Lc 1:45 - Chuj San Sebastian Bible

⁴⁵ Ach tic, 'ix a'ch 'a a c'ojol tas xyal Cajlil 'ayach. Yuj cha, caw wach' eco', yujto yowlal 'oj 'el'choc tas 'ix alx cha, xchi 'ix Elisabet cha.

Chuj San Mateo Bible

⁴⁵ A ach tic ix ac'och d'a a c'ool tas ix yal Cajal chi' d'ayach, yuj chi' te vach' ico', yujto yovalil ol ujoc elc'och tas ix yal chi', xchi ix Elisabet chi' d'a ix María chi'.

Lc 1:45 Iomraidhean Croise

A Ch'an̈ B'ab'el Libro Yic Yab'ixal Eb' Rey 17:16

A 'ixm harina cha, may x'aj 'ixm slajwi, 'ixta pax jun aceite cha, ma'ix lajwi. 'Ix 'el'ch 'icha wal xyutj Jehová yaln 'a Elías.

A Ch'an̈ Schab'il Libro Yic Yab'ixal Eb' Rey 4:5

Xlajw cha, 'ix 'at 'ix, 'ix smacn 'och sb'a 'ix yet' eb' yune chi 'a yol yatut, syamn 'och 'ix sb'ut'n jun tzo'n̈ xalu chi yet' aceite, atn jun tzo'n̈ xalu xit' smajnoc cot 'ix.

2 Cr 20:20

Ax 'a sq'uin̈b'il 'a junx c'u, caw 'ix seb' q'ue wan eb', 'ix 'at eb' 'a sb'el cusltac lum 'a yol yic Tecoa. Ya' sb'a wan yel eb', 'ix 'och wan lin̈n Josafat, xyaln 'a eb' 'ixtic: 'Ab'c ex 'aj Judá yet' ex 'aj Jerusalén: Ca'c 'och qui c'ojl 'a Jehová qui Diosalec, sec wach' may tas 'oj qui'nec. Tzca'nec pax 'och eb' schecb' Dios yipc qui c'ojol, sec wach' 'oj quel'chec 'a smasnil, xchi 'a eb'.

Lc 1:20

Ax ticnec, man̈x 'oj stac' a paxtini, masnto 'oj 'aljoc jun onnal xwal tic. 'Ixta 'oj aji, yujto ma'ix a chaj ab' tas 'ix wal 'aych tic. A jun tic, 'oj 'el'choc yic 'oj jawc stiempoal, xchi jun ángel cha.

Lc 1:44

Yicn̈ej xwab'n a paxtin a jaw 'ayin, 'ix 'ib'x chan̈ jun 'unn tic 'a yol in c'ojol. Coyn to caw stzalj xwab'i.

Lc 1:48

An tic, ya'mal in servil Dios. May wel'chi, palta 'ix 'o'ch sc'ojl 'ayin. Yuj cha, smasnil tiempo 'oj yal eb' 'anma wu'uj, to caw wach' wico'.

Jn 11:40

—Tox xwal 'ayach, toto tzin a'ch wal 'a a c'ojol, 'oj el nab'n spoder Dios, xchi 'a 'ix.

Jn 20:29

—Tomás, xa'ch a c'ojl 'ayin, yujto in ela. Ax eb' matz in 'ilni, palta toto tzya'ch eb' sc'ojl 'ayin, yel xo wach' yic eb', xchi Jesús.