Jueces 8:26 - Chuj San Sebastian Bible

²⁶ Ax yic x'echtax q'uen oro xyac' eb' cha, 'ay 38 libra yalil. Chuc yaj pax jun tzo'n̈ xo q'uen q'uen wach' yilxi, yet' jun tzo'n̈ te pichl púrpura yic sreyl eb' madianita cha, yet' jun tzo'n̈ xo tas 'aych yelwnub'loc sjaj no scameyo eb'.

Chuj San Mateo Bible

²⁶ A jantac q'uen oro ayoch d'a q'uen uchiquin chi', ay am 40 libraoc yalil q'ueen. Ch'oc pax yaj juntzan̈xo q'uen q'ueen vach' yilji yed' yelvanub' yed' c'apac spichul eb' vin̈ sreyal madianita yed' pax q'uen q'ueen ayoch yelvanub'oc sjaj noc' scamello eb' vin̈.

Jueces 8:26 Iomraidhean Croise

Ester 8:15

A yic x'elt win Mardoqueo 'a yol despacho, 'aych spichl yic yopiso yu'uj, q'uic'mucnac yet' sac, 'icha yic eb' rey. 'Ay q'ue jun niwquil corona nab'a oro 'a sjolom, 'aych pax junx spichl nab'a lino, chacmucnac yilxi. A yic cha, smasnil eb' 'anma cajn 'a yol chon̈b' Susa, caw 'ix 'awj chan̈ eb' yuj tzaljc'ojlal.

Pr 31:22

Mun tzb'o 'ix sc'u tzc'u'ej; a wal pichl caw wach' a tzya'chi, tzb'o 'ix yet' te ch'al púrpura mto lino.

Is 3:18

A 'a jun c'u cha, c'uxn 'oj yi'cn 'el Dios jun tzo'n̈ tas 'aych yelwnub'loc sniwnal eb' 'ix 'ix cha: Atn jun tzo'n̈ 'aych 'a yoc eb', 'a sjolm eb' yet' 'a sjaj eb': q'uen ton̈, q'uen yumchiquin, q'uen brazalete, spotl sjolm eb', eb' q'uen cotc cadena tz'och 'a sjaj yoc eb', sjal-l snan̈l eb', sq'uenal sjolm eb', sperjuma eb', q'uen colc'ab', q'uen 'icha yumchicn tz'och 'a sn̈i eb', pichl caw wach' yilxi, spotl eb', scamx eb', spichl eb' 'ay sb'olsail, q'uen nen, pichl caw tzlab'b'i, sc'oxl sjolm eb', yet' sjal-l sjolm eb'.

Jeremías 10:9

A jun tzo'n̈ yechl cha, nab'a plata, ata 'ic'b'il cot 'a Tarsis, ax q'uen oro, ata 'ijxnac cot q'uen 'a Ufaz. A jun tzo'n̈ cha, b'ob'il eb' yuj eb' tenm q'ue'en, ax te q'uic'mucnac nip yet' te chac yilxi, a te 'aych spichloc, smasnil jun tzo'n̈ cha, b'ob'il eb' yuj eb' 'anma jeln snab'en sb'on jun tzo'n̈ tas.

Ez 27:7

A mantiado 'ay q'ue sma'lab'ilc 'ic', linon̈ej smasnil, a 'aych pax sbanderailc eb' te barco cha. Wach' yajch yelwnub'l sti', yujto ata b'ob'il 'a Egipto. Ax te nip 'ay q'ue yen̈loc eb' 'anma cha, nan̈l q'uic'mucnac, nan̈l pax chac yilxi, ata b'ob'il cot 'a chon̈b' Elisa.

Lc 16:19

A 'a jun 'el, 'ay jun winc caw rico, caw wach' yaj yet' jun tzo'n̈ spichl caw chan̈ stojol. Ax 'a junjn c'u til wal tas caw wach' tzc'ux winac, tzcot ch'ucn 'a yojltac.

Jn 19:2

Xlajw cha, ax ewin soldado, 'ix spalch'ab'n ewin jun q'ui'ix, setn xoj xyutj ewinac. 'Ix ya'n q'ue ewin 'a sjolm Jesús scoronaoc. 'Ix ya'n pax 'och ewin jun q'uic'mucnac pichl 'a 'a, 'icha yic eb' rey.

Jn 19:5

'Ixta to b'i'an, 'ix 'elt Jesús 'a sti'. An̈ja 'ay q'ue jun q'uix chi 'a sjolom, yet' jun q'uic'mucnac pichl cha. Ax win Pilato cha, 'ix yaln pax 'elt win 'ixtc 'a eb': —Yaj winac, xchi.

Apoc 17:4

Ax spichl jun 'ix cha, q'uic'mucnac yet' chac. Til wal jun tzo'n̈ q'uen tzictzni yilx 'aych 'a 'ix. 'Ay oro, 'ay jun tzo'n̈ perla, yet' jun tzo'n̈ xo q'uen caw chan̈ stojl 'aych 'a 'ix. Yamb'il jun vaso nab'a oro yuj 'ix. B'ut'n yet' jun tzo'n̈ tas yajb'il yuj Dios, atn jun tzo'n̈ yajmulal 'ix cha.

Apoc 18:12

Yaj wal sb'isl jun tzo'n̈ schon̈ eb' tic: oro, plata, jun tzo'n̈ q'uen chan̈ stojol, perla, jun tzo'n̈ nip caw wach', lino yet' sera nip, jun tzo'n̈ nip q'uic'mucnac yet' chac, smasnil te te su'q'ui sjab', smasnil jun tzo'n̈ tzb'o yet' marfil, bronce, hierro, yet' q'uen mármol.

Apoc 18:16

'Oj laj yal eb' 'ixtic: ¡'Ay, 'ay, 'oltac wal jun niwquil chon̈b' tic! Lajn 'icha junc 'ix caw a'ijn cob' spichl 'aychi. 'Ay q'uic'mucnac, 'ay chac. Til wal q'uen oro 'aych 'a 'a, 'aych pax jun tzo'n̈ xo q'uen chan̈ stojol, yet' jun tzo'n̈ perla sb'i.

Jueces 8:21

Yuj cha, xyaln win Zeba yet' Zalmuna 'a Gedeón 'ixtic: —Cotn̈ ach tic, ach wal tztac' on̈ a milni. Yujto ach tic, 'ojcab'il ach, to matz 'ach xiwi, caw 'ay a te'nal, xchi eb' 'a 'a. 'Ix cot Gedeón, smiln eb' rey cha, xyi'n 'ec' jun tzo'n̈ yelwnub'l sjaj scameyo ewin 'aychi.

Jueces 8:25

'Ix ta'w eb' israel chi 'ixtic: —Yet' smasnil qui c'ojol ax ca'n jun tzo'n̈ tic 'ayach, xchi eb'. 'Ix slich'n 'ejm eb' jun nip 'a sat lu'um, ax 'a yib'an̈, ata xyac' 'ejm eb' jun tzo'n̈ oro cha.

Jueces 8:27

Sb'on Gedeón jun yechl 'a q'uen oro yic tznan 'el junc tas, ax 'a schon̈b' Ofra, ata xcan jun yechl chi yu'uj. Ax smasnil eb' yit chon̈b' cha, 'ix spatquiln can 'el eb' Jehová yuj jun yechl cha, axta xyal sb'a eb' 'a 'a. A jun chi 'ix jun 'el snab'en Gedeón yet' eb' yunnal.