach'l 'a tic.

Ro 2:5

Palta 'ayx pit ex, matz e na e b'a. Yuj cha, wan eya'n niwtjoc yowl sc'ojl Dios 'a eyib'an̈. Ax 'a yic 'oj jawc jun c'u yic yailal, ax yajx can 'och 'a eyib'n̈ ta'. At wal 'a jun c'ul cha, 'oj checljoc 'el sb'eyc'ojlal Dios caw yel.

2 Co 6:10

Wach'xam tz'ajx qui cusc'ojlal on̈, palta smasnil tiempo tzon̈ tzalj on̈. Wach'xam caw meb'a on̈ on̈, palta til wal eb' tz'och ricoal 'a sat Dios cuj on̈. Wach'xam may xon jac tas 'ayn̈ on̈, palta a 'a sat Dios, 'ay smasnil tas 'ayn̈ on̈.

1 Ti 6:9

Palta 'ay eb' creyente cojn ricoal tznib'ej. Yuj cha, c'un yajx juwc 'el eb' yuj maysch'olnil. 'Icha to tzcan eb' 'a junc ch'an̈ ya'al, yujto til wal jun tzo'n̈ tas may yopiso tznib'j 'och eb'. Caw 'ay smay tzjuw 'el eb' yu'uj. Yuj jun tzo'n̈ tznib'j 'och eb' cha, tzwach' caw juw 'el snab'en eb' 'a jun 'ejmn̈ej. Yuj cha, 'ichn̈jta 'oj satx can 'ejm eb'.

Santiago 2:5

Ex wu'tac, ex wanab', chamc'ojlb'ilx wu'uj. 'A'c 'och e chicn 'a junx tic. A eb' meb'a 'a yolyib'n̈q'uinl tic, atn eb' tzsi'x 'elt yuj Dios, sec wach' tzya'ch eb' sc'ojl 'a 'a. Yuj cha, 'icha to rico tz'aj eb' 'a sat, yujto a 'oj 'i'nc 'at eb' 'a yol sc'ab'. A ya'jnac sti', chajtlto 'ixta 'oj yutc eb' 'ay schamc'ojlal 'a 'a.

Apoc 2:9

[Wojtac, jantcn̈ej tas tze b'o'o.] Wojtac, caw tzeyab' syal wu'uj. Caw meb'a 'ex, palta wal yel rico ex 'a sat Dios. Wojc paxi, chajtl tzex 'aj e b'uchx yuj eb' tzyalch sb'a israelal. Palta a eb' cha, atn win Satanás wan ya'n servil eb'.