Lc 1:16 - Chuj San Sebastian Bible

¹⁶ Yuj wal jun onnal cha, til wal eb' et israelal 'oj ya'x 'och snab'en 'a sDiosal, atn 'a Cajlil.

Chuj San Mateo Bible

¹⁶ Yujn̈ej jun uninal chi', tzijtum eb' etisraelal ol meltzajoch spensar d'a Dios Cajal.

Lc 1:16 Iomraidhean Croise

Is 49:6

'Ix yaln 'ixtc 'ayin: In checb' ach, palta man̈ yujocn̈ej a tojlb'tzan pax eb' yin̈tl Jacob 'a 'icha xon yaji, yic tze'n pax meltzjoc jaywn̈ xo eb' cann̈cto can 'a Israel, palta yuj pax ach wa'n 'och sacq'uinlal 'a jun tzo'n̈ xo nacion̈, masnto 'a 'aj tzlajw c'och yolyib'n̈q'uinal, tze'n pax 'at colnb'il ta', xchi 'ayin, xchi jun schecb' Dios cha.

Dn 12:3

A eb' caw jelan, eb' niwn sb'isl 'anma tzjucb'tzej 'a tojl b'eyb'al, a eb' cha, caw wach' yilx 'oj 'aj eb' 'icha yilx satcha'an̈, caw tzictzni yilx 'oj 'aj eb' 'a jun 'ejmn̈ej, 'icha stzictznil c'anal.

Malaquías 3:1

A Jehová tztac' yuj smasnil, a tzaln 'ixtic: 'Oj in b'ab'l checc 'at jun in checab', sec a 'oj b'ab'l b'onc in b'e an Yajl in tic yic mantzac in c'och 'ayex. An tan̈b'iln xon eyu'uj, wal 'a yajn̈ej ax woch 'a yol watut. Ax tic, tze nib'j xon tzjaw jun in checab' yic tzya'n b'o 'el'chc in trato, palta 'ab'ec, an ton 'oj in jawi.

Mt 21:32

Yujto a Juan Bautista wul aljnac 'el 'ayex, chajtl tzeyutj e tojlb'tzan e b'eyb'al, palta ma'ix eya'ch e c'ojl 'a 'a. Ax eb' tecm 'el tumin, yet' eb' 'ix 'ajmul 'ix, 'ay eb' xya'ch sc'ojl 'a 'a. Wach'xam eyiljnac tas yutjnac eb' snan sb'a, palta ma'ix e na e b'a yet' eb', ma'ix eya'ch e c'ojl 'a tas yaljnac Juan cha.

Lc 1:76

Ach xo tic ach wunnal, ach 'oj och schecb'oc Dios jun yel xo niwn yel'chi. Yujto 'oj a b'ab'l 'ec' 'a Cajlil, ax a b'on snab'en eb' 'anma', 'icha tz'aj sb'o junc b'e.

Lc 3:3

Yuj cha, c'uxn x'ec' Juan chi 'a jun tzo'n̈ lugar 'a sla'nil a niwn a Jordán. X'ec' yalnc 'el 'a scal eb' 'anma', chajtlto yowlal tzna sb'a eb' yuj smul, sec wach' tz'ajx can lajwc smul eb', tzya'n bautisar sb'a eb'.