Lc 1:64 - Chuj San Sebastian Bible

⁶⁴ Yajn̈j wal cha, 'ix jacw pax sti win Zacarías, 'ix paxtini. Syamn 'och win yaln wach' paxti 'a Dios.

Chuj San Mateo Bible

⁶⁴ D'a jun rato chi' ix lolonxiq'ue vin̈aj Zacarías chi', ix och ijan vin̈ yalan vach' lolonel d'a Dios.

Lc 1:64 Iomraidhean Croise

Salmos 51:15

Mamin Jehová jac wal in ti', sec 'oj ach in b'itnoc yet' in wach' paxti'.

Ex 4:11

'Ix ta'w pax Jehová, 'ix yaln 'ixtic: —An xwala, yuj cha, tztac' spaxtin eb' 'anma', an xwala, yuj cha, 'ay eb' chacan̈, 'ay eb' matz uj spaxtini, 'ay eb' matz uj yilni, 'ay eb' wach' yilni.

Is 12:1

A 'a jun tiempoal cha, ata 'oj eyal 'ixtic: Mamin Jehová, tzcal yuj diosal 'aych on̈; wach'xam xcot wal yowl 'a c'ojl 'a quib'n̈ on̈, ax ticnec tox x'ec' jun cha, to wan a'n pax sniwnal qui c'ojl on̈.

Jeremías 1:9

Xlajw cha, xya'n cot Jehová sc'ab', xwul squilnc 'och sc'ab' 'a in ti', xyaln 'ayn 'ixtic:

Ez 29:21

A 'a jun tiempoal cha, 'oj wa'x niwtjoc eb' yin̈tl Israel, ax yochx yip eb'. Ach tic Ezequiel, tojl xoj 'oj otc aln in paxti 'a scal eb', ax yojcan 'el eb', to an Jehová in, cojn in ton Dios in, xchi Dios 'ayin.

Ez 3:27

Palta an to 'oj wala', ax a paxtin paxi, ax aln 'a eb' 'anma chi 'ixtic: 'Ixtc wal yaln Jehová Cajlil, xa chi 'a eb'. A eb' tznib'j 'ab'noc, yab' cab' eb', ax eb' matz nib'j 'ab'noc, man̈ yowlalc tzyab' eb', yujto caw wal pit eb', xchi 'ayin.

Ez 33:22

A 'a sq'uic'b'alil yic mantzac jaw win xcot 'elc cha, 'ix ya'n cot Jehová spoder 'a wib'an̈. Ax yic xjaw jun winc chi 'a sq'uin̈b'il cha, 'ix jacw can pax in ti', wach'x in paxtin paxi.

Mt 9:33

Ax yic x'el jun demonio chi 'a win yuj Jesús, 'ix syamn 'och win spaxtini. Yuj cha, caw sat sc'ojl eb' 'anma chi 'ayc' ta', 'ix laj yalnc eb' 'ixtic: —A 'a qui calc an̈ israel on̈c tic, mant 'a 'aj xquilc junc tas 'icha jun tic, xchi eb'.

Lc 1:20

Ax ticnec, man̈x 'oj stac' a paxtini, masnto 'oj 'aljoc jun onnal xwal tic. 'Ixta 'oj aji, yujto ma'ix a chaj ab' tas 'ix wal 'aych tic. A jun tic, 'oj 'el'choc yic 'oj jawc stiempoal, xchi jun ángel cha.