Jueces 8:30 - Chuj San Sebastian Bible

³⁰ Til wal yunnal win x'elcni. 'Ay 70 eb' 'a smasnil, yujto niwn eb' 'ix 'ix yijnac winac.

Chuj San Mateo Bible

³⁰ Tzijtum eb' vin̈ yuninal vin̈, 70 eb' vin̈ d'a smasanil, yujto tzijtum eb' ix ix, ix yic' vin̈.

Jueces 8:30 Iomraidhean Croise

Gn 2:24

Yuj cha, a eb' winac, yowlal tzyactj can eb' smam snun, sec junxn̈ej tz'ajcn eb' yet' yistzil, 'icha wal to junxn̈ej niwnal tz'ajcn eb' schawn̈il.

Gn 46:26

'Ay 66 eb' yin̈tl win Jacob 'a smasnil, atn eb' tic ajun yet'oc yic xc'och win 'a Egipto; atn wal jun tzo'n̈ yin̈tl win tic, chuc pax yaj eb' 'ix yalb' winac.

Gn 7:7

'Ix 'och win 'a yojl te barco yet' yistzil, xyi'n 'och eb' yunnal yet' pax eb' yalib', yuj scolchj eb' 'a jun niwquil owl yaxn̈ab' cha.

A Ch'an̈ B'ab'el Libro Yic Yab'ixal Eb' Rey 11:3

'Ix juw snab'en win yuj eb' 'ix. 'Ay uque ciente eb' 'ix yistl win cha. A eb' 'ix cha, yisl ewin rey eb' 'ix smasnil. 'Oxe ciente eb' 'ix schab'l 'istl winac.

A Ch'an̈ Schab'il Libro Yic Yab'ixal Eb' Rey 10:1

'Ay 70 eb' yunnal Acab 'aycn 'a chon̈b' Samaria; 'ix stz'ib'j 'at Jehú jun sb'ab'l carta 'a eb' syajlil chon̈b' cha, yet' pax 'a eb' yichm wincal chon̈ab', yet' pax 'a eb' yilmal eb' yunnal Acab. 'Ix yaln 'at 'a ch'an̈ carta chi 'ixtic:

Ex 1:5

'Ay 70 sb'isl smasnil eb' yin̈tl Jacob ajun yet'oc yic xc'och 'a Egipto, al pax win José, 'ayc' xon win ta'.

Malaquías 2:15

¿Tom man̈oc Dios 'ix 'a'n e mojc e b'a sec junn̈j niwnal tzex 'ajcni, yet' junn̈j pax espíritu 'aych 'ayex? ¿Tas snab'en Dios yuj cha, 'ixta xyutj tze na'a? 'Ixta xyutej, sec a eb' eyunnal, yic pax tz'aj eb'. Yuj cha, tan̈wjec e b'a, man̈ eyac' sat e c'ojl 'a e ti eya'jnac 'a eyistzil eyijnac e b'a yet' 'a yic quelmal.

Dt 17:17

An̈jtona', man̈ niwnoc cab' yistl win tzyi'aj, sec ma'oj juwc snab'en win yuj eb' 'ix. Man̈ niwnoc cab' q'uen oro, mto q'uen plata tzyamb'tzej.

Jueces 10:4

A win Jair cha, 'ay lajn̈schawinc yunnal. A eb' yunnal win cha, 'ayn̈j sb'uru junjn eb', yib'n̈ b'uru chi tz'ec' eb'. 'Ay pax junjn schon̈b' eb' 'a yol yic Galaad cha. A lajn̈schawinc chon̈b' cha, an̈ja yalx yuj eb' 'ixtic: A Eb' Lum Schon̈b' Can Jair, xchi.

Jueces 12:14

A win cha, 'ay chawinc yunnal, 30 yixchiquin. 'Ay sb'uru junjn eb', yib'n̈ b'uru chi tz'ec' eb'. Wajxque ab'il 'ix yac' win yajlil.

Jueces 12:9

A win cha, 'ay 30 yunnal, 30 pax yisil. A eb' yisl win cha, xlaj yij sb'a eb' 'ix yet' ewin chuc chon̈b'al may yuj sb'a yet'oc. 'Ixta pax ewin 'unnab'il cha, 'ix yij sb'a ewin yet' eb' 'ix 'ix may yuj sb'a yet'oc. Uque ab'il 'ix yac' win yajlil.

Jueces 8:31

'Ay pax jun schab'l 'istzil win 'ay 'a chon̈b' Siquem. 'Ix 'alj jun yune 'ix yet' winac, xya'n sb'ic Abimelec.

Jueces 9:1

A win Abimelec yunnal can Gedeón, 'ix 'at 'a Siquem yic tz'at sc'umnoc eb' yican snun, xyaln 'a eb' 'ixtic:

Jueces 9:18

Ax xo tic, ex 'och 'ajc'ojlal 'a eb' yunnal in mam, xe ma'n cham 70 eb' yunnal cha, junn̈j q'uen q'uen 'aj xe mil eb'. Xlajw cha, xeya'n 'och Abimelec e reyloc, atn win yune 'ix schab'l 'istzil in mam, cojn to yuj eyican e b'a yet'oc, yuj cha, xeya'n 'och e reyloc.

Jueces 9:2

—Yujto wican to in b'a eyet'oc, yuj cha, tzin tew 'och wal 'ayex, to tze montj eb' 'aj Siquem tic smasnil, tze c'anb'n 'a eb' 'ixtic: ¿Tom wach' tzeyab'i to smasnil eb' 70 yunnal Gedeón 'oj yac' eb' yajlil 'a quib'n̈ec, mto wach' to cojn junc win tz'och qui yajliloc? xe chi 'a eb'. Ax xo tic, tze na cot nab'an to caw junn̈j to win̈tl eyet'oc, xchi 'a eb'.

Jueces 9:5

'Ix c'och eb' 'a 'aj 'ay yatut smam chi 'a Ofra, axta sma' cham eb' yu'tac cha, atn eb' 70 'aycn 'a yatut win Gedeón cha. A 'a yib'n̈ jun q'uen q'ue'en, ata sma' cham win eb'. Cojxn wal jun win 'ix stac' sc'ub'n 'el sb'a, atn win slajb' 'unn tzcuch Jotam.