Jueces 8:6 - Chuj San Sebastian Bible

⁶ Ax eb' syajlil eb' 'aj Sucot cha, xyaln eb' 'ixtic: —¿Tom 'ayx 'ec' win Zeba yet' win Zalmuna chi 'a yol e c'ab', yuj cha, tza nib'n an̈ tzcac' tas tzc'ux ewin a soldado tic? xchi eb'.

Chuj San Mateo Bible

⁶ Ix tac'vi eb' yajalil chon̈ab' chi' d'a vin̈ icha tic: —¿Tom toxo ix yamchaj vin̈aj Zeba yed' vin̈aj Zalmuna chi' eyuuj, yuj chi' scac' va eb' vin̈ a soldado tic? xchi eb'.

Jueces 8:6 Iomraidhean Croise

Gn 25:13

Atn stzol-l x'aj yalj eb' tic: Nebaiot, atn win b'ab'l winc cha; xlajw cha, x'alj Cedar, Adbeel, Mibsam, Misma, Duma, Massa, Hadar, Tema, Jetur, Nafis yet' Cedema.

Gn 37:25

Xlajw cha, x'em wocn eb' swa'i. Ya' sb'a cha, xyiln eb' scot jun tzo'n̈ eb' ismaelita xcot 'a Galaad, 'ay perjuma, bálsamo yet' mirra 'aych 'a yib'n̈ scameyo ewinac, yic tz'at schon̈c eb' 'a Egipto.

Gn 37:28

Ax yic x'ec' eb' 'aj Madián cha, yajn̈ej x'at 'ijxoc q'uet win José yuj eb' yu'tac 'a yol jun xab' cha. Xchon̈n can 'at eb' win 'a ewin ismaelita tz'at 'a Egipto. Junc'l q'uen tumn plata schaj eb' 'a ewinac. 'Ixta wal x'aj s'atcn José 'a Egipto.

A Ch'an̈ B'ab'el Libro Yic Yab'ixal Eb' Rey 20:11

Xyaln pax 'at win rey Acab 'ixtc 'a eb': Alc yab' winac, to matz comn b'an̈j sb'a win b'el, yujto mantzac yil winac, toto a win x'a'n ganar owal, xchi 'a eb'.

A Ch'an̈ Schab'il Libro Yic Yab'ixal Eb' Rey 14:9

Palta ax win Joás cha, xya'n 'at spac 'ixtc 'a Amasías cha: 'Ix yalb't jun te sac q'uix 'a te c'ute 'ay 'a Líbano: 'Ac' 'ix esl yistzilc win wunnal, xchi te'. Palta ax e no chiwjum noc' 'ix 'ec' ta', 'ix ste'n can 'ejm e no te sac q'uix cha.

Pr 18:23

A eb' meb'a', caw 'emmquilal stew eb' 'a mach 'aj tzyal sb'a; ax eb' rico, caw niwquil tzyutj eb' yol sjaj yic tzta'w eb'.

A Scarta San Pablo D'a Eb' Aj Filipos 2:21

Yujto junjn eb', cojn yic eb' tzlaj sna'. Matz na xon eb' jac smunljel Cristo Jesús.

Jueces 5:23

Ax jun yángel Jehová xaln 'ixtic: Jaw cab' scatb' Jehová 'a yib'n̈ chon̈b' Meroz, yet' 'a yib'n̈ smasnil eb' 'anma cajn 'a 'a, yujto ma'ix 'och eb' yet' Jehová yic xya'n owal, 'icha xyac' jun tzo'n̈ xo eb' soldado ma'ix xiwi, xchi.

Jueces 8:15

Ax yic xc'och Gedeón 'a Sucot, 'ix yaln 'ixtc 'a eb' 'aj chon̈b' cha: —A ticnec, yaj win Zeba yet' Zalmuna, atn yuj ewinac in e b'uchni yic xcob' in c'annc jac tas tzc'ux ewin in soldado 'ayex, yic caw 'ay swejl eb'. Xeyaln 'ayn 'ixtic: ¿Tom tox xe yam ewinac, yuj cha, ax ca'n tas tzc'ux eb' a soldado cha? xe chi 'ayin. Ax ticnec yaj ewinac, xchi Gedeón.

Jueces 8:5

Ax yic xc'och eb' 'a Sucot, 'ix yaln Gedeón chi 'ixtc 'a eb' 'aj lugar cha: —Comnoc wal tz'el 'a e c'ojl e siyn jac tas tzc'ux eb' ajun wet' tic, yujto caw tz'el yip eb' yuj c'unb'lal, to tzqui pech eb' sreyl eb' madianita on̈, atn win Zeba yet' win Zalmuna, xchi.