Jueces 9:5 - Chuj San Sebastian Bible

⁵ 'Ix c'och eb' 'a 'aj 'ay yatut smam chi 'a Ofra, axta sma' cham eb' yu'tac cha, atn eb' 70 'aycn 'a yatut win Gedeón cha. A 'a yib'n̈ jun q'uen q'ue'en, ata sma' cham win eb'. Cojxn wal jun win 'ix stac' sc'ub'n 'el sb'a, atn win slajb' 'unn tzcuch Jotam.

Chuj San Mateo Bible

⁵ Yuj chi' ix b'at eb' vin̈ yed' vin̈ d'a Ofra, b'aj ec'nac vin̈ smam vin̈. Ata' ix smilcham 70 eb' yuc'tac vin̈ d'a yib'an̈ jun q'uen q'ueen. Axon̈ej vin̈aj Jotam ix colchajcani, yujto ix sc'ub'ejcanel sb'a vin̈, aton vin̈ slajvub' yuninal vin̈aj Jerobaal chi'.

Jueces 9:5 Iomraidhean Croise

A Ch'an̈ B'ab'el Libro Yic Yab'ixal Eb' Rey 1:12

A ticnec jun, chaj ab' jun nab'en 'oj wal 'ayach, sec wach' ma'oj a cham yet' win one Salomón.

A Ch'an̈ B'ab'el Libro Yic Yab'ixal Eb' Rey 1:21

Palta toto mantzac 'el'ch jun tic ax a cham mamin rey, toto 'ixta', an xo yet' ni wune Salomón, 'oj qui milx cham on̈, xchi 'ix.

A Ch'an̈ Schab'il Libro Yic Yab'ixal Eb' Rey 10:17

A yic 'ix 'och 'a yol chon̈b' Samaria, 'ix smiln cham Jehú smasnil eb' yin̈tl Acab, atn eb' 'ix can to 'a spitznal. 'Ix satl eb' smasnil, 'icha yutjnac Elías yaln can yuj Jehová.

A Ch'an̈ Schab'il Libro Yic Yab'ixal Eb' Rey 10:7

A yic schan eb' 'ichm winc chi junx ch'an̈ carta cha, 'ix syamn ewin eb' yunnal win Acab cha, 'ix smiln cham ewin eb'. Xlajw cha, 'ix ya'n 'ejm ewin sjolm eb' chi 'a yol jun tzo'n̈ xu'uc, 'ix 'at ya'nc 'ajxoc can eb' 'a Jehú 'a Jezreel.

A Ch'an̈ Schab'il Libro Yic Yab'ixal Eb' Rey 11:3

Ata c'ub'b'il 'el win yet' 'ix tzq'uib'tzan win chi 'a yatut Jehová 'a waque ab'il. Ya' sb'a wan ya'n 'ix Atalía reinail 'a Judá.

2 Cr 21:4

A Joram cha, a yic 'ix yi'n yip 'a yopiso 'a sreyal, 'ix stzu' cham smasnil eb' yu'tac, an̈jtona', 'ix stzu' cham jun tzo'n̈ eb' yajl yaj 'a chon̈b' Israel.

Mt 2:16

Ax win Herodes cha, 'ix yilni to man̈x 'ic 'ec' eb' mago chi 'a winac. Ton̈j 'ix yixtj can paxti eb' winac. Yuj cha, caw xcot yowal, 'ix ya'n win milxc cham jantcn̈ej eb' cotc winc 'unn 'ay 'a chon̈b' Belén, yet' eb' 'ay 'a sla'nil jun chon̈b' cha. 'Ix cham eb' 'ayx schab'l ab'il, yet' eb' mantzac 'el 'a schab'l ab'il. Yujto 'ixta stiempoal ye'cn eb' mago chi 'a winac.

Mt 2:20

Q'uen̈ wa'an, 'ij 'at jun 'unn tic yet' snun. Paxn̈ec 'a chon̈b' Israel jun 'ejm xo, yujto a eb' xnib'n milnc cham jun 'unn tic, chamnc xo eb', xchi jun ángel cha.

Jueces 6:11

'Ay jun c'ual 'ay jun yángel Jehová 'ix 'emli, axta x'em wocn 'a yich jun te mach' 'ay 'a Ofra. A jun lum cha, yic win Joás yin̈tl Abiezer. 'Ay pax jun yunnal win tzcuch Gedeón. A Gedeón cha, wan schayw trigo 'a c'ultaquil, sec matz yilsb'a eb' madianita 'a 'a. A 'aj tzte'x 'el yal uva, ata tzchayw trigo cha.

Jueces 6:24

Xlajw cha, 'ix sb'on chan̈ Gedeón jun yet'l xajmb'al yic tzyi'n chan̈ sb'i Jehová. Xya'n can scuch: A Jehová 'Ac'm Junc'ojlal, xchi. A jun yet'l xjamb'al tic, ata xcan 'a Ofra 'a yol yic eb' yin̈tl Abiezer.

Jueces 8:30

Til wal yunnal win x'elcni. 'Ay 70 eb' 'a smasnil, yujto niwn eb' 'ix 'ix yijnac winac.

Jueces 9:18

Ax xo tic, ex 'och 'ajc'ojlal 'a eb' yunnal in mam, xe ma'n cham 70 eb' yunnal cha, junn̈j q'uen q'uen 'aj xe mil eb'. Xlajw cha, xeya'n 'och Abimelec e reyloc, atn win yune 'ix schab'l 'istzil in mam, cojn to yuj eyican e b'a yet'oc, yuj cha, xeya'n 'och e reyloc.

Jueces 9:2

—Yujto wican to in b'a eyet'oc, yuj cha, tzin tew 'och wal 'ayex, to tze montj eb' 'aj Siquem tic smasnil, tze c'anb'n 'a eb' 'ixtic: ¿Tom wach' tzeyab'i to smasnil eb' 70 yunnal Gedeón 'oj yac' eb' yajlil 'a quib'n̈ec, mto wach' to cojn junc win tz'och qui yajliloc? xe chi 'a eb'. Ax xo tic, tze na cot nab'an to caw junn̈j to win̈tl eyet'oc, xchi 'a eb'.

Jueces 9:6

Xlajw cha, ax eb' 'aj Siquem smasnil, yet' eb' yic Bet-milo, 'ix syam sb'a eb' 'a yich te mach' 'ay 'a yol yic Siquem cha. A 'a stz'ey cha, ata 'ay jun q'uen q'uen niwn yel'ch yuj eb', axta 'ix ya'cn 'och eb' 'anma chi sreyloc Abimelec.