Lc 10:40 - Chuj San Sebastian Bible

⁴⁰ Palta ax Marta, caw witz'n yaj yuj tas 'ay sc'a'l tzb'o'o. Yuj cha, xjaw 'ix 'a Jesús, xyaln 'ix 'a 'ixtic: —Mamin, ¿tom matz a na jab'oc, to in yactj can 'unx in nul'j tic yet' in munljel in ch'ocoj? Al 'a 'unix to tzcolwj 'unx wet'oc, xchi 'ix 'a 'a.

Chuj San Mateo Bible

⁴⁰ Axo ix Marta chi', man̈ jantacoc tas sc'ulej ix, ix c'och ix d'a Jesús chi', ix yalan ix: —Mamin, ¿tom max il jab'oc, to a ix in nulej tic, in yactejcan ix d'a yol sc'ab' in munlajel tic in ch'ocoj? Al d'a ix to scolvaj ix ved'oc, xchi ix.

Lc 10:40 Iomraidhean Croise

Mt 14:15

Ax 'a yemc'ual, 'ix jaw eb' scuywum 'a stz'ey. 'Ix yaln eb' 'ixtc 'a 'a: —'Ilto, wan s'at c'u, palta a 'a jun lugar tic caw cusltac. Yuj cha, tecn wach' tza checb't eb' 'anma tic 'a jun tzo'n̈ aldea 'a la'n tic, sec wach' 'oj sman wa sb'a eb' ta', xchi eb'.

Mt 16:22

Yuj cha, ax Pedro 'ix yi'n 'el'ch Jesús sch'ocoj, stenn 'och wa'an, 'ix yaln 'a 'ixtic: —Mamin, caw man̈ 'ichcta snab'en Dios. A jun tzo'n̈ 'ix al tic, ma'oj jawc 'a eb'an̈, xchi Pedro chi 'a 'a.

Mr 3:21

Yic 'ix yab'n eb' smam yu'tac Jesús, 'ix jaw eb' 'at cob' syama', yujto a snan eb' to owya tzcot 'a sjolom.

Lc 10:38

'Ix 'atx Jesús, axta xc'och 'a jun aldea. Ata 'ay jun 'ix Marta sb'i, 'ix schaj 'och 'ix 'a yol yatut.

Lc 10:41

—Marta, Marta, caw tzach 'och 'il. Til wal tza na yuj jun tzo'n̈ tza b'o cha.

Lc 12:29

Yuj cha, caw man̈ ex 'och 'il. Man̈ e na yuj tas 'oj e c'uxu', yet' yuj tas 'oj eyuc'.

Lc 9:55

Palta 'ix sutmj 'at q'ueln Jesús 'a eb', 'ix stenn 'och wan eb'. [Xyalni: Ax tic, matz nachj 'el eyu'uj tas nab'enal tze c'anlb'ej, yic tzeyaln 'ixta'.

Jn 11:1

A 'a jun aldea Betania sb'i, ata 'ay jun winc caw ya'ay, Lázaro sb'i winac. 'Ay chawn̈ yanab', jun 'ix tzcuch María, junx 'ix tzcuch Marta. Ata 'ayc' eb' yet'oc.

Jn 11:5

A Jesús, caw 'ay schamc'ojlal 'a Lázaro cha. 'Ay schamc'ojlal pax 'a María yet' 'a Marta cha.

Jn 12:2

Yic 'ix c'och Jesús ta', 'ix ya'n eb' jun niwn wal yet'oc. 'Ix wa pax Lázaro yet' eb'. Ax 'ix Marta, a 'ix x'a'n servil eb'.

Jn 6:27

Man̈oc 'a jun tzo'n̈ tas tzqui c'uxu, man̈oc tzeya'ch e nab'en e sayn 'eq'ui, yujto ton̈j 'e'lb'a yec' jun tzo'n̈ cha. 'Ayt wal junx tas 'icha to tzqui c'uxu, palta may b'a'n̈ tzlajwi. 'Ay yopiso jun chi ya'n e q'uinl 'a jun 'ejmn̈ej. Yuj cha, a 'a jun chi tzeya'ch e nab'en e sayn 'eq'ui. An 'oj wac' jun chi 'ayex, yujto 'Ochnc in 'Anma'il. A qui Mam Dios 'a'jnac spoder 'ayin, xchi Jesús 'a eb'.