Lc 10:4 - Chuj San Sebastian Bible

⁴ Man̈ eyic' e pa, e cartel, yet' e xan̈ab'. Man̈ ex comn 'och wan paxtinc yet' junc mach 'a yol b'e.

Chuj San Mateo Bible

⁴ Man̈ eyic'b'at e pa, yed'tal e tumin yed' pax e xan̈ab'. Man̈ ex och lin̈an lolonel yed' eb' anima tze cha d'a yoltac b'e.

Lc 10:4 Iomraidhean Croise

Gn 24:33

Ax yic x'ajx 'elt tas tzc'ux eb', 'ix yaln win checb' chi 'ixtic: —An tic mant 'oj in wa'i, yowlal 'oj walcni tas in checnb'il wet'i, xchi winac. —Paxtinan̈ 'an, xchi Labán cha.

Gn 24:56

Palta 'ix ta'w win checb' chi 'ixtic: —Man̈x in eyamch wa'an, a Jehová x'och wet'oc, yuj cha, wach' x'aj 'el'ch jun in checnb'il tic. Chajec in 'ati, to tzin pax 'a yatut in patron̈ cha, xchi winac.

A Ch'an̈ Schab'il Libro Yic Yab'ixal Eb' Rey 4:24

'Ix ya'n 'ix 'ajxoc 'och stz'um no axna cha, 'ix yaln 'ix 'a win checb' chi 'ixtic: —Con̈ b'i'an, tza pech no 'ayin, man̈ a cha 'och wan no 'a yol b'e, masnto an 'oj wal 'ayach, xchi 'ix 'a winac.

A Ch'an̈ Schab'il Libro Yic Yab'ixal Eb' Rey 4:29

Yuj cha, 'ix yaln Eliseo 'a win Giezi chi 'ixtic: —'Ac' lista a b'a, 'ij 'at te in c'occh tic et'oc, tzlajw cha, carela tzach 'ati. Toto 'ay mach tza chaj a b'a yet'oc, man̈ ac' stzatzl sc'ojol. Toto 'ay mach tz'a'n stzatzl a c'ojol, man̈ ach ta'wc 'a 'a. A yic tzach c'och cha, tza'n 'ejm te in c'occh tic 'a sat win yune 'unn cha, xchi.

Pr 4:25

Yelc'ojlal tza b'eylb'ej stojlal yet' wach' nab'enal, man̈ ach 'at q'ueln 'a tas maysch'olnil.

Mr 6:7

Ax Jesús 'ix yawtj cot eb' scuywum slajchwan̈il, xlajw cha, chatcwan̈il xyutj schecn 'at eb', 'ix ya'n pax yopiso eb' yi'n 'el ewin demonio.

Lc 22:35

'Ix yaln Jesús 'a eb' scuywum 'ixtic: —Tze na coti, yic in checn ex 'at 'a jun 'el, may e pa, e cartel, yet' e xan̈b' eyijnac 'ati. ¿Tom 'ay tas ya'jnac palta 'ayx ta'? xchi 'a eb'. 'Ix ta'w eb' 'ixtc 'a 'a: —Ma'ay, caw may tas, xchi eb'.

A Ch'an̈ B'ab'el Libro Samuel 21:8

'Ix yaln David 'ixtc 'a Ahimelec cha: —¿'Ay am junc lanza mto junc espada 'ayc' 'ayach? Yujto caw ji'lti in checx cot yuj win rey, yuj cha, man̈x 'ic wij cot wespada yet' jun tzo'n̈ xo in yamc'ab' yic owal, xchi David.