Lc 11:39 - Chuj San Sebastian Bible

³⁹ Palta xyaln Cajlil 'a win 'ixtic: —Ax fariseo ex tic, caw tze b'icl spatquil e vaso yet' e yuc'ab', palta ax tas 'ay 'ejm 'a yojol, ton̈j 'elc'b'il eyuj 'a scal maysch'olnil.

Chuj San Mateo Bible

³⁹ Palta ix yalan Jesús d'a vin̈: —A ex fariseo ex tic, lajan ex icha junoc mach an̈ej spatic svaso yed' yuc'ab' sb'iqueli, axo yool, miictac. Ichex ta', te vach'n̈ej tzeyutej e b'a d'a yichan̈ eb' anima. Palta axo d'a elc'altac, ton̈ej tzex och b'eyumal yuj eyixtan eb' anima chi', yuj eyac'an sgana e pec'al.

Lc 11:39 Iomraidhean Croise

Gn 6:5

Ax xyiln Jehová, to yelc'ojlal tzb'o eb' 'anma maysch'olnil 'a sat lum lum tic, caw cojxn 'a maysch'olnil 'aych snab'en eb'.

2 Cr 25:2

A jun tzo'n̈ tas sb'o Amasías cha, tojl 'a sat Jehová, palta to ma'ix sb'o 'a smasnil sc'ojol.

Salmos 22:13

Tz'el yaw eb' 'icha no león caw ow, c'awn sti eb' tzcot eb' 'ayin.

Pr 26:23

A spaxti eb' 'anma tu tas nab'il yu'uj, lajn wal 'icha cob' sja'l tz'ajch q'uen plata yu'moc junc lum chen.

Pr 26:25

Wach'xam cob' wach' tzyutj paxtinc sb'a 'ayex, palta man̈ e cha eyab'i', yujto caw tu tas nab'il yuj 'a e patquil.

Pr 30:12

'Ay pax mach tznani to caw may xon jac smul, palta mantzac sb'o yaj smul 'a yib'an̈.

Jeremías 4:14

Ex 'aj Jerusalén, 'ijec 'el smasnil tas tu 'ayc' 'a e nab'en, sec 'ixta 'oj eyaj e colchji. ¿B'a'n̈ wal 'oj eyactc e nan jun tzo'n̈ maysch'olnil?

Ez 22:25

A eb' 'aych yajlil 'a scal eb' 'anma cha, lajn wal eb' 'icha no león tz'el yaw sayn 'ec' schib'ej. A eb' cha, 'anma tzlaj smil eb', tzlaj yi'nc 'ec' eb' tas 'ay 'a eb' 'anma', til wal eb' 'ix 'ix tzcham yichmil yuj eb'.

Ez 22:27

A eb' yajl cha, lajn eb' 'icha no 'ocs tzyam schib'ej, 'anma tzlaj smil eb', tzyi'n 'ec' eb' tas 'ay 'a eb' 'anma cha.

Sofonías 3:3

A eb' syajlil eb', lajn wal eb' 'icha no león tz'el yaw yuj wejel. Ax eb' juez, lajn eb' 'icha no 'ocs man̈x 'a jac sb'acl schib'j tzyactj can yico'oc junc xo c'u.

Mt 15:19

Yujto a 'a snab'en eb' 'anma tzpitzw jun tzo'n̈ tu nab'enal tic. 'Ay eb' tzmiln cham yit 'anma'il. 'Ay eb' tzb'on 'ajmulal 'a yol sc'ab' yistzil. 'Ay eb' mant 'a yistzil tzb'on 'ajmulal paxi. 'Ay eb' tz'elc'wi, 'ay eb' tzyac' 'es, 'ay pax eb' tzcomn b'uchwji.

Mt 7:15

'Ay eb' tzcob' yalch sb'a schecb'oc Dios, caw tzeyil wal e b'a 'a eb', yujto a yic 'oj c'och eb' 'ayex, caw manso 'oj cob' yutc sb'a eb' 'icha junc calnelu. Palta ax snab'en eb', caw tu', 'icha junc 'ocs caw ow.

Lc 16:15

Yuj cha, xyaln Jesús 'ixtc 'a ewinac: Ax xo tic, cojxn 'a sat eb' 'anma wach' tzeyutj e b'a, palta ax Dios, yojtac tas yaj e nab'en. A jun tzo'n̈ tas niwn yel'ch 'a sat eb' 'anma', caw yajb'il yuj Dios.

Lc 7:13

Yic 'ix yiln Cajlil jun 'ix cha, 'ix 'o'ch sc'ojl 'a 'ix, 'ix yaln 'ixtc 'a 'ix: —Man̈ ach 'oc'oc, xchi.

Lc 7:19

'Ix schecn cot eb' 'a Jesús yic tzwul sc'anb'oc toto a Jesús chi Cristo, atn jun tan̈b'il xon sjaw yuj eb', mto chuc junc xo tztan̈wj eb' sjawi.

Jn 12:6

Palta yes winac. Matz na win jac eb' meb'a cha, yujto a win molm tumn yaji. Yuj cha, a win tzcob' nib'nc molnc stojl cha, sec tzyij can 'el win jac yic 'a 'a, yujto toxn 'elc'm xon winac.

Jn 13:2

Ax win Judas, yunnal Simón 'aj Queriot, tox 'ix 'och win diablo 'a spixn winac, sec a win tz'a'n 'och Jesús 'a yol sc'ab' chamel. Palta yojc Jesús to a 'a Dios cotnac, ata 'oj paxx q'ue'i. Yojtac a qui Mam Dios 'a'jnac smasnil tas 'a yol sc'ab'. Ax yic wan swa yet' eb' scuywum, 'ix q'ue lin̈an. 'Ix yi'n 'el jun spotil, sb'a'n 'och jun toaya 'a snan̈al.

A Tas Sc'ulejnac Eb' Schecab' Jesús Hechos 5:3

Ax Pedro 'ix aln 'a win 'ixtic: —Ananías, ¿tas yuj xyac' win satanás a c'ojloc, yuj cha, tza'n 'es 'a Yespíritu Dios? 'In 'ix ejcan 'el nan̈l ec 'a stojl jun a lum cha.

Gl 1:14

A 'a scuynb'il eb' wit chon̈ab', yel xo wal jeln in 'a yib'n̈ eb' lajn sq'uinl wet'oc. Yujto yel xo wal wa'jnac 'och in nab'en 'a sb'eyb'al eb' qui mam quichm on̈.

2 Ti 3:5

'Oj cob' yal eb' 'ixtic: A 'a Dios wan ca'nec 'och qui nab'en, 'oj schic cob' eb'. Palta ax sb'eyb'al eb' tzch'oxn 'eli, to man̈oc Dios 'aych yet' eb'. Ach xo, tzej 'el a b'a 'a scal eb' 'ixta tzyutj sb'a. Man̈ junc ec' yet' eb'.

Tito 1:15

An̈ tojlb'tzab'ilx qui nab'en, wach' smasnil tas 'ayon̈. Palta ax eb' matz ya'ch sc'ojl 'a Dios, eb' maysch'olnil xon snab'en, may junc tas wach' 'a eb'. Yujto a snab'en eb', toxn maysch'olnil. Man̈ jac tzyac' cuenta sb'a eb' yet' snab'en cha.

Santiago 4:8

Qui nitzc 'och qui b'a 'a stz'ey Dios. To 'ixta', 'oj snitzch sb'a 'a qui tz'eyc jun xo. Palta ax xo maysch'olnil e nab'en, b'oc e b'eyb'al. Ax chab'c'ojlal eyaji, tojlb'tzejc e nab'en.