Jueces 8:5 - Chuj San Sebastian Bible

⁵ Ax yic xc'och eb' 'a Sucot, 'ix yaln Gedeón chi 'ixtc 'a eb' 'aj lugar cha: —Comnoc wal tz'el 'a e c'ojl e siyn jac tas tzc'ux eb' ajun wet' tic, yujto caw tz'el yip eb' yuj c'unb'lal, to tzqui pech eb' sreyl eb' madianita on̈, atn win Zeba yet' win Zalmuna, xchi.

Chuj San Mateo Bible

⁵ Ayic ix c'och eb' vin̈ d'a Sucot, ix yalan vin̈aj Gedeón chi' d'a eb' cajan ta' icha tic: —Comonoc tz'el d'a e c'ool, tzeyac' jab'oc tas sva eb' vin̈ ajun ved' tic, yujto tz'el yip eb' vin̈ yuj vejel, yujto ayon̈ och d'a spatic vin̈aj Zeba yed' vin̈aj Zalmuna, aton eb' vin̈ sreyal eb' madianita, xchi vin̈.

Jueces 8:5 Iomraidhean Croise

Gn 14:18

Ax Melquisedec, sreyl Salem ya'mal pax 'och sti eb' 'anma 'a Dios, atn Dios to Cojxn Niwn Yel'chi, 'ix yac' pan yet' yal uva 'a Abram.

Gn 33:17

Ax win Jacob, ata xjawcn cajn win 'a jun lum 'a'lic. Ata sb'o chan̈ smantiado, sb'on pax chan̈ jun tzo'n̈ cotc pat, 'a 'ajtil tz'och scajb'en noc', yuj cha, xya'n sb'ic jun lugar chi Sucot.

Salmos 60:6

A Dios 'ix ta'w cot 'a scajnub', 'ix yaln 'ixtic: Caw tzaljc'ojlal 'oj in pojc' lum Siquem yet' lum span̈nil Sucot.

Dt 23:4

yujto a yic on̈ 'e't 'a sat slum eb', yic on̈ 'eltec 'a lum Egipto, ma'ix yac' xon eb' cu'c jac ya'al, may xon pax jac tas xyac' eb' qui c'uxu'. A yic eb', to 'ix stoj eb' Balaam win yunnal Beor, win cotnc 'a lum Petor 'a yol yic Mesopotamia, yic tzon̈ wul scatb'tzanec.

Jueces 5:23

Ax jun yángel Jehová xaln 'ixtic: Jaw cab' scatb' Jehová 'a yib'n̈ chon̈b' Meroz, yet' 'a yib'n̈ smasnil eb' 'anma cajn 'a 'a, yujto ma'ix 'och eb' yet' Jehová yic xya'n owal, 'icha xyac' jun tzo'n̈ xo eb' soldado ma'ix xiwi, xchi.

Jueces 8:10

Ax win Zeba yet' Zalmuna, ata 'ayc' eb' 'a lum Carcor yet' olajn̈e mil soldado eb'. Cojxn eb' chi xcan scham 'a owal, yujto 'ayx 120 mil eb' tox xchami.

Jueces 8:12

'Ix 'at win Zeba yet' win Zalmuna 'eloc, palta ax Gedeón, 'ix 'at yet' eb' soldado 'a spatc eb'. 'Ix yamchj ewin yuj eb', ax eb' soldado ewin cha, caw wal sactzic eb'.

Jueces 8:15

Ax yic xc'och Gedeón 'a Sucot, 'ix yaln 'ixtc 'a eb' 'aj chon̈b' cha: —A ticnec, yaj win Zeba yet' Zalmuna, atn yuj ewinac in e b'uchni yic xcob' in c'annc jac tas tzc'ux ewin in soldado 'ayex, yic caw 'ay swejl eb'. Xeyaln 'ayn 'ixtic: ¿Tom tox xe yam ewinac, yuj cha, ax ca'n tas tzc'ux eb' a soldado cha? xe chi 'ayin. Ax ticnec yaj ewinac, xchi Gedeón.

A Ch'an̈ B'ab'el Libro Samuel 25:18

Yajn̈j wal cha, xya'n 'ix Abigail chi 'ijxoc cot chab' ciente 'ixm pan, yet' chab' tz'um 'aj 'ay 'ejm yal uva, own̈ no b'olb'il calnelu, o'e 'echtab' 'ixm sat trigo c'an yaj sb'olxi, jun ciente c'ojlab' tacn̈ uva, yet' pax chab' ciente pachn̈ te tacn̈ higo. Yajn̈ej xya'n 'ajxoc 'och 'a yib'n̈ jun tzo'n̈ no b'uru,