Jueces 9:15 - Chuj San Sebastian Bible

¹⁵ Xta'w te snun q'uix chi 'ixtic: Toto yel tzeyala to tze nib'j tzin 'och e reyloc, cotn̈ec, c'ub'jec 'el e b'a 'a yaln̈ wen̈ul. Toto matz e nib'j an tzin 'och e reyloc jun, 'elt cab' n̈iln̈joc c'ac' 'ayin, ax stz'acn eb' te c'ute 'a Líbano wu'uj, xchi te'.

Chuj San Mateo Bible

¹⁵ Ix ab' yalan te' q'uiix chi' to syal yoch te' yajaliloc te te' chi' smasanil. Ix ab' yalan te': Tato yel d'a smasanil e c'ol tzin eyac'och eyajaliloc, ochan̈ec d'a yalan̈ ven̈ul tic e masanil. Tato max yal e c'ol tzin och eyajaliloc jun, elocab'cot jun nivan c'ac' d'ayin yic stz'acanb'at te' c'ute' d'a Líbano, xchab' te' q'uiix chi'.

Jueces 9:15 Iomraidhean Croise

A Ch'an̈ Schab'il Libro Yic Yab'ixal Eb' Rey 14:9

Palta ax win Joás cha, xya'n 'at spac 'ixtc 'a Amasías cha: 'Ix yalb't jun te sac q'uix 'a te c'ute 'ay 'a Líbano: 'Ac' 'ix esl yistzilc win wunnal, xchi te'. Palta ax e no chiwjum noc' 'ix 'ec' ta', 'ix ste'n can 'ejm e no te sac q'uix cha.

Salmos 104:16

Mamin Jehová, ach tzac' yaxb'oc te te yet' n̈ab', yet' pax eb' te c'ute 'awb'il oj 'a Líbano.

Salmos 29:5

Tzlo'chj te c'ute' yuj yol sjaj Jehová, c'uxn tzlo'chj te c'ute 'a lum Líbano yu'uj.

Is 1:31

A junc 'anma caw te'n yaj 'a tzyutj snani, 'icha xoj te 'ac 'ixta 'oj 'ajoc; ax jun tzo'n̈ yechl xlaj sb'o cha, 'oj 'och n̈ilnjoc sc'aq'uil, lajn 'oj 'aj scan sc'ac'l eb' 'a schac'ajil, man̈x 'a mach 'oj stac' stupn jun c'ac' cha, xchi Dios.

Is 2:13

ax satn 'el smasnil te c'ute 'a Líbano, yet' te niwc jiy 'a lum Basán.

Is 30:2

Yajn̈ej tzcob' 'at eb' 'a Egipto, palta toc tzc'anb'j eb' 'ayin. A yipal win rey faraón chi tznib'j eb' tzcolni, tzya'n 'och eb' Egipto chi yipc sc'ojol.

Is 37:24

'Ix a'n yal eb' a checb' tu paxti'al 'ayn an Jehová in, 'ix cob' aln 'ixtic: Til wal sb'isl in caruaje yic owl wet'i, yic in q'ue'ch 'a sjolm eb' lum witz caw niwc stel 'a yol yic Líbano. Xin ch'acn te c'ute niwc ste'il yet' te taj wach' yilxi. 'Ixta to b'i'an, in q'ue'ch 'a lum jolmctac witz 'ayb't 'a cha'an̈, xlaj wiln jun tzo'n̈ lum lum caw wach' yilx yet' sb'a'al.

Lm 4:20

A jun qui reyl cob' yipc'ojlal yaj cuj on̈, atn jun sic'b'il 'el yuj Jehová, tox 'ix yamchj win yuj eb' 'ajc'ojol. An̈ tic on̈, xqui na cob'i', to 'oj on̈ scol win 'a jun tzo'n̈ xo nacion̈.

Ez 19:14

A eb' te sc'ab' cha, 'aych can c'ac' 'a eb' te', yuj cha, a yic tzcob' wolnc te', ax jun c'ac' chi tzn̈usn pax te swol chi yet' te sat cha. Man̈x 'a te sc'ab' chi wach' yoch sc'occhoc eb' rey, xa chi, xchi Dios 'ayn an Ezequiel in tic. (A jun b'it tic, yic cusc'ojlal. A yic 'ay cusc'ojlal ata smoj sb'itnaxi.)

Ez 31:3

'Oj ach in lajb'tzoc yet' junc te c'ute 'a Líbano. A te te cha, caw wach' yilx sc'ab' te', tzlaj yac' te yen̈l 'a eb' te yit tel 'a stz'ey cha, caw niwquil 'ajnc ste'il, 'ec'b'al stel 'a yib'n̈ jun tzo'n̈ xo te te cha.

Dn 4:12

Caw wach' yilx xil te', man̈x jantcoc sat te', tztechj swatzan te smasnil 'anma yet' sat cha. A 'a yen̈l yich te', ata tzmol sb'a e no calte'al noc'. Ax 'a scal sc'ab' te', ata tzb'o e no ch'ic so', smasnil tas pitzn 'a yolyib'n̈q'uinl tic, tztechj te swatzani.

Os 14:7

'Oj in ya'ch eb' yipc sc'ojl jun 'ejm xo. Wach' 'oj 'aj sq'uib' eb' 'icha sq'uib' 'ixm trigo, 'icha to 'oj nichnc eb' 'icha te uva, caw 'oj b'inaxc eb' 'icha te yal uva tzcot 'a Líbano cha.

Nm 21:28

A 'a lum Hesbón cha, lum schon̈b' Sehón, ata 'ix n̈ilchj cot jun c'ac' xlajn 'el chon̈b' Ar 'a yol yic Moab. 'Ix lajw pax 'el eb' yajl yaj 'a eb' chon̈b' 'ay 'a spa'nil q'ue sti a Arnón.

Mt 13:32

Yujto a jun 'in̈t cha, yel xo yune 'a yib'n̈ smasnil jun tzo'n̈ xo 'in̈at. Palta a yic tzq'uib'i, yel xo niwquil tz'aj 'a yib'n̈ jun tzo'n̈ xo te te tz'awx 'a junjn ab'il. Lajn tz'aj 'icha jun tzo'n̈ niwc te', ax no ch'ic, tzc'och no 'a sc'ab' te', tzway no ta', xchi Jesús.

Jueces 9:14

Ax 'a slajub', 'ix yaln eb' te te chi 'a te snun q'ui'ix, to a te tz'och sreyloc eb' te'.

Jueces 9:16

Ax ticnec b'i'an, tzin c'anb'j 'ayex: ¿Tom yel xo wach' e nab'en, yuj cha, xe si'n 'och Abimelec chi e reyloc? ¿Wach' am xeyutj e nab'en 'a yib'n̈ Gedeón yet' eb' yunnal, 'icha yutjnac ex scoln can 'eli?

Jueces 9:20

Palta toto ma'ay, 'elt cab' n̈iln̈joc c'ac' 'a Abimelec, ax e lajw 'el ax 'aj Siquem ex tic, yet' ex 'aj Bet-milo; 'oj 'eltoc n̈iln̈joc c'ac' 'ayex, ax e lajn 'el Abimelec cha, xchi win Jotam.

Jueces 9:44

Ax eb' soldado ajun yet'oc, 'ix 'at eb' 'a sti spuertail chon̈b' cha, ya' sb'a ax chac'aj xo eb' soldado, wan ya'n eb' owl yet' eb' 'anma 'a sti 'el chon̈b' cha. 'Ix laj milxoc can eb' 'anma yuj eb'.

Jueces 9:49

Ax smasnil eb' 'anma cha, yajn̈ej 'ix stzu'n 'elt eb' sc'ab' te te cha, 'ix yi'n eb' yic jun jun. X'och tza'n eb' yuj Abimelec masnto xc'och eb' 'a yol sti smac jun yatutal jun dios cha. Axta smolb'tzej eb' jun tzo'n̈ sc'ab' te chi 'a yich scuartelal chon̈b' cha. Xlajw cha, xya'n 'och eb' sc'aq'uil, sec 'ixta tz'aj xcham smasnil eb' 'anma yic jun cuartel cha. 'Ix cham eb' smasnil, tecn 'ay junc mil sb'isl eb', eb' winac yet' eb' 'ix 'ix.