Lc 11:24 - Chuj San Sebastian Bible

²⁴ Q'uinloc 'ay junc demonio tz'el 'a junc 'anma ticnec. Tzlajw cha, c'uxn tzb'eyc' jun demonio chi 'a jun tzo'n̈ tacn̈ lu'um, tzsayn 'ec' 'aj wach' tz'ilji. Palta matz 'ilchj 'aj tz'aj winac, yuj cha, tznan win 'ixtic: 'Oj in pax 'a jun wet'l 'aj 'elnc in ta, xchi winac.

Chuj San Mateo Bible

²⁴ Q'uinaloc ay junoc enemigo tz'el d'a junoc anima ticnaic, tz'ec' d'a tz'inan luum, sayan b'aj syic' yip. Palta max ilchaj yuuj. Yuj chi' snaan icha tic: Ol in pax d'a in pat b'aj cotnac in, xchi.

Lc 11:24 Iomraidhean Croise

Job 1:7

Ax Jehová, sc'anb'n 'a win 'ixtic: —¿'Ajtil ach coti? xchi 'a winac. Xyaln win 'ixtc 'a 'a: —In cot 'a yolyib'n̈q'uinal, yujto tz'ec' woymtej lum lu'um, xchi.

Job 2:2

'Ix sc'anb'n Jehová 'a win 'ixtic: —¿'Ajtil ach coti? xchi 'a winac. 'Ix yaln win 'ixtc 'a Jehová: —In cot 'a yolyib'n̈q'uinal, yujto tz'ec' woymtej lum lu'um, xchi winac.

Salmos 63:1

Ach in Diosal, tzin nib'j tzwal in b'a 'aych 'a caw sq'uin̈b'ilto. Caw tzach in nib'j 'icha tzyac' lum tacn̈ lu'um yic tznib'n lum n̈ab'.

Pr 4:16

A eb' maysch'olnil cha, caw matz way eb' toto matz b'o eb' stu'al, matz cot swayn̈ eb', toto may mach tzyixtj eb'.

Is 35:7

A 'a lum cusltac lu'um, ata 'oj pitzwoc chan̈ a niwc pama', ax lum tacn̈ sat, tzanxn̈ej 'aj 'oj pac'q'uet a a 'a lu'um. A 'aj cajn no 'ocs ticnec, ata 'oj pa' chan̈ te 'aj yet' te b'alal.

Is 44:3

An 'oj wac' 'el yoctc a a 'a lum cusltac lu'um, ax sb'ey pax a 'a lum tacn̈ sat. An 'oj wac' Wespíritu 'a eb' eyin̈til, ax wa'n cot in yaxilal 'a yib'n̈ eb'.

Is 48:22

Ax eb' maysch'olnil tas tzb'o'o, may jac wach'l 'oj yil eb', xchi Dios.

Mr 5:10

Caw xtew 'och win 'a Jesús, sec matz checx 'at ewin demonio chi 'a sti 'el jun lugar cha.

Mr 9:25

Ax 'ix yiln Jesús, til wal 'anma wan syamn sb'a, yuj cha, 'ix tumwj 'a jun demonio chi 'ixtic: —Ach demonio 'a'm chacn̈il, macm sti 'anma', tzwal 'ayach, 'eln̈ 'a jun 'unn tic, man̈x ach 'och jun 'ejm xo 'a 'a, xchi Jesús.

Lc 11:25

Ax yic tzc'ochxi, tzyiln pax win jun 'anma cha, lajn 'icha junc n̈a caw mesb'il, caw wach' yilxi.

Ef 2:2

yujto an̈j jun b'eyb'al yic yolyib'n̈q'uinl tic qui b'eylb'ejec. Qui b'ojnaquec 'icha tznib'j win 'ay yopiso ya'n mandar 'a scal 'ic'. A win cha, espíritu winac. An̈ja ya'n win sc'ojloc eb' man̈ yiclumoc 'a Dios.

A Sb'ab'el Carta San Pedro 5:8

Caw lista tzcutjec qui b'a, macwjcoyec. Yujto 'icha junc no león tz'el yaw, tz'ec' saync 'ec' junc mach tzyac' lajwoc, 'ixta yec' jun 'ajc'ojl yajch 'ayn̈ec, atn win diablo.