Lc 10:41 - Chuj San Sebastian Bible

⁴¹ —Marta, Marta, caw tzach 'och 'il. Til wal tza na yuj jun tzo'n̈ tza b'o cha.

Chuj San Mateo Bible

⁴¹ Ix yalan Jesús d'a ix: —Marta, Marta, te ay ach och d'a ilc'olal yuj jantac tas tza c'ulej chi'.

Lc 10:41 Iomraidhean Croise

Ec 6:11

Yel ton tas tzalxi: A 'aj niwn tas tzcalec, 'ay paxti man̈x 'a yel'chi, may jac tas wach' qui'nec 'a spatquil yic niwn tas tzcalc cha.

Mr 4:19

palta cojxn jun tzo'n̈ yic yolyib'n̈q'uinl tic tzna eb'. Tzjuw 'el snab'en eb' yuj snib'n 'och sricoal. Til wal jun tzo'n̈ tas tzcomn nib'j 'och eb'. An̈j 'a jun tzo'n̈ chi tzya'ch eb' snab'en; yuj cha, caw tzjuw 'el spaxti Dios 'a eb', lajn tz'aj eb' 'icha jun tzo'n̈ 'in̈t may xon jac sjolm tzyac'a.

Lc 10:38

'Ix 'atx Jesús, axta xc'och 'a jun aldea. Ata 'ay jun 'ix Marta sb'i, 'ix schaj 'och 'ix 'a yol yatut.

Lc 10:40

Palta ax Marta, caw witz'n yaj yuj tas 'ay sc'a'l tzb'o'o. Yuj cha, xjaw 'ix 'a Jesús, xyaln 'ix 'a 'ixtic: —Mamin, ¿tom matz a na jab'oc, to in yactj can 'unx in nul'j tic yet' in munljel in ch'ocoj? Al 'a 'unix to tzcolwj 'unx wet'oc, xchi 'ix 'a 'a.

Lc 12:22

Xlajw cha, xyaln Jesús 'a eb' scuywum 'ixtic: Tzwal 'ayex, man̈ ex 'och 'il yuj e tzatzil, yet' yuj tas 'oj e c'uxu'. Man̈ e na pax yuj e pichl tzeya'chi.

Lc 21:34

Tzeyac' wal cuenta e b'a, man̈ e cha pitb'oc e b'a yuj pec'al, yuj 'u'lan̈, mto yuj tzann̈j junc xo tas tzex 'och 'il yuj 'a yolyib'n̈q'uinl tic. Toto ma'ay, ax 'oj jawc jun c'u cha, man̈ listaoc eyaji.

Lc 8:14

Ax jun tzo'n̈ xo 'in̈t xc'ochcn 'a scal c'ultac, tzyal 'el'chi 'ay eb' 'anma tz'ab'n spaxti Dios. Palta ax yic tzb'ey tiempo, til wal tas tzna eb': tzna eb' ricoal, tznan pax eb' yuj yic sniwnal. Yuj wal jun tzo'n̈ cha, tzjuw 'el eb'. Lajn tz'aj eb' 'icha 'ixm trigo may xon jac sjolm tzyac'a.

Jn 11:1

A 'a jun aldea Betania sb'i, ata 'ay jun winc caw ya'ay, Lázaro sb'i winac. 'Ay chawn̈ yanab', jun 'ix tzcuch María, junx 'ix tzcuch Marta. Ata 'ayc' eb' yet'oc.

Jn 11:5

A Jesús, caw 'ay schamc'ojlal 'a Lázaro cha. 'Ay schamc'ojlal pax 'a María yet' 'a Marta cha.

Jn 12:2

Yic 'ix c'och Jesús ta', 'ix ya'n eb' jun niwn wal yet'oc. 'Ix wa pax Lázaro yet' eb'. Ax 'ix Marta, a 'ix x'a'n servil eb'.

A Scarta San Pablo D'a Eb' Aj Filipos 4:6

Man̈ on̈ 'ochc 'il yuj junc tas. Jantcn̈ej tas tzqui na'ec, calc 'a Dios, tzon̈ leslwiec. A yic tzqui c'annec tas 'a 'a, yowlal tzca'c pax yuj diosal 'a 'a.