Lc 1:9 - Chuj San Sebastian Bible

⁹ Xya'n 'och ewin suerte 'icha xon sley 'a junjn 'ejem. A 'a yib'n̈ win Zacarías 'ix cani. Yuj cha, x'och win 'a yol yatut Cajlil. Ata sn̈us win incienso caw su'q'ui sjab'.

Chuj San Mateo Bible

⁹ Ix laj yac'an suerte eb', ichataxon smodo. Axo d'a yib'an̈ vin̈aj Zacarías chi' ix emi, yuj chi' ix och vin̈ d'a yol stemplo Dios Cajal. Ata' ix sn̈us incienso vin̈.

Lc 1:9 Iomraidhean Croise

1 Cr 23:13

Eb' yunnal Amram: atn Aarón yet' Moisés. Ax Aarón a si'x 'el yet' eb' yin̈tl yuj Jehová, yic tzyiln eb' jun tzo'n̈ tas to yic yaji, yic tzn̈usn eb' incienso 'a yojltac, yic tz'a'w servil eb' 'a 'a, yic tzyaln eb' wach' paxti 'a sb'i 'a smasnil tiempo.

1 Cr 6:49

An̈jtona 'a jun tiempoal cha, a Aarón yet' eb' yin̈til, a eb' tz'a'n tz'a ofrenda 'a yib'n̈ yet'l xajmb'al, yet' 'a yet'l yic incienso. An̈jtona', a pax eb' tz'iln smasnil 'opiso 'a jun Lugar cojn Dios 'ay yico', yet' yic tz'ajx lajwc smul eb' yit israelal eb', 'icha wal yutjnac Moisés yalni, win schecb' Dios.

2 Cr 26:16

A yic xyi'n wal yip 'a yopiso, 'ix yi'n chan̈ sb'a yet' snab'en, 'ixta x'aj yi'n cot 'a yib'an̈, tenmtac xyutj sb'a 'a Jehová sDiosal. X'och 'a yol yatut Jehová yic tzya'n tz'a incienso 'a jun yet'l 'aj tz'a incienso cha.

2 Cr 29:11

Yuj wal cha, ex wit chon̈ab', caw man̈ ex 'iljoc e b'on yatut Dios, yujto a Jehová ex si'n 'eli, sec 'ayx 'ec'n̈ej 'a yojltac yic tzeya'n servil, tzeya'n pax tz'a incienso 'a yojltac, xchi.

Nm 16:40

A jun tic, cuynb'il x'ajcn 'a eb' israel, chajtlto cojn eb' yin̈tl Aarón tztac' yochch sn̈us incienso 'a yib'n̈ yet'l xajmb'al 'a yojltac Jehová. Yuj cha, toto 'ay mach tzb'on 'icha eb' x'och tza'n yuj Coré cha, 'ixta pax tz'aj eb' jun xo. 'Icha wal xyutj Jehová yaln 'a Moisés, 'ixta wal xyutj Eleazar jun tzo'n̈ cha.

Mt 27:5

Yic xyab'n win jun cha, 'ix sjuln can 'och win q'uen tumn chi 'a yol yatut Dios. Xlajwn̈ej cha, x'at winac, 'ix ya'n 'och jun ch'an̈ 'a sjaj, 'ix st'unn̈q'ue sb'a winac, 'ix chami.

A Ch'an̈ Carta D'a Eb' Hebreo 9:6

A yic yoch yopiso jun tzo'n̈ cha, a eb' ya'mal 'och sti eb' quit chon̈b'ec 'a Dios, junjn c'u 'ochnc eb' 'a jun b'ab'l cuarto cha. Ata ya'jnac servil eb' Dios.

A Ch'an̈ B'ab'el Libro Samuel 2:28

Ax 'a scal smasnil eb' eyit israelal, ata ex in si'cn 'eli, yic tzex 'och ya'malc 'och sti eb' 'ayin, sec ax xo tze n̈us no xajmb'al 'a yib'n̈ yet'l 'aj tz'a'i. Tzeya'n tz'a pax incienso, 'aych cab' pax e camx chaleco eyu'uj yic tzex 'ochch 'a wojltac. An̈jtona', xwac' sc'ux eb' e mam eyichm smasnil jun tzo'n̈ ofrenda tz'ajx tz'a 'a wojltac yic tzin yi'n chan̈ eb' eyit israelal tic.