Lc 10:27 - Chuj San Sebastian Bible

²⁷ Tzyal 'ixtic: —Chamc'ojlejc Cajlil qui Diosalec yet' smasnil e c'ojol, yet' smasnil e pixan, yet' smasnil eyip, yet' smasnil e nab'en. Tze chamc'ojlan pax eb' eyit 'anma'il, 'icha tzeyutj eya'iln e b'a junjn ex, xchi, xchi win 'a 'a.

Chuj San Mateo Bible

²⁷ —Syal icha tic: Tze xajanej Cajal co Diosal d'a smasanil e c'ool, d'a smasanil e pixan, d'a smasanil eyip, d'a smasanil e pensar. Icha eya'ilan e b'a, ichaocab' chi' e xajanan eb' ay d'a spatic schiquin e pat, xchi vin̈ d'a Jesús.

Lc 10:27 Iomraidhean Croise

Lv 19:18

An Jehová in, an tzwala. Man̈ e pac e b'a 'a eb' eyit 'anma'il. A eyico', to tze chamc'ojlej eb', 'icha wal tzeyutj eya'iln e b'a.

Mt 19:19

'Ay cab' yel'ch a mam a nun 'a a sat. Chamc'ojlej eb' et 'anma'il, 'icha tzotj a chamc'ojlan a b'a, xchi 'a winac.

Lc 10:26

—¿Tas tz'ib'b'il can 'a ley yic Moisés? ¿Tas xchi ta tzela? xchi Jesús 'a winac.

Ro 13:9

'Ay jun tzo'n̈ checnb'il tzyal 'ixtic: Man̈ e b'o 'ajmulal. Man̈ ex milwoc cham 'anma'. Man̈ ex 'elc'woc. [Man̈ eya'ch 'es 'a yib'n̈ eb' eyit 'anma'il.] Man̈ e nib'c 'och junc tas, xchi. 'Ayt pax jun tzo'n̈ xo checnb'il. Palta 'ay junx checnb'il colb'il tz'och sjelc jun tzo'n̈ tic smasnil, tzyal 'ixtic: Chamc'ojlejc eb' eyit 'anma'il, 'icha wal tzeyutj eya'iln e b'a junjn ex, xchi.

Gl 5:13

Ex wu'tac, ex wanab', 'awtb'iln̈ec yuj Dios, sec wach' mun quic qui b'a. Palta wach'xam mun quiquec qui b'a, man̈ yujoc cha, tztac' ca'lb'anec qui tu nab'enal. Yel xo wach' tzlaj ca'lac servil qui b'a, yuj qui chamc'ojlalec.

Dt 10:12

Ax ticnec ex wit chon̈ab', ¿tas wal junc tznib'j Dios 'ayn̈ec? A tas tznib'j 'ayn̈ec, to 'ay cab' yel'ch 'a qui satec, tza'n on̈c 'ochn̈ej cab' yu'uj. Tzqui chamc'ojlejec, tzcalnec qui b'a 'a 'a, yet' wal smasnil qui c'ojlec yet' smasnil qui nab'enec,

Dt 30:6

'Oj ya'ch Jehová qui Diosalec yechl strato 'a e nab'en yet' 'a snab'en eb' eyin̈til, sec 'oj e chamc'ojloc Jehová yet' smasnil e c'ojol yet' smasnil e nab'en. Toto 'ixta', 'oj najtxb'oc e q'uinal.

Dt 6:4

'Ab'tec wal ex wit israelal, cojn Jehová qui Diosalec, may junc xo.

Dt 6:5

Chamc'ojlejc Jehová qui Diosalec yet' smasnil e c'ojol, yet' smasnil e nab'en yet' smasnil eyip.

A Ch'an̈ Carta D'a Eb' Hebreo 8:10

A 'a yic 'oj lajwc jun tiempoal cha, 'ayt junx in trato 'oj wac' 'a eb' yin̈tl Israel. 'Ixtc 'oj wutoc: 'Oj wa'ch jun tzo'n̈ in checnb'il chi 'a snab'en eb'. 'Icha to 'oj in tz'ib'c can 'a spixn eb'. An 'oj woch sDiosalc eb', ax yoch pax eb' in chon̈b'oc.

Santiago 2:8

Palta 'ay jun sley qui Reylec, tz'ib'b'il can 'a Ch'an̈ U'un̈, ata tzyal 'ixtic: Chamc'ojlejc eyit 'anma'il, 'icha tzeyutj eya'iln e b'a junjn ex, xchi. Toto tzqui yiclj tas tzyal sley tic, caw wach' tzcutjec qui b'a.

1 Jn 3:18

Ex chamc'ojlb'il wu'uj, matz tac' ton̈j tzcalc yet' qui ti', to 'ay qui chamc'ojlalec. Palta yowlal tzon̈ colwjec 'a eb' quit creyenteal. 'Ixta tzcutjec qui ch'oxni, to 'ay qui chamc'ojlalec 'a yel.