Jueces 9:45 - Chuj San Sebastian Bible

⁴⁵ Smasnil c'u 'ix yac' Abimelec owl 'a chon̈b' Siquem yet' eb' soldado, masnto xyac' ganar eb' yoch 'a yol chon̈b' cha. 'Ix lajw can 'el jun chon̈b' chi yuj eb', smiln can eb' smasnil eb' 'anma cha. 'Ix secn 'ejm 'atz'm 'a yib'n̈ jun chon̈b' cha.

Chuj San Mateo Bible

⁴⁵ Pilan c'u ix yac' oval vin̈aj Abimelec chi', masanto ix yac' ganar vin̈ satanel jun chon̈ab' chi'. Ix smilcham masanil anima vin̈, ix smaq'uem vecnaj jun chon̈ab' chi' vin̈, ix secancanem atz'am atz'am vin̈ d'a yib'an̈.

Jueces 9:45 Iomraidhean Croise

A Ch'an̈ B'ab'el Libro Yic Yab'ixal Eb' Rey 12:25

Xlajw cha, xya'n win Jeroboam b'ox 'el'ch chon̈b' Siquem 'ay 'a lum jolmctac witz 'a yol yic Efraín, axta xcan cajan. Xya'n pax b'o 'el'ch chon̈b' Penuel.

A Ch'an̈ Schab'il Libro Yic Yab'ixal Eb' Rey 3:25

Xlajw cha, 'ix sma'n 'ejm lan̈chjoc eb' schon̈b' eb', 'ix b'ut'j 'el sat slum eb' yuj q'uen q'uen 'aj tzb'o smunljel, 'ix st'ocn lan̈chjoc eb' israel smasnil a spac'b'a', 'ix stzu'n pax 'ejm eb' smasnil te 'awb'ente tzsatni. Cojxn̈ej chon̈b' Kir-hareset 'ix cani. Palta ax eb' tzjulwj yet' mejech', 'ix 'och oyn eb' 'a spatquil jun chon̈b' cha, 'ix sjuln 'at eb' q'uen 'a yib'an̈, yic tzlan̈chj 'ejm snan eb'.

Salmos 107:34

A lum lum 'ay syaxil sat, tzyac' jelmjoc sat lu'um yic man̈x 'a sb'al tzyac'a; yuj smul eb' 'anma cajn 'a sat lu'um, 'ixta tz'aji.

Ez 47:11

Palta ax 'aj 'ay eb' a chic' a', yet' 'a eb' lum yaxlu'um, ma'oj b'o eb' a', 'oj cann̈j eb' a 'ixta', sec ata 'oj q'uetoc 'atz'am.

Sofonías 2:9

Yuj cha, an wal tzwal 'ixtic: A Moab, lajn 'oj 'ajcn 'icha Sodoma, ax chon̈b' Amón, lajn 'oj 'ajcn 'icha Gomorra, 'oj pac' chan̈ te q'uix 'a 'a. 'Oj 'ochcn sminasil 'atz'am. Caw cusltac 'oj 'ajcn 'a jun 'ejmn̈ej. A eb' in chon̈b' 'oj can to 'a eb' yin̈tl Judá cha, a eb' 'oj 'i'nc 'elt smasnil tas 'ay 'a eb' 'anma cha. A eb' 'oj 'ica'anc can slum eb' cha, xchi Dios.

Dt 29:23

'oj yil eb', chajtlto a jun lum cha, c'uxn tz'anc smasnil, cojn azufre, yet' 'atz'm 'ay 'a 'a. Man̈x 'a tas tztac' yawx 'a lu'um, man̈x 'a xon tas 'oj yac'a. Man̈x 'a sc'ultcal 'oj pac'oc 'icha wal 'ajnc slajw 'el chon̈b' Sodoma, Gomorra, Adma yet' Zeboim. Atn jun tzo'n̈ chon̈b' chi 'ix yac' Jehová lajwc 'el yet' yowl sc'ojol.

Santiago 2:13

Toto matz 'o'ch qui c'ojlec 'a eb' quit 'anma'il, ax Dios, ma'oj 'o'ch sc'ojl 'ayn̈ec jun xo, yic 'oj on̈ sb'oncyaji. Palta toto tz'o'ch qui c'ojlec 'a eb' quit 'anma'il, to 'ixta', 'oj 'o'ch pax sc'ojl Dios 'ayn̈ec yic 'oj on̈ sb'oncyaji.

Jueces 9:44

Ax eb' soldado ajun yet'oc, 'ix 'at eb' 'a sti spuertail chon̈b' cha, ya' sb'a ax chac'aj xo eb' soldado, wan ya'n eb' owl yet' eb' 'anma 'a sti 'el chon̈b' cha. 'Ix laj milxoc can eb' 'anma yuj eb'.