Lc 1:41 - Chuj San Sebastian Bible

⁴¹ Ax 'ix Elisabet cha, caw x'ib'x jun 'unn chi 'a yol sc'ojol, yic xyab'n 'ix spaxtin María cha. Caw 'ix wach' 'och Yespíritu Dios 'a 'ix.

Chuj San Mateo Bible

⁴¹ Ix te ib'xiq'ue jun unin d'a yol sc'ool ix Elisabet chi', ayic ix yab'an slolon ix María chi'. Ix te vach' och Yespíritu Dios d'a ix Elisabet chi'.

Lc 1:41 Iomraidhean Croise

Gn 25:22

Ax eb' 'unn cha, tiyx eb', caw tzyac' eb' owl 'a yol sc'ojl snun cha. Yuj cha, 'ix snan 'ix 'ixtic: Toto 'ixtc jun tic tzjaw 'a wib'an̈, ¿tasto wal yuj pitzn in? xchi 'ix. Yuj cha, x'at 'ix 'at yal syailal 'a Jehová.

Salmos 22:10

Yictax mantzac in 'alji, 'ayn xon 'och 'a yol a c'ab'; yic 'ayn to 'ec' 'a yol sc'ojl in nun, in Diosal ach xoni.

Lc 1:15

Caw niwn 'oj 'aj 'el'ch 'a sat Dios. May xon 'aj 'oj yuc' yal uva. May 'aj 'oj yuc' pax 'an̈. A yic 'oj 'aljoc, ax yochcn Yespíritu Dios 'a 'a.

Lc 1:40

'Ix c'och 'ix 'a yatut win Zacarías, 'ix sc'umn 'ix 'ix Elisabet.

Lc 1:42

Yuj cha, xyaln 'ix 'ixtic: —Ach tic, yel xo wal niwn swach'c'ojlal Dios 'ix sch'ox 'aych 'a yib'n̈ smasnil eb' quit 'ixal. Caw niwn swach'c'ojlal 'oj sch'ox pax 'a jun one 'oj 'aljoc.

Lc 1:44

Yicn̈ej xwab'n a paxtin a jaw 'ayin, 'ix 'ib'x chan̈ jun 'unn tic 'a yol in c'ojol. Coyn to caw stzalj xwab'i.

Lc 1:67

Ax smam jun 'unn cha, atn Zacarías, caw xwach' 'och Yespíritu Dios 'a 'a, yuj cha, x'ajx paxtinc yuj 'ixtic:

Lc 4:1

A Jesús caw 'aych Yespíritu Dios 'a 'a, 'ix 'atx 'a a niwn a Jordán. 'Ix 'ijx 'at yuj Yespíritu Dios chi 'a jun lum cusltac lu'um.

A Tas Sc'ulejnac Eb' Schecab' Jesús Hechos 2:4

Caw x'ochcn Yespíritu Dios 'a junjn eb'. 'Ix syamn 'och eb' spaxtin 'a jun tzo'n̈ chucchc ti'al, a tzyal tas 'ix 'ajx yal eb' yuj Yespíritu Dios cha.

A Tas Sc'ulejnac Eb' Schecab' Jesús Hechos 4:8

Ax Pedro, caw 'aych Yespíritu Dios 'a 'a. Yuj cha, xyaln 'ixtic: —Ex yajl eyaj 'a eb' chon̈ab', yet' ex 'ichmtac winc yic chon̈b' Israel,

A Tas Sc'ulejnac Eb' Schecab' Jesús Hechos 6:3

Yuj cha, ex wu'tac, tze say ucwn̈oc winc 'a qui calc tic, tzeya'n 'och yopiso eb' sb'on jun munljel tic. Yowlal caw wach' sb'eyb'al eb', tznachj 'el yic Dios yuj eb', yowlal caw 'aych Yespíritu Dios 'a eb'.

A Tas Sc'ulejnac Eb' Schecab' Jesús Hechos 7:55

Palta ax Esteban cha, caw 'aych Yespíritu Dios 'a 'a. Yuj cha, 'ix q'ue q'ueln 'a satcha'an̈, 'ix yiln q'ue stzictznil Dios. 'Ix yilni lin̈n 'ec' Jesús 'a swach' c'ab' Dios.

A Tas Sc'ulejnac Eb' Schecab' Jesús Hechos 9:17

Yuj cha, 'ix 'at Ananías 'a jun n̈a cha. Xlajw sc'ochi, 'ix 'och 'a yojol. 'Ix ya'n 'at sc'ab' 'a sjolm Saulo cha, 'ix yaln 'ixtic: —Wu'tac Saulo, a Cajlil Jesús a 'ix sch'ox sb'a 'aych 'a yol b'e 'aj ach jawi. A in checn cot 'ayach, sec wach' 'oj jacwc pax yol a sat, ax yochcn Yespíritu Dios 'aych si'mb'il, xchi 'a 'a.

Ef 5:18

Man̈ ex 'och 'u'm 'an̈il, yujto a te 'an̈, tzwach' juw 'el qui nab'enec yuj te'. Yel xo wach' a Yespíritu Dios 'aych yajlilal 'ayn̈ec, man̈oc te 'an̈ cha.

Apoc 1:10

Ax 'a jun c'u yic Cajlilec, caw xjaw wal spoder Yespíritu 'ayin. Ax xwab'ni, 'ay jun mach caw 'ip x'awj 'a in patic, 'icha yoc' junc trompeta.