Lc 12:17 - Chuj San Sebastian Bible

¹⁷ Yuj cha, snan win 'ixtic: ¿Tasm 'oj wutoc? Yujto man̈x 'a 'aj wach' 'oj in mol sat wawb'en tic, xchi winac.

Chuj San Mateo Bible

¹⁷ Ix snaub'tan̈an vin̈: ¿Tas svutej? Man̈xa b'aj syal in molancan sat tas ix vavej tic.

Lc 12:17 Iomraidhean Croise

Ec 11:2

Tzyal 'el'chi, to a tas 'ay 'ayn̈ec, tzqui pojc 'ec' 'a scal eb' 'ay tas 'ay sc'a'l tz'och yu'uj, yujto man̈ cojcoquec tas wan sjaw 'a quib'n̈ec yet' qui chon̈ab'.

Is 58:7

A eb' 'anma tzcham yuj wejel, 'a'c tas tzc'ux eb' eyet'oc, ax eb' may yatut, 'a'c sposada eb' 'a eyatut. Toto 'ay eb' meb'a man̈x 'a jac spichul, pichc eb' eyet'oc, man̈ eyactc eya'n sniwnal sc'ojl eb' eyit chon̈ab'.

Mt 16:7

Yuj cha, xlaj yal-lanc eb' 'ixtc yuj jun tzo'n̈ xyal cha: —Tzyal 'ixta', yujto ma'ix quijec cot qui pan, xchi eb'.

Mt 5:42

Tzann̈j mach tzc'ann smajnc junc tas 'ayex, matz tac' ton̈j tzex 'el ch'umn 'a 'a.

Lc 10:25

Xlajw cha, 'ay jun win cuywjum 'a ley yic Moisés, xq'ue lin̈an. Snib'j win yac' prowal Jesús. Yuj cha, sc'anb'n win 'ixtc 'a 'a: —Mamin, ¿tas yowlal 'oj in b'o', sec 'oj in cha in q'uinl 'a jun 'ejmn̈ej? xchi win 'a 'a.

Lc 11:41

Octom a yet' e nab'en tze ch'oxl e wach'il. Toto 'ixta', 'oj sacb'tzaxc e pixan yet' e nab'en. Tzyal 'el'chi, man̈x 'a maysch'olnil 'aych 'ayex.

Lc 12:16

Xlajwn̈ej cha, xyaln jun 'ab'x tic 'a eb': A 'a jun 'el, 'ay jun winc caw rico, til wal sat yawb'en x'el-l 'a sat slu'um.

Lc 12:18

Xlajw cha, snan pax winac: 'A, 'ixtc 'oj wutoc. 'Oj in poj 'ejm jun tzo'n̈ sc'un̈ail sat wawb'en tic, ax in b'on pax jun tzo'n̈ xo caw niwc 'oj 'ajoc. Ata 'oj in mol smasnil sat wawb'en tic, yet' smasnil jun tzo'n̈ xo tas 'ay 'ayin.

Lc 12:22

Xlajw cha, xyaln Jesús 'a eb' scuywum 'ixtic: Tzwal 'ayex, man̈ ex 'och 'il yuj e tzatzil, yet' yuj tas 'oj e c'uxu'. Man̈ e na pax yuj e pichl tzeya'chi.

Lc 12:29

Yuj cha, caw man̈ ex 'och 'il. Man̈ e na yuj tas 'oj e c'uxu', yet' yuj tas 'oj eyuc'.

Lc 12:33

Chon̈c can 'el jantcn̈ej tas 'ay 'ayex, ax stojl cha, tze siyj 'a eb' meb'a'. 'Ixta 'oj eyutc e b'on junc e mucuc may b'a'n̈ tz'ichmaxi. Ata 'oj molxoc jun 'icha e ricoal 'a satcha'an̈. A jun cha, may b'a'n̈ 'oj lajwoc. May junc 'elc'm tztac' sc'och yelc' ta'. An̈jtona', may pax no 'ij 'oj 'och 'a 'a.

Lc 16:3

Yuj cha, 'ix snan win mayltoma chi 'ixtic: ¿Tasm 'oj wutc in b'a ticnec? Caw in yij 'el win in patron̈ tic 'a wopiso. Palta toxn may tzin 'och in munlj 'a junc xo munljel. Caw 'oj in q'uixw wec' pax in c'an jac siylab' 'a eb' 'anma 'a scal n̈a.

Lc 16:9

An tzwal 'ayex, a q'uen tumin, c'un sc'anx 'a maysch'olnil. Palta a 'a tas wach', a cab' ta tze c'anlb'ej sec wach' 'ay eb' 'oj e wach'c'ojloc e b'a yet'oc. Toto 'ixta', at yic 'oj lajwc yopiso jun tumn chi eyu'uj, 'ay eb' 'oj e chan e c'och 'a 'aj 'ay jun eyet'l 'a jun 'ejmn̈ej.

Lc 18:22

—Palta 'ayt wal junx a palta. 'Ixic, 'at chon̈cn 'el jantcn̈ej tas 'ay 'ayach. Tza'n stojl 'a eb' meb'a', sec 'oj a cha a ricoal 'a satcha'an̈. Tzlajw cha, ax a japx 'ayin, ax och in cuywumoc, xchi 'a winac.

Lc 19:17

Yuj cha, xyaln win 'a 'a: Wach' jun, ach tic caw wach'ch 'ayin. Wach'xam jab' xwac' 'ayach, palta tojl xotj a nab'en yet'oc, yuj cha, tic tzwa'ch opiso gobernadoral 'a lajn̈e chon̈ab', xchi win 'a 'a.

Lc 3:11

—Ax to 'ay cha'chb'oc e camix, tzeyac' junc 'a junc mach may yico'; yet' ex 'ay tas tze c'uxu, tzeyac' pax ja'jb'oc 'a eb' may yico', xchi 'a eb'.

A Tas Sc'ulejnac Eb' Schecab' Jesús Hechos 16:30

Xlajwn̈ej cha, xyi'n 'elt win eb'. 'Ix sc'anb'n win 'ixtc 'a eb': —Ex winac, ¿tas wal 'oj wutc in b'a, sec tzin colchji? xchi win 'a eb'.

A Tas Sc'ulejnac Eb' Schecab' Jesús Hechos 2:37

Yic xyab'n eb' israel chi jun tzo'n̈ tic, caw x'och pitz'n cusc'ojlal 'a spixn eb'. 'Ix sc'anb'n eb' 'ixtc 'a Pedro yet' 'a jun tzo'n̈ xo eb' schecb' Jesucristo: —Ex quit chon̈ab', ¿tas wal 'oj cutc qui b'a tze na ticnec on̈? xchi eb'.

Ro 12:13

Yowlal tzon̈ colwjec 'a eb' quit creyenteal, yic 'ay tas 'ay sc'a'l tz'och yuj eb'. Wach' tzlaj cutquec pax qui b'a 'a eb' tzlaj 'ec' 'ayn̈ec.

1 Ti 6:17

Ax eb' creyente rico yuj tastc 'ay 'a yolyib'n̈q'uinl tic, tzal jun tzo'n̈ checnb'il tic 'a eb'. Tzcham wal aln 'a eb', to matz tac' sb'an̈n sb'a eb'. Matz tac' ya'n 'och eb' sricoal yipc sc'ojol, yujto may jac syal tz'aj slajw pax 'eq'ui. Tzaln pax 'a eb', to cojxn Dios pitzan, a tzya'ch eb' yipc sc'ojol. Yujto a tz'a'n smasnil tas 'ayon̈, sec tzon̈ tzalj yet' jun tzo'n̈ cha.

1 Jn 3:16

Cojquec paxi tas yaj schamc'ojlal Dios 'ayn̈ec, yujto ya'jnac cham sb'a Jesucristo cujec. Yuj cha, yowlal 'ixta tzcutjec qui chamc'ojlan eb' quit creyenteal, tzca'nec cab' cham qui b'a yuj eb'.