Lc 11:29 - Chuj San Sebastian Bible

²⁹ Til wal 'anma x'och oyn 'a Jesús, 'ix yaln 'a eb' 'ixtic: A wal ax 'anmax 'a jun tiempoal tic, caw may e ch'olnil. Yuj cha, ton̈j tze c'an eyil junc milagro tzch'oxn 'el spoder Dios. Palta cojxn jun milagro 'oj 'ajxoc eyila', atn jun 'icha sch'oxjnac Dios yet' jun schecb' Jonás sb'i.

Chuj San Mateo Bible

²⁹ Tzijtum anima ix och oyan d'a spatic Jesús. Ix yalan d'a eb': —A val eb' anima d'a jun tiempoal tic, te chuc eb'. Yuj chi' ton̈ej sc'an yil junoc milagro eb', junoc sch'oxan spoder Dios. Palta an̈ej jun milagro ol ch'oxjoc yil eb', aton jun icha sch'oxnac Dios yed' vin̈ schecab' scuchan Jonás.

Lc 11:29 Iomraidhean Croise

Ez 24:24

An Ezequiel in tic, an tzin 'och ch'oxnb'ilal 'ayex, smasnil jun tzo'n̈ tzin b'o tic, a 'oj e b'o pax ax tic. A yic 'oj ujc jun tzo'n̈ tic, ax eyojcan 'eli, to a Jehová Cajlil, a 'ixta tzex 'utni, xin chi 'a eb'.

Jonás 1:1

'Ay jun winc Jonás sb'i, yunnal Amitai, 'ix paxtin Jehová 'a 'a, 'ix yaln 'a 'ixtic:

Mt 3:7

Til wal eb' fariseo yet' eb' saduceo xlaj c'och 'a 'a, sec tz'ajx bautisar eb' yu'uj. Palta xyaln 'a eb' 'ixtic: —Ax tic, caw 'ixtm 'anma 'ex, lajn ex 'icha junc chan. ¿Mach 'ix aln 'ayex, to 'oj stac' e coln 'el e b'a 'a jun niwn yailal 'oj jawoc?

Mr 8:38

A wal eb' 'anma 'a jun tiempoal tic, man̈oc 'a Dios tzya'ch eb' snab'en, caw maysch'olnil eb'. A eb' tzq'uixw wuj 'a sat eb' yit 'anma'il, tzq'uixw pax yuj in paxti', an̈jtona an 'Ochnc in 'Anmal tic, 'oj in q'uixw pax yuj eb' yic 'oj in jaw yet' spoder in Mam, yet' eb' ángel yic xo yaji, xchi.

Lc 11:16

'Ay pax jun tzo'n̈ xo eb' tznib'j 'a'lnoc prowal Jesús sec toq'ue tz'ejm yuj eb', yuj cha, 'ix sc'ann eb' yil junc milagro tzcot 'a satchan̈ yu'uj.

Lc 11:50

Yuj cha, jantcn̈ej eb' schecb' Dios milxnac chamoc, yictax yel yich yolyib'n̈q'uinl tic, 'oj ya'ch Dios schaml eb' chi 'a eyib'n̈ ax 'ayx 'ec' 'a jun tiempoal tic.

Lc 12:1

A 'a jun 'el, til wal smil-l eb' 'anma 'ix syam sb'a 'a Jesús. Caw witz'n x'aj eb', xlaj stec' eb' yoc. Ax Jesús, 'ix b'ab'l aln 'a eb' scuywum chi 'ixtic: Tzeyil wal e b'a 'a yich span ewin fariseo, atn 'a schab'satl ewinac.

Lc 9:41

Yuj cha, 'ix yaln Jesús 'ixtic: —¡Ax tic, caw matz eya'ch e c'ojl 'a Dios, caw pit ex! 'In 'ayx tiempo 'ayn 'ec' eyet'oc. ¿B'a'n̈to wal 'oj nachjc 'el eyu'uj? Caw tzwab' syal eyu'uj, xchi. Xlajw cha, 'ix yaln 'a jun winc cha: 'At 'ij cot win onnal chi 'ayin, xchi.

Jn 2:18

Ax ewin 'aj Judea chi 'ix aln 'ixtc 'a 'a: —¿Tas junc milagro tza ch'ox 'ayn̈ on̈, sec cojc on̈ to 'ay aln ec a b'on jun tzo'n̈ tic? xchi ewinac.

Jn 6:30

Xlajw yab'n eb' jun cha, 'ix sc'anb'n pax eb' 'ixtc 'a 'a: —¿Tas wal junc milagro tztac' a ch'oxn quil on̈, sec 'oj ca'ch qui c'ojl 'aych on̈? ¿Tom 'ay tas tztac' a b'oni?

Jn 8:44

Ax tic, a jun e mam, atn win diablo. Yuj cha, an̈j 'a win tzeya'ch e nab'en. An̈j tas tznib'j winac, an̈j tze b'o'o. Yictax sb'o yolyib'n̈q'uinl tic, ma'm cham 'anma xon win ta'. May jac yel'ch junc tas yel 'a winac, yujto may junc yel tzyal winac. A yic tzya'n win junc 'es, a 'a snab'en win tzcoti, yujto caw 'a'm 'es winac. A 'a winac, ata tzpitzw 'el smasnil 'es.

1 Co 1:22

A eb' wit israelal, tznib'j eb' yil jun tzo'n̈ milagro 'a Dios. Ax eb' griego, cojn sjelnal eb' tzsayq'ui.