Lc 11:15 - Chuj San Sebastian Bible

¹⁵ Palta 'ay jun tzo'n̈ eb' 'ix aln 'ixtic: A Jesús tic, tztac' ton yi'n 'el ewin demonio, yujto a win Beelzebú 'aych yet'oc, xchi eb'. (A win Beelzebú cha, yajl yaj 'a ewin demonio cha.)

Chuj San Mateo Bible

¹⁵ Palta ay eb' ix alani: —A jun vin̈ tic syal yic'anel eb' enemigo vin̈ yujto a vin̈ Beelzebú yajalil eb' enemigo ayoch yed' vin̈, xchi eb'.

Lc 11:15 Iomraidhean Croise

Mt 10:25

Toto lajn tz'aj 'el'ch junc cuywum yet' scuymal, smoj ton tzalji. 'Ixta pax junc moso yet' spatron̈. An tic, 'icha 'ajn̈a in, ax xo tic, 'icha 'unnab'il ex. 'Ay eb' tzalni to Beelzebú in, yajl waj 'a eb' demonio yaln eb'. Ocxom wal 'ayx ax tic, yel xo wal tu 'oj yal eb' 'ayex.

Mt 12:22

'Ay jun winc x'ijx cot 'a Jesús, matz tac' yilni, matz uj spaxtin paxi, yujto 'aych jun demonio 'a 'a. Ax Jesús a 'ix 'a'n b'oxc sc'ojol, yuj cha, xb'o yilni, 'ix b'o spaxtin paxi.

Mt 4:24

C'uxn 'ix puccn 'el yab'xil 'a scal smasnil eb' 'aj Siria. Yuj cha, smasnil eb' ya'ay yuj tzann̈j yab'ilal, 'ix 'ijx cot eb' 'a 'a. An̈jtona yet' eb' tz'ixtx yuj ewin demonio yet' eb' tzcot owya 'a sjolom, yet' eb' sicb'nac 'eli, 'ix ya'n can b'oxc sc'ojl eb' smasnil.

Mt 9:34

Palta ax eb' fariseo 'ix yaln eb' 'ixtic: —A jun winc tic, tztac' ton yi'n 'el win ewin demonio, yujto a win syajlil ewin 'aych yet' winac, xchi eb'.

Jn 10:20

'Ay nan̈l eb' xcob' alnc 'ixtic: —¿Tas yuj tzcob' eya'ch e chicn 'a win tic? Palta 'in 'aych win demonio 'a winac. 'In to owya winac, xchi cob' eb'.

Jn 7:20

Ax eb' 'anma chi 'ayc' ta', 'ix yaln eb' 'ixtc 'a 'a: —Ach tic, tecn 'aych junc demonio 'ayach. ¿Mach wal junc tznib'n tzach miln cham tzela? xchi eb' 'a 'a.

Jn 8:48

'Ix yaln pax ewin 'aj Judea chi 'ixtc 'a Jesús: —'Ilt nab'n jun, yel tzcal on̈. Tecnto 'aj Samaria ach. Tecnto 'aych junc demonio 'ayach, xchi ewin 'a 'a.

Jn 8:52

—A ticnec, caw cojc on̈, to 'aych jun demonio chi 'ayach. A win Abraham yet' jantcn̈ej eb' schecb' Dios pecti', c'uxn chamnc eb' smasnil. Ach xo tic tzal 'ixtic: Toto 'ay eb' tzyiclni tas tzwala, may b'a'n̈ 'oj cham eb', xa chi cob'i'.