Lc 10:28 - Chuj San Sebastian Bible

²⁸ —Wach' ton xotj aln 'ayin. Toto tza yiclj jun tzo'n̈ tic, 'oj a cha a q'uinl 'a jun 'ejmn̈ej, xchi Jesús 'a winac.

Chuj San Mateo Bible

²⁸ —Vach' ix utej alani, tato icha chi' tzutej a b'a, ol a cha a q'uinal d'a juneln̈ej, xchi Jesús d'a vin̈.

Lc 10:28 Iomraidhean Croise

Nehemías 9:29

'Ix 'ac' snab'enoc eb', sec tzmeltzj eb' 'a a ley; palta an̈ja pit 'ix yutj sb'a eb'. Ma'ix schaj eb' yab' a checnb'il, palta 'ix 'ochx smul eb' 'a a ley, jun tz'a'n sq'uinl eb' toto tzyiclj eb'. Caw tenmtac xyutj sb'a eb', pit xyutj sb'a eb', ma'ix chaj eb' yab'i'.

Pr 19:16

A mach tzyiclni schecnb'il Dios, 'icha to wan stan̈wni sb'a yet' sq'uinal; ax toto tzpatquilj can 'el scuynb'il, 'oj cham muc'uc.

Ez 20:11

'Ix wa'n yojcoc 'el eb' in ley yet' in checnb'il 'a jun lugar cha. A eb' tzb'eylb'ani mto tzyiclni, 'ay sq'uinl eb' yu'uj.

Ez 20:13

Palta 'ix 'och eb' israel chi 'ajc'ojlal 'ayn 'a lum cusltac lum cha. Ma'ix syiclj eb' in ley yet' in checnb'il, atn jun tzo'n̈ xwac' 'a eb', sec 'ay sq'uinl eb' yu'uj. Ma'ix syiclj xon eb' sc'ul 'iljelal alb'il can wuj 'a eb'. Yuj cha, xin nani to tzwa' cot yowl in c'ojl 'a yib'n̈ eb', sec tzchamcn eb' 'a lum cusltac lum cha.

Ez 20:21

Palta ax eb' 'unnab'il cha, 'ix meltzj pax 'och eb' 'ajc'ojlal 'ayin, ma'ix syiclj eb' in ley yet' in checnb'il, wach'xam to a tz'a'n sq'uinl eb' tzb'eylb'ani. Ma'ix syiclj pax eb' sc'ul 'iljelal, yuj cha, xin nani to tzwa'ch syailal eb' yuj yowl in c'ojol, yic tzin satn 'el eb' 'a lum cusltac lum cha.

Lv 18:5

An tzwala to tze b'eylb'ej in checnb'il yet' in ley. A mach 'oj yiclnoc, 'oj 'ajxoc sq'uinl yu'uj.

Mt 19:17

—¿Tas yuj tzin al wach'il? Cojxn jun mach wach', [atn Dios] may junc xo. Toto tza nib'j tza chaj a q'uinal, yiclj jun tzo'n̈ schecnb'il Dios, xchi 'a winac.

Mr 12:34

Yic 'ix yab'n Jesús to wach' xyutj ta'wc sb'a win 'a 'a, 'ix yaln pax 'a win 'ixtic: —Jab'xoj wal och 'a yol sc'ab' Dios, xchi 'a winac. Yuj cha, may junc xo mach ste'wtzej sb'a sc'anb'n junc xo tas 'a 'a.

Lc 7:43

—A tzin na'a, atn win yel xo niwn yic chi x'ec' yuj winac, a win caw tzalj yet' winac, xchi Simón cha. —Yel tzala, atn ton winac, xchi Jesús.

Ro 10:4

A Cristo 'a'jnac lajwc yopiso ley yic Moisés. Yujto tzann̈j mach tzya'ch sc'ojl 'a 'a, wach' eb' 'a sat Dios ticnec.

Ro 3:19

Cojquec, jantcn̈ej tas tz'ib'b'il can 'a ley, a tzaln 'a eb' 'aych 'a yol sc'ab', sec wach' may junc mach 'oj stac' scoln sb'a. Yuj cha, smasnil 'anma 'a yolyib'n̈q'uinl tic, 'oj b'eyc'ojlaxc eb' yuj Dios.

Ro 7:10

A ley cha, yopiso ya'n qui q'uinlec. Palta a 'ix 'i'n cot chaml 'a wib'an̈.

Gl 3:12

Ax jun ley cha, toxn may tas tzyala, toto yowlal tzca'c 'och qui c'ojl 'a Dios. Palta tzyal 'ixtic: A mach 'oj yiclnoc, 'oj 'ajxoc sq'uinl yu'uj, xchi.

Dt 6:24

'Ix ya'n Jehová qui Diosalec qui yiclc smasnil jun tzo'n̈ schecnb'il tic, sec wach' tzon̈ tan̈wxec yu'uj. 'Ay cab' yel'ch 'ayn̈ec, sec wach' yec' cujec, a pax tz'a'n qui tzatzil, 'icha cajc ticnec.