Jueces 8:27 - Chuj San Sebastian Bible

²⁷ Sb'on Gedeón jun yechl 'a q'uen oro yic tznan 'el junc tas, ax 'a schon̈b' Ofra, ata xcan jun yechl chi yu'uj. Ax smasnil eb' yit chon̈b' cha, 'ix spatquiln can 'el eb' Jehová yuj jun yechl cha, axta xyal sb'a eb' 'a 'a. A jun chi 'ix jun 'el snab'en Gedeón yet' eb' yunnal.

Chuj San Mateo Bible

²⁷ A yed' juntzan̈ q'ueen chi' ix sb'o jun yechel vin̈aj Gedeón chi', ix yac'ancan vin̈ d'a schon̈ab' scuch Ofra. Ix spatiquejel Jehová eb' israel, axo d'a jun yechel chi' sc'anb'ej sb'a eb'. Yuj chi' ix cotcan d'a yib'an̈ vin̈aj Gedeón chi' yed' yin̈tilal.

Jueces 8:27 Iomraidhean Croise

Salmos 106:35

A yic eb' to scalj sb'a eb' yet' eb' chuc chon̈b'al cha. 'Ix sb'eylb'an eb' sb'eyb'al eb',

Salmos 106:39

'Ixta xyutj eb' sjun 'el sb'a, 'ix laj 'och eb' 'ajmulal yuj tas xlaj sb'o cha.

Salmos 73:27

A eb' tzyij 'el sb'a 'a a tz'ey Mamin, 'oj cham eb'. A eb' man̈ yiclumoc 'ayach, 'oj a satl eb'.

Ex 23:33

May cab' eb' tzcan eyet' 'a yol e chon̈ab', sec wach' ma'oj ex sjucb'tzoc eb' 'a tas maysch'olnil 'a in sat. Palta toto tzeyac' servil sdiosal eb' cha, wal yel mun wal ax tzeyixtj 'el e b'a, xchi Dios 'a Moisés.

Ex 32:4

Schan 'ec' jun tzo'n̈ q'uen cha, xya'n 'ulb'xoc 'a scal c'ac'. Syamn 'och stenn tojlb'oc, masnto 'ix b'o 'icha yechl junc quelm wacax. Xyiln eb' 'anma cha to xb'o 'el'chi, xyaln eb' 'ixtic: Ex quit israelal, atn jun qui diosalec tic on̈ 'i'nec 'elt 'a Egipto, xchi eb'.

Ex 34:16

Man̈ eyac' yi' sb'a eb' eyunnal yet' yisl eb', yujto a yic tzlaj ya'noc 'ejm sb'a eb' 'ix 'a sdiosal cha, yic tzleslwi eb' 'a 'a, ax eb' 'ix tz'a'n yac' 'ejm sb'a eb' eyunnal chi 'a jun tzo'n̈ comn dios cha, sec tzleslwi eb' 'a jun xo.

Is 8:20

Tze say eyila', tas xchi ley yet' spaxti Dios, xe chi 'a eb'. Toto 'oj yal eb' 'icha jun tzo'n̈ tzwal tic, toto 'ixta', 'icha to scal q'uic'q'uinl to 'ayc' eb', mant 'a sacq'uinl 'a spixn eb'.

Ez 7:20

Yujto 'ay jun tzo'n̈ chi 'ay 'a eb', xlaj sb'an̈n sb'a eb' yet'oc, ax yet' jun tzo'n̈ chi sb'o eb' yechl jun tzo'n̈ comn dios yajb'entac. Yuj cha, 'icha xoj c'alem, 'ixta 'oj wutcan jun tzo'n̈ q'uen chi yil eb'.

Os 2:2

'Ix yaln Jehová 'ayin to an tzwa'ch in b'a ch'oxnb'ilal yet' eb' wunnal yet' pax snun eb', yuj cha, xwaln 'ixtic: —Wach'xam a e nun cha, man̈x wistziloc, man̈x in yichmilc paxi, palta alc 'a 'a, man̈x cab' ya'ch sb'a 'ajmulal, tzyactn can pax 'ix eb' winc nib'b'il yuj cha.

Os 3:4

'Ixta pax eb' wit israelal, to najtl tiempo 'oj can eb' 'a may sreyal, may syajlil eb' tztan̈wni, man̈x 'a xajmb'al eb' 'oj yac' 'a Dios, man̈x 'a eb' q'uen q'uen wach' yilx tzsay eb', man̈x 'a te spichl eb' ya'mal 'och sti eb' 'a Dios tzb'o'o, man̈x 'a pax yechl junc comn dios 'ayc' 'a yol yatut junjn eb'.

Dt 12:5

A 'a scal eb' eyin̈tl ax tic, ata 'oj si'l Jehová jun lugar 'aj 'oj b'inaxc sb'i, atn 'a jun lugar chi 'aj smoj 'at eya'nc 'ejm e b'a.

Dt 7:16

Yuj cha, a smasnil chon̈b' 'oj yac' Jehová qui Diosal 'a yol e c'ab', yowlal tze satl eb' smasnil. Man̈ 'o'ch e c'ojl 'a eb', man̈ eyac' 'ejm e b'a 'a sdiosal eb', toto ma'ay, 'icha ch'an̈ yal 'oj 'ajch 'ayex.

Dt 7:25

A sdiosal eb' 'anma cha, c'uxn tze n̈ustz'a'oc, palta man̈ eyi'cn q'uen oro yet' q'uen plata 'aych 'a 'a. Man̈ e nib'c' 'ochi. To ma'ay, a jun chi 'oj 'och e mulc 'a Jehová, ax e juw 'el yu'uj.

Jueces 17:5

'Ixta 'ix 'aj yatut Micaía yoch yatutoc comn dios. 'Ix ya'n win b'o jun chaleco yic eb' ya'mal 'och sti eb' 'anma', yet' jun tzo'n̈ xo yechel. 'Ix ya'n pax 'och win junc eb' yunnal ya'malc 'och sti' eb' 'anma 'a sdiosal cha.

Jueces 18:14

Ax eb' own̈ xit'nc 'ilj lum chi 'a yol yic Lais, 'ix yaln eb' 'a eb' yitb'eym chi 'ixtic: —Sictac tzex 'aji, 'ab'ec, a 'a yojl jun n̈a tic, ata 'ay jun chaleco, yet' jun tzo'n̈ yechl comn dios, yet' pax jun yechl tzeyb'il 'aych plata 'a 'a. ¿Tas 'oj cutquec qui b'a yet' tze na'a? xchi eb'.

Jueces 18:17

Ya' sb'a 'ayc' jun ya'mal 'och sti eb' 'anma chi 'a sti puerta yet' eb' waque ciente soldado cha, ax eb' own̈ 'ilm lum cha, 'ix b'ab'l 'och eb' 'a yol n̈a. 'Ix yi'n 'elt eb' jun yechl to tzeyb'il cha, jun chaleco cha, yet' jun tzo'n̈ xo yechel.

Jueces 2:2

toto may b'a'n̈ tze b'o junc e trato yet' eb' 'anma cajn 'a jun lum tic. A eyico', to tze satl jun tzo'n̈ yet'l xajmb'al eb', xin chi 'a eb'. Palta ax tic, ma'ix eyiclj tas xwala. ¿Tas yuj tennmtac xe yutj e b'a?

Jueces 2:3

Yuj cha, tzwaln pax 'ayx ticnec: Ma'oj wi'l eb' chon̈b' chi 'a eyojltac. 'Oj 'och eb' 'ajc'ojlal 'ayex; ax sdiosal eb', 'icha ya'al, 'ixta 'oj 'ajcn eb' 'ayex, xchi 'a eb'.

Jueces 6:11

'Ay jun c'ual 'ay jun yángel Jehová 'ix 'emli, axta x'em wocn 'a yich jun te mach' 'ay 'a Ofra. A jun lum cha, yic win Joás yin̈tl Abiezer. 'Ay pax jun yunnal win tzcuch Gedeón. A Gedeón cha, wan schayw trigo 'a c'ultaquil, sec matz yilsb'a eb' madianita 'a 'a. A 'aj tzte'x 'el yal uva, ata tzchayw trigo cha.

Jueces 6:24

Xlajw cha, 'ix sb'on chan̈ Gedeón jun yet'l xajmb'al yic tzyi'n chan̈ sb'i Jehová. Xya'n can scuch: A Jehová 'Ac'm Junc'ojlal, xchi. A jun yet'l xjamb'al tic, ata xcan 'a Ofra 'a yol yic eb' yin̈tl Abiezer.

Jueces 8:26

Ax yic x'echtax q'uen oro xyac' eb' cha, 'ay 38 libra yalil. Chuc yaj pax jun tzo'n̈ xo q'uen q'uen wach' yilxi, yet' jun tzo'n̈ te pichl púrpura yic sreyl eb' madianita cha, yet' jun tzo'n̈ xo tas 'aych yelwnub'loc sjaj no scameyo eb'.

Jueces 8:28

'Ixta x'aj yochcn eb' madianita schecb'oc eb' israel cha, man̈x 'a 'aj xya'lj eb' scoln sb'a. Chawinc ab'il xcan eb' israel 'a junc'ojlal yic 'ayc' Gedeón chi yet' eb', man̈x 'a owl x'och 'a jun lugar cha.