Lc 10:15 - Chuj San Sebastian Bible

¹⁵ An̈jtona', 'ixta 'ex 'aj Capernaum, tzcob' e na', to smoj 'oj e q'ue'ch 'a satcha'an̈, palta ton̈j 'oj eyemcn 'a scal eb' chamnac, xchi Jesús.

Chuj San Mateo Bible

¹⁵ An̈ejtona' ex pax tic ex aj Capernaum, ¿tom tze na to ol eyic'chaan̈ e b'a? Sval d'ayex to ol ex lajvoqueloc.

Lc 10:15 Iomraidhean Croise

Gn 11:4

Xlajw cha, xyaln pax ewin 'ixtic: Cotn̈ec, qui b'oc junc niwquil chon̈b' 'a tic. Tzlajw cha, tzqui b'onec junc niwquil torre, masnto tzq'ue'ch 'a satcha'an̈, yic wach' tzon̈ b'inaxec si'mb'il. Junxn̈ej tzon̈ 'ajc qui masnil, man̈xtzac on̈ sactzic 'a sat lum lum tic, xchi ewinac.

Is 5:14

Ax yet'l chamel, 'oj sjac wal sti 'a eb' 'anma', yet' 'a eb' yajl yaj 'a scal eb' 'aj Jerusalén cha; ax sb'u'n 'ejm eb' smasnil, atn eb' 'anma tzcomn 'el yaw.

Jeremías 51:53

An Jehová in, an tzwala: Wach'xam tzq'ue'ch Babilonia 'a satcha'an̈, chan̈ tzyutj sb'on smuroal, palta 'oj wa'tn̈ej eb' 'ajc'ojl ta', sec tzsatx 'el yuj eb', xchi Dios.

Ez 26:20

'Oj in julcn 'ejm 'aj 'ayc' eb' 'anma chamnc 'a pecti'. 'Oj in julcn 'ejm 'a xab'l yich lum lu'um, 'icha 'ajnc jun tzo'n̈ xo chon̈b' satnc 'el 'a jun 'ejmn̈ej. Man̈x 'a b'a'n̈ 'oj 'ochx chon̈b'al, man̈x 'a xon eb' 'anma 'oj cajnoc.

Ez 31:18

May xon wal junc eb' te 'awb'ente yic Edén tztac' slajb'tzax yet' jun te tic. A jun te tic, caw wach' yilxi, caw niwquil pax ste'il, palta 'ix c'och pax 'a 'aj 'ay yet'l eb' chamnac. Junn̈j 'ix can yet' eb' te te yic Edén 'ayc' ta'. A tzyal 'el'ch jun tic, atn eb' 'anma matz ya'ch sc'ojl 'a Dios, eb' chamnc yuj owal. A yab'xil jun te tzwal tic, tzyal 'el'chi atn win faraón yet' eb' soldado, xchi Dios.

Ez 32:18

Ach 'anma', b'itnej jun b'it yic chaml tic, yujto til wal eb' soldado 'aj Egipto 'oj chamoc, yet' eb' soldado yic jun tzo'n̈ nacion̈ 'oj c'och eb' 'a scal eb' yit chamnquil cha: A eb' caw jelan, 'oj telwc 'ejm eb', ax sc'och eb' 'a campusan yet' eb' 'ayx 'ec' chi ta'.

Ez 32:20

'Oj cham eb' 'anma chi 'icha 'ajnc eb' chamnc yuj owal. Tecn xo 'och q'uen espada chi 'a eb' 'anma chi smasnil.

Ez 32:27

A eb' cha, junn̈j yajcn eb' yet' eb' caw jeln chamnc yuj owl 'a pecti', eb' mucb'il yet' syamc'ab' yic owl cha. A 'a yaln̈ sjolm eb' ata cann̈c can yespada eb', scancn smul eb' chi 'a yib'an̈, yujto caw xib'txnac eb' 'anma 'a yolyib'n̈q'uinl tic yuj eb'.

Abdías 1:4

An Jehová in, an tzwala: Wach'xam tzex 'at jen̈noc 'a chan̈ 'icha no salt'iw tzb'o so 'a caw cha'an̈, mto at 'a scal jun tzo'n̈ c'anal tz'at e b'o eyet'ul, palta 'oj ex wic' 'emt ta'.

Mt 10:28

Man̈ ex xiw 'a eb' tztac' smiln e niwnal tic, yujto a e pixan matz tac' smiln eb'. Palta a 'a Dios tzex xiwi, yujto a tztac' satn 'el e pixn yet' e niwnal, tz'at 'a infierno yu'uj.

Mt 11:23

An̈jtona', 'ixta 'ex 'aj Capernaum. Tzcob' e na', to smoj 'oj e c'och 'a satcha'an̈. Palta ton̈j 'oj eyemcn 'a scal eb' chamnac. Octom a 'a Sodoma b'ob'il jun tzo'n̈ milagro 'icha xb'o 'a e cal. To 'ixta', snajnac sb'a eb', ax jun schon̈b' eb' cha, an̈ja 'ayc' ticnec.

Mt 4:13

Man̈oc 'a Nazaret 'ix c'ochi, palta a 'a Capernaum, ata xc'och cajan. A jun chon̈b' cha, a 'a sti a mar 'ay, 'a yol smacb'en eb' yin̈tl Zabulón yet' Neftalí.

Lc 13:28

At wal ta 'oj eyoq'ui, caw 'oj juch'ch'oc eye eyab'n syail. Yujto 'oj eyila', ata 'ayc' Abraham, Isaac, Jacob, yet' smasnil eb' schecb' Dios, 'ayc' xo eb' 'a yol sc'ab'. Ax xo tic, 'oj e can 'a sti'.

Lc 16:23

Palta ax spixan, ata xc'och a 'aj 'ay spixn eb' chamnac. Ax yic wan yab'n win syal 'a 'aj 'ayc' cha, xq'ue q'uelan. 'Ix yiln q'ue 'a caw najat, 'ayc' Lázaro yet' Abraham ta'.

Dt 1:28

Ax ticnec, ¿'aj wach' tzon̈ c'ochec? A eb' quit chon̈b'ec tic, 'ix yal eb' to a 'a jun lugar cha, 'ay eb' 'anma caw jeln to 'a quib'n̈ec. Caw niwc stel eb', caw niwc pax ab' schon̈b' eb', chan̈ pax ab' ya'jt smuroal schon̈b' eb' cha. Xyiln pax ab' eb' ewin yin̈tl win Anac, atn eb' niwc ste'il, caw 'ay smay eb', atn wal yuj jun tzo'n̈ eb' cha, caw tzon̈ xiwec, xe chi.

A Schab'il Carta San Pedro 2:4

Qui nac cot tas 'ajnc eb' ángel 'ochnc smul 'a Dios. Toxn ma'ix yac' niwnc'ojlal 'a eb'. Ton̈j xya'cn 'at eb' 'a infierno. Jalb'il can eb' ta yet' q'uen cadena. Preso yajcn eb' 'a q'uic'q'uinl ticnec, masnto 'oj b'eyc'ojlaxc eb'.