Lc 11:22 - Chuj San Sebastian Bible

²² Palta q'uinloc tzc'och junc xo mach, caw 'ec'b'al yip 'a winac. Toto tz'ajx ganar win 'aj n̈a chi yu'uj, tzyi'n 'ec' jantcn̈ej syamc'ab' win 'aych yipc sc'ojl cha, 'oj lajwc cha, ax spojn 'ec' smasnil jantcn̈ej tas 'oj sto'c 'a win cha. 'Icha win 'aj n̈a cha, 'ixta pax win diablo.

Chuj San Mateo Bible

²² Palta tato sc'och junocxo mach ec'al yip d'a vin̈, tato tz'ac'ji ganar vin̈ yuuj, tz'ic'jiec' jantac syamc'ab' vin̈ ayoch yipoc sc'ool chi' yed' pax masanil tas ay d'a vin̈. Snaan vin̈ tas syutej juntzan̈ syiq'uec' chi'. Icha vin̈ aj pat chi', icha chi' yaj vin̈ diablo.

Lc 11:22 Iomraidhean Croise

Gn 3:15

A ticnec, tzwa'cn 'och chacjb'al 'a a cal yet' 'ix 'ix, yet' smasnil en̈til, yet' yin̈tl 'ix. A yin̈tl 'ix tic, a 'oj ma'nc poj a jolom, ach xo 'oj a chi yich sq'uenl yoc yin̈tl 'ix cha, xchi Dios.

Ex 15:9

'Ix yaln eb' 'ajc'ojl chi 'ixtic: 'Oj cochc tza'n yuj eb' israel cha, masnto 'oj yamchjoc eb' cujec. 'Oj qui'c 'ec' smasnil tas 'ay 'a eb', ax qui pojnec 'eq'ui. 'Oj qui'cq'uet qui espada 'a yol yatut, ax qui tzu'nec cham can eb'. 'Ixta to b'i'an, ax sb'o wal qui c'ojlec, xchi eb'.

Is 27:1

A 'a yic jun c'ul cha, 'oj sc'anlb'oc Jehová yespada to caw 'ay smay, caw jay pax ye. 'Oj sc'anlb'oc yuj ya'n 'och yailal 'a yib'n̈ no Leviatán, atn no chan to caw jeln sb'eyi, no yajn̈ej tzsetn sb'a; 'oj smil Jehová no dragón chi cajn 'a yojl a mar.

Is 53:12

Yujn̈ej cha, ax ya'n Dios jun yopiso 'a scal eb' niwn yel'chi. 'Ay yaln yic yet' eb' x'a'n ganar owal, yujto 'ix ya'sb'a 'a yol sc'ab' chamel, 'icha tz'ajx 'och 'a yib'n̈ eb' maysch'olnil sb'eyb'al, 'ixta x'ajx 'och 'a yib'n̈ jun xo. Caw yel 'ix ya'cn 'och sb'a 'a yaln̈ smul smasnil 'anma', 'ix leslwi yuj eb', sec tz'ajx lajwc smul eb' cha.

Lc 11:21

Q'uinloc 'ay junc winc caw 'ay yip, caw 'ay syamc'ab', sec tzyac' ganar scoln yatut. A tas 'ay 'a win cha, matz tac' scomn to'x 'ec' 'a winac.

Lc 11:23

A eb' man̈ 'ayc 'och wet'oc, 'ajc'ojl yajch eb' 'ayin. Ax eb' matz molb'tzan cot eb' 'anma wet'oc, a eb' tz'a'n sactzic eb'.

Ef 6:11

Qui chac jun tzo'n̈ tas tzyac' Dios 'ayn̈ec. 'Icha jun tzo'n̈ syamc'ab' eb' soldado, 'ixta yopiso jun tzo'n̈ tic 'ayn̈ec, sec wach' 'oj stac' qui te'wtzanec qui b'a 'a win diablo, yic tzya'lni on̈ ya'nec prowal yet' sjelnal.

Ef 6:13

Yuj cha, 'icha junc soldado tzc'anlb'an syamc'ab'il yic owal, 'ixta tzeyutj e c'anlb'an jun tzo'n̈ tas tzyac' Dios 'ayn̈ec, sec te'n 'oj eyutc e b'a, yic 'oj jawc junc maysch'olnil. Toto 'ixta', a yic 'oj lajwc e b'on jantcn̈ej tas tznib'j Dios, an̈ja te'n ex ta'.

A Scarta San Pablo D'a Eb' Aj Colosas 2:15

A yic xcham Cristo 'a spenc te culs cha, 'ix yac' ganar 'a yib'n̈ jun tzo'n̈ 'aych yajlil, jun tzo'n̈ 'ay spoder ya'n mandar. A 'a sat eb' 'anma', 'ix sch'oxo, to may jac yel'ch eb'. Caw xcan eb' 'a yaln̈ yuj 'a jun 'ejmn̈ej.

1 Jn 3:8

A mach an̈ja sb'eylb'an maysch'olnil, an̈ja yic win diablo, yujto a win 'aj pitzwnac 'elt maysch'olnil cha. An̈jtona ticnec, an̈ja wan sb'on winac. Yuj wal cha, swulc' Yunnal Dios 'a yolyib'n̈q'uinl tic, wul ya'n lajwc tas tzb'o winac.

1 Jn 4:4

Ex chamc'ojlb'il wu'uj, yic on̈c xo Dios ticnec. Tox 'ix can eb' 'a'm 'es chi 'a yaln̈ cujec. Yujto a jun 'aych 'ayn̈ec, 'ec'b'al xo spoder 'a yib'n̈ jun 'aych 'a eb' yic yolyib'n̈q'uinl tic.