Lc 11:34 - Chuj San Sebastian Bible

³⁴ A yol qui satec, 'icha junc cantil, 'ixta yaj 'a qui niwnalec. Yuj cha, toto junn̈j 'aj 'aych qui satec, sacq'uinl cajec. Caw wach' tzcutjec qui b'a yet' qui niwnal. Palta toto 'ayex, chucchc 'aj tzeya'ch e sat, tzex can 'a q'uic'q'uinl yu'uj.

Chuj San Mateo Bible

³⁴ A yol co sat, icha yaj candil yaj d'a co nivanil. Yuj chi' tato junn̈ej b'aj ayoch co sat, saquilq'uinal caji, vach' scutej co b'a yed' co nivanil. Palta tato ch'occh'oc b'aj scac'och co sat, tzon̈ can d'a cal q'uic'alq'uinal yuuj.

Lc 11:34 Iomraidhean Croise

Gn 19:11

Xya'n eb' ángel chi somchjc 'el snab'en ewinac, yuj cha, smasnil eb' 'ayc' 'a spatc n̈a cha, man̈xtoc stac' yiln xon eb'. Smasnil eb' quelem yet' eb' 'ichmtac winac, man̈x 'a junc mach tztac' yilni, caw 'ix c'unb' eb' sayn 'ec' smac te n̈a cha.

Salmos 119:18

Jac wal in sat, sec 'oj wojcoc 'el satjub'tacl tas tzyal a cuynb'il.

Salmos 81:12

Yuj cha, xwa'n can 'at eb' 'a scal stenmtaquil, 'ix ya'n eb' sgana 'icha tznib'ej.

Pr 21:4

A eb' tzb'an̈ sb'a, chan̈ yaj't sat eb' yic tz'ec' eb'; caw maysch'olnil jun nab'en cha, caw wal tu'.

Pr 28:22

A mach tznib'j 'och sb'a ricoal 'a yajn̈ej, man̈ yojcoc toto 'oj jawc meb'a'il 'a yib'an̈.

Is 29:10

Yujto a Jehová, a 'ix a'n cot jun 'icha niwquil wayn̈ 'a eyib'an̈. Ax eb' schecb' Dios, a eb' tz'ilni tas tzjaw 'a eyib'an̈, palta 'ix smac Dios sat eb' schecb' cha, 'icha junc mach tzmacx sat yet' junc nip.

Is 42:19

Toc 'ay mach jun 'eln̈ej caw matz uj yiln 'icha jun in checb' sic'b'il 'el wu'uj, toc 'ay junc mach to chacn̈ 'icha jun in checb' checb'il 'at wuj an Jehová in.

Is 44:18

A wal jun tzo'n̈ 'anma 'ixta tzb'o cha, caw may snab'en eb'. Matz nachj 'el jac yuj eb', 'icha to matz uj yiln eb'.

Is 5:20

'Oltac wal eb' tzcob' alnoc to a tas tu', a chi tzyal eb' wach'il, ax tas wach', a chi tzyal eb' tu'al; a sacq'uinal, a chi q'uic'q'uinl 'a eb', ax q'uic'q'uinal, a chi sacq'uinl 'a eb'. A tas chi', 'icha to c'a tzyab' eb', ax tas c'a, a chi tzyal eb' chi'al.

Is 6:10

'Ac' somchjoc 'el snab'en jun tzo'n̈ eb' 'anma tic, 'icha to tza mac schicn eb' yet' sat eb', sec wach' matz yil eb'. Matz tac' yab'n eb', matz nachj 'el pax yuj eb', sec matz jaw eb' 'ayin, matz colchj eb' wu'uj, xchi Dios.

Jeremías 5:21

Ex chon̈b' to may jac e nab'en, a ticnec 'ab'c jun tzo'n̈ tic. 'Ay yol e sat, palta matz eyila, 'ay e chiquin, palta matz eyab'i.

Mr 4:12

sec matz nachj 'el yuj eb'. Wach'xam tzyil eb' junc tas, ton̈j tzcann̈j eb' 'ixta', 'icha to may tas tzyil eb'; an̈jtona', wach'xam tzyab' eb', palta matz nachj xon 'el jac yuj eb'. Yuj cha, matz jel xon eb' jac snab'en, matz 'ajx lajwc can pax smul eb', xchi.

Mr 7:22

'ay eb' tz'e'lc'wi, 'ay eb' tznib'n 'och tas 'ay 'a junc xo 'anma', 'ay eb' maysch'olnil tzyutj sb'a, 'ay eb' tzyac' 'es, 'ay eb' may sq'uixwel scomn b'on junc tas. 'Ay eb' tzchichn 'och 'a junc mach yuj tas 'ay 'a 'a, 'ay eb' tzcomn b'uchwji, 'ay eb' tzb'an̈ sb'a, 'ay pax eb' maysch'olnil snab'en.

Mr 8:18

'Ay cob' yol e sat, palta matz eyila; 'ay cob' e chiquin, palta matz eyab'i. ¿Tom matz e na coti?

Lc 11:35

Tzeyil wal e b'a, sec a jun sacq'uinl 'aych 'ayex, ma'oj sutmjc 'och q'uic'q'uinlal.

A Tas Sc'ulejnac Eb' Schecab' Jesús Hechos 13:11

A ticnec, 'oj ya'ch Cajlil a yailal. 'Oj yac' juwc yol a sat junc tiempoal. Wach'xam 'ay yoc c'u, palta man̈x 'oj stac' eln jab'oc, xchi Pablo chi 'a winac. Yajn̈j wal cha, xjuw yol sat winac. Man̈xtzac stac' yiln win jab'oc, yuj cha, x'at saync 'ec' win junc mach tzquetzn b'eyc'oc.

A Tas Sc'ulejnac Eb' Schecab' Jesús Hechos 2:46

Junjn c'u, tzyamn sb'a eb' 'a yamq'uil yatut Dios. Tzlaj syamn sb'a junjn eb' 'a yatut, tzpojn 'ec' eb' 'ixm pan yic Cena 'a scal. Junxn̈ej tzlaj wa eb' 'a tzaljc'ojlal. Caw junc'ojlal xlaj yutc sb'a eb'.

A Tas Sc'ulejnac Eb' Schecab' Jesús Hechos 26:18

Tzach in checb't 'a eb', sec wach' 'oj jawc snab'en eb', ax yactn can eb' jun sb'eyb'al yic q'uic'q'uinal, ax yoch eb' 'a jun sacq'uinl yic Dios. 'Oj 'elcn eb' 'a yol scuenta win diablo, ax yochcn eb' 'a yol scuenta Dios. 'Oj in ya'ch eb' 'a sc'ojol, sec wach' 'oj 'ajxc can lajwc smul eb'. 'Ixta to b'i'an, ax yoch eb' yitb'eymoc eb' 'ochnc xo yico'oc Dios, xchi Jesús 'ayin.

2 Co 1:12

Caw tzon̈ tzalj on̈, yujto cojc yet' qui pixn on̈, caw tojl tzcutj qui b'eyb'al 'a smasnil 'anma 'on̈, yet' pax 'ayex. May spaltail qui b'eyb'al on̈, yujto tzyac' Dios spoder 'ayn̈ yuj swach'c'ojlal on̈. Man̈ yujoc qui jelnal on̈, wach' qui b'eyb'al on̈.

2 Co 11:3

Palta tzin xiwi, toq'ue 'icha 'ajnc 'ix Eva yixtx paxti yuj sjelnal jun ya'jnac 'och sb'a chanil, toq'ue 'ixta tzex 'aj eyixtx paxti jun xo. Lemb'il yuj cha, ax eyi'n 'el e nab'en 'a Cristo. Lemb'il man̈x tojloc 'oj eyutc e b'a 'icha tznib'ej.

2 Co 4:4

A eb' cha, matz ya'ch xon eb' 'a sc'ojol. Yuj cha, a win sdiosal yolyib'n̈q'uinl tic, a win tzwach' 'a'n juwc 'el snab'en eb'. 'Icha to a win tz'a'n juwc 'el yol sat eb', sec matz tac' yiln eb' jun sacq'uinl tzcot 'a yab'xil Cristo. A Cristo caw niwn yel'chi, caw lajn yet' Dios.

Ef 1:17

A sDiosal Cajlil Jesucristo, atn qui Mamc caw niwn yel'chi. Tzin c'an 'a 'a, sec 'oj yac' sjelnal 'ayx yuj Yespíritu, sec 'oj wach' nachjc 'el eyu'uj, tas 'ac'b'il cojcoquec 'eli. 'Ixta to b'i'an, ax e wach' 'ojcan 'el qui Mam Dios.

Ef 6:5

Ax xo moso eyaji, tzeyiclj tas tzyal e patron̈ 'a yolyib'n̈q'uinl tic. 'Ay cab' yel'ch eb' 'a e sat, tzex xiw 'a eb'. Yelc'ojlal tzex munlj 'a eb', 'icha cab' to wan e munlj 'a Cristo.

A Scarta San Pablo D'a Eb' Aj Colosas 3:22

An̈jtona ex moso to man̈ eyico'oc e b'a, yicljec jantcn̈ej tas tzyal e patron̈ 'a yolyib'n̈q'uinl tic. Man̈ cojnoc 'a yic tzex yiln eb', tzeyiclni, sec tzalj eb' eyet' e nani. Palta yelc'ojlal tzex munlji, yuj e xiwc'ojlal 'a Dios.