Jueces 9:18 - Chuj San Sebastian Bible

¹⁸ Ax xo tic, ex 'och 'ajc'ojlal 'a eb' yunnal in mam, xe ma'n cham 70 eb' yunnal cha, junn̈j q'uen q'uen 'aj xe mil eb'. Xlajw cha, xeya'n 'och Abimelec e reyloc, atn win yune 'ix schab'l 'istzil in mam, cojn to yuj eyican e b'a yet'oc, yuj cha, xeya'n 'och e reyloc.

Chuj San Mateo Bible

¹⁸ A exxo tic, tas xom val eyaji, yuj chi' tzex meltzajoch ajc'olal d'a yin̈tilal vin̈ in mam chi'. Ix e milcham 70 yuninal vin̈ d'a jun q'uen q'ueen, axo vin̈aj Abimelec yune' jun ix schecab' vin̈ in mam chi' ix eyac'och eyajaliloc, an̈ej am yujto ayto eyuj e b'a yed' vin̈ yuj snun.

Jueces 9:18 Iomraidhean Croise

Salmos 109:4

A spac in chamc'ojlal tzyac' eb', to tzchichn 'och eb' 'ayin, palta to tzin leslwi yuj eb'.

Jueces 8:35

May jac spac wach' xyac' eb' 'a eb' yunnal Gedeón cha, yuj swach'c'ojlal xyac' 'a eb'.

Jueces 9:14

Ax 'a slajub', 'ix yaln eb' te te chi 'a te snun q'ui'ix, to a te tz'och sreyloc eb' te'.

Jueces 9:17

Yujto a win in mam cha, 'ix yac' win owl eyu'uj, yic ex scoln can 'el win 'a yol sc'ab' eb' 'aj Madían.

Jueces 9:19

Toto wach' xeyutj e nab'en 'a Gedeón yet' 'a eb' yunnal, toto 'ixta' wach' 'oj eyel'ch yet' Abimelec, tzaljc'ojlal eyic yet'oc.

Jueces 9:2

—Yujto wican to in b'a eyet'oc, yuj cha, tzin tew 'och wal 'ayex, to tze montj eb' 'aj Siquem tic smasnil, tze c'anb'n 'a eb' 'ixtic: ¿Tom wach' tzeyab'i to smasnil eb' 70 yunnal Gedeón 'oj yac' eb' yajlil 'a quib'n̈ec, mto wach' to cojn junc win tz'och qui yajliloc? xe chi 'a eb'. Ax xo tic, tze na cot nab'an to caw junn̈j to win̈tl eyet'oc, xchi 'a eb'.