Lc 10:30 - Chuj San Sebastian Bible

³⁰ Yuj cha, xyaln pax Jesús 'ixtic: —A 'a jun 'el, 'ay jun winc tzb'ey 'a yol b'e tz'at 'a Jerusalén, tz'emch 'a Jericó. Yic wan sb'ey winac, x'elt jun tzo'n̈ ewin 'elc'm 'a winac. C'uxn xyij 'ec' ewin jantcn̈ej tas 'ay 'a 'a, yet' spichul. Caw xma'x win yuj ewinac, x'atx can ewinac. Jab'xoj wal ma'ix chamcn win yuj ewinac.

Chuj San Mateo Bible

³⁰ Yuj chi' ix yalxi jun ab'ix tic Jesús d'a vin̈: —A junel ay jun vin̈ van sb'ey d'a jun b'e scot d'a Jerusalén sc'och d'a Jericó. Ix yamji vin̈ yuj juntzan̈ eb' elc'um. Ix laj elc'ajel tastac yed'nac vin̈ yed' spichul vin̈. Ix mac'ji vecchaj vin̈, ijan ix cham vin̈ smac'an eb'.

Lc 10:30 Iomraidhean Croise

Salmos 88:4

'Ayn xo 'och stz'acb'oc chaml tzwab'i, caw man̈x 'a wip.

Jeremías 51:52

Palta an Jehová in, an tzwala: 'Oj jawc wal jun c'ual yic 'oj wa'nc 'och yailal 'a yib'n̈ sdiosal eb' 'aj Babilonia, yet' 'a smasnil yol smacb'en, a eb' 'anma 'oj lajwc cha, caw 'oj 'el yaw eb'.

Lm 2:12

'Ay eb' 'unn tzaln cob' 'ixtc 'a snun: 'Ac' jac tas tzqui c'ux on̈ mto tas tzcu'j on̈, xchi cob' eb'. 'Icha wal to lajwnac eb', tzlaj chamcn eb' 'a yol scayeal chon̈ab'. Toxn̈ej tzsi'si'n eb' scham 'a yol sc'ab' snun.

Ez 30:24

An 'oj wac' yip win sreyl Babilonia, ax wa'n wespada 'a yol sc'ab'. An 'oj in ma' wecchjoc sc'ab' win faraón cha, caw 'oj 'el yaw yab'n syal 'a yojltac win 'ajc'ojl cha.

Lc 10:31

Ax jun win ya'mal 'och qui ti 'a Dios, 'ix 'ec' 'a jun b'e cha, ax xyiln sb'a t'ocn 'ec' winac, palta c'ax 'e'l x'eq'ui.

Lc 18:31

Ax Jesús, 'ix yawtn cot eb' scuywum slajchwan̈il, 'ix yaln 'a eb' 'ixtic: —A ticnec, wan qui 'atc 'a Jerusalén. Ata 'oj 'el'choc jantcn̈ej tas tz'ib'b'il can yuj eb' schecb' Dios pecti', yic yaln can eb' wab'xil an 'Ochnc in 'Anmal tic.

Lc 19:28

Xlajw yaln Jesús jun 'ab'x cha, 'ix chan pax b'e yet' eb' scuywum, yic tz'at eb' 'a Jerusalén.