Lc 1:8 - Chuj San Sebastian Bible

⁸ A 'a jun 'el, 'ix jaw smacl Zacarías 'a yib'n̈ yet' ewin yitb'eyum, yic tzya'n 'och ewin sti eb' israel 'a Dios.

Chuj San Mateo Bible

⁸ A junel ix ja sc'ual yoch vin̈aj Zacarías chi' d'a stzolal yed' eb' yetsacerdoteal, yic syac'anoch sti' eb' yetisraelal eb' d'a Dios.

Lc 1:8 Iomraidhean Croise

1 Cr 24:19

Atn eb' tic 'ix pojx 'ec' 'a stzol-l ya'w servil 'a yatut Jehová, a tzyal sley Jehová qui Diosal an̈ israel on̈c tic, 'icha wal yutjnac yaln can 'a Aarón, atn smam yichm eb'.

1 Cr 24:2

Palta ax Nadab yet' Abiú, b'ab'l chamnc eb' 'a smam, mant 'a yunnal eb' scham eb', yuj cha, cojxn Eleazar yet' Itamar x'och ya'malc 'och sti eb' 'anma 'a Dios.

2 Cr 11:14

A eb' levita 'ix yactj can eb' tas 'ay 'a 'a yet' slum eb' 'aj tzwa scajb'en noc', yic tzjaw eb' 'a jun tzo'n̈ lugar 'a yol yic Judá, yet' 'a Jerusalén, yujto a Jeroboam yet' jun tzo'n̈ xo eb' tza'nto 'ochnc reyl yu'uj, a eb' pechjnac 'el eb' 'a yopiso ya'n servil Jehová.

2 Cr 31:19

'Ay pax eb' winc 'aych 'a yib'n̈ spojn 'ec' tas tzc'ux eb' ya'mal 'och sti eb' 'anma 'a Dios, eb' to yin̈tl Aarón, atn eb' levita to tz'ib'b'il sb'i, yet' eb' cajn 'a 'aj tztan̈wx wa no cajb'il noc' 'a schon̈b' eb' ya'mal 'och sti eb' 'anma 'a Dios cha.

2 Cr 31:2

Xlajw cha, spojn 'ec' Ezequías eb' ya'mal 'och sti eb' 'anma 'a Dios yet' eb' yit levitail 'a stzolil, sec wach' junjn mach tzyil yopiso. A eb' ya'mal 'och sti eb' 'anma', a eb' x'a'n tz'a no xajmb'al to tz'a smasnil, yet' no xajmb'al yic junc'ojlal. Ax jun tzo'n̈ xo eb' levita cha, a eb' 'ix 'a'n yuj diosal 'a Jehová, 'ix yaln pax eb' wach' paxti 'a 'a, stan̈wni pax eb' spuertail yatut Jehová.

2 Cr 8:14

An̈jtona', sb'on pax 'och munljel 'a stzolil, 'icha yaj yuj smam, atn David, sec wach' a eb' ya'mal 'och sti eb' 'anma', tztac' yiln eb' yopiso, yet' eb' levita, atn eb' 'aych 'a yib'n̈ sb'itn 'a Dios, tzcolwj pax eb' yet' eb' ya'mal 'och sti eb' 'anma 'a junjn c'u 'a tas yowlal tzc'anxi. Yet' pax yic tas tz'aj yoch eb' tan̈m puerta 'a stzol-l 'a junjn puerta, yujto 'ixta yutjnac can David yalni, atn schecb' Dios.

Esdras 6:18

Xlajw cha, x'ajx 'och junjn c'aj eb' ya'mal 'och sti eb' 'anma 'a Dios 'a stzol-l yiln yopiso, yet' jun tzo'n̈ xo eb' levita, x'ajx yopiso eb' 'a yatut Dios 'a Jerusalén, 'icha yaj stz'ib'x can 'a ch'an̈ libro yic Moisés.

Ex 28:1

'Ix yaln pax Jehová 'ixtic: 'Awtj cot o'tac Aarón yet' eb' yunnal, atn Nadab, Abiú, Eleazar yet' Itamar. Sic' 'elt eb' 'a scal eb' eyit israelal sec a eb' 'oj 'och ya'malc 'och sti eb' 'anma 'ayin.

Ex 28:41

'Ixta wal 'oj otc a pichn o'tac Aarón yet' eb' yunnal. Tzlajw cha, tza secn can q'ue perjuma 'a sjolm eb'. 'Ixta tz'aj schan can eb' yopiso yic tzya'n 'och eb' sti eb' 'anma 'ayin.

Ex 29:1

'Ix yaln pax Jehová 'ixtic: A yic 'oj 'ochcn Aarón yet' eb' yunnal ya'malc 'och sti eb' 'anma chi 'ayin, atn jun tzo'n̈ tic 'oj a b'o yet' eb': Tzej cot junc no quelm wacax yet' chawn̈oc no mam calnelu may spaltail.

Ex 29:44

Tz'ochcn jun Mantiado chi wico'oc yet' jun yet'l xajmb'al cha, yet' pax Aarón. Tzin si'cn 'och wico'oc yet' eb' yunnal, yic tzya'n 'och eb' sti eb' israel 'ayin.

Ex 29:9

'Icha tzotj Aarón, 'ixta pax tzotj eb' yunnal cha. Wach' tzotj 'och sjal-l snan̈l spichl eb'. Tojl pax tzotj q'ue sc'oxl sjolm eb'. 'Ixta wal 'oj otc a'n can 'och eb' 'a yopiso. Ax jun yopiso eb' tic, to tzcan 'a smasnil tiempo.

Ex 30:30

Tza tzicch pax perjuma chi 'a Aarón yet' 'a eb' yunnal, sec 'ixta tzotj a'n can 'och eb' ya'malc 'och sti eb' 'anma 'ayin.

Nm 18:7

Palta ach tic yet' eb' onnal, cojn ex tztac' eya'n 'och sti eb' 'anma 'ayin, yic tze b'on junc munljel 'a 'aj 'ay yet'l xajmb'al, mto 'a yojltac 'och te cortina. A jun munljel cha, eyic yaji, yujto an 'ix wac' jun 'opiso tic 'ayex. Toto 'ay junc comn 'anma tzcob' ya'ch sb'a 'a jun munljel tic, tojln̈ej schami, xchi Dios.

Lc 1:5

A 'a yic 'aych win Herodes sreyloc Judea, 'ay jun c'aj eb' ya'mal 'och sti eb' israel 'a Dios, tzcuch Abías. 'Ay jun win yitb'eym eb', Zacarías sb'i, ax yistzil winac, Elisabet sb'i, yin̈tl pax can Aarón 'ix.

Lc 1:7

May junc yunnal eb' yujto matz 'unewi xon 'ix, 'ichm 'anma xo pax eb' schawn̈il.