Jueces 8:21 - Chuj San Sebastian Bible

²¹ Yuj cha, xyaln win Zeba yet' Zalmuna 'a Gedeón 'ixtic: —Cotn̈ ach tic, ach wal tztac' on̈ a milni. Yujto ach tic, 'ojcab'il ach, to matz 'ach xiwi, caw 'ay a te'nal, xchi eb' 'a 'a. 'Ix cot Gedeón, smiln eb' rey cha, xyi'n 'ec' jun tzo'n̈ yelwnub'l sjaj scameyo ewin 'aychi.

Chuj San Mateo Bible

²¹ Ix yalan vin̈aj Zeba yed' vin̈aj Zalmuna d'a vin̈aj Gedeón chi' icha tic: —Cotan̈ ach tic, a ach lac'an tzon̈ a milchamoc, yujto ojtacab'ilxo to max ach xivi, ac'um oval ach paxi, xchi eb' vin̈. Ix q'ue jucnaj vin̈aj Gedeón chi', ix smilancham chavan̈ eb' vin̈ rey chi' vin̈. Axo juntzan̈ q'uen q'ueen ayoch yelvanub'oc sjaj noc' scamello eb' vin̈, ix yiq'uel q'ueen vin̈.

Jueces 8:21 Iomraidhean Croise

Salmos 83:1

Ach in Diosal man̈ ach can 'a sictaquil, man̈ ach 'och wa'an.

Salmos 83:11

'Icha 'ix otj Oreb, Zeeb, Zeba yet' Zalmuna, 'ixta tzotj eb' yajl yaj 'a scal eb' cha,

Salmos 83:12

yujto cob' xyal eb' 'ixtic: 'Oj 'och lum slum Dios quicooquec, xchi cob' eb'.

Is 3:18

A 'a jun c'u cha, c'uxn 'oj yi'cn 'el Dios jun tzo'n̈ tas 'aych yelwnub'loc sniwnal eb' 'ix 'ix cha: Atn jun tzo'n̈ 'aych 'a yoc eb', 'a sjolm eb' yet' 'a sjaj eb': q'uen ton̈, q'uen yumchiquin, q'uen brazalete, spotl sjolm eb', eb' q'uen cotc cadena tz'och 'a sjaj yoc eb', sjal-l snan̈l eb', sq'uenal sjolm eb', sperjuma eb', q'uen colc'ab', q'uen 'icha yumchicn tz'och 'a sn̈i eb', pichl caw wach' yilxi, spotl eb', scamx eb', spichl eb' 'ay sb'olsail, q'uen nen, pichl caw tzlab'b'i, sc'oxl sjolm eb', yet' sjal-l sjolm eb'.

Josué 10:26

Xlajw cha, xya'n Josué milxoc eb' rey cha, 'ix ya'n t'un̈xoc q'ue eb' 'a sc'ab' te', junjn te te chi 'aj xq'ue t'un̈n junjn eb'. 'Ix cann̈j eb' ta', masnto 'ix 'em c'u.

Apoc 9:6

A wal 'a jun tiempoal cha, 'oj cob' sayc' eb' 'anma tas tz'aj schami, palta toxn man̈x 'oj chax yuj eb'. Wach'xam caw 'oj snib'c cham sb'a eb', palta man̈x 'oj stac' scham eb'.

Jueces 15:12

—An̈ tic on̈, tzon̈ jaw wul ach qui jal on̈, ax ach ca'n 'och 'a yol sc'ab' eb', xchi eb' 'a winac. 'Ix yaln Sansón 'a eb' 'ixtic: —'A'c e ti 'ayn 'an, toto yel matz in e mil chamoc, xchi 'a eb':

Jueces 8:20

Xlajw cha, xyaln 'ixtc 'a Jeter, atn win sb'ab'l 'unnal: —Cotan̈, mil ewin tic, xchi 'a 'a. Palta ax win quelm cha, 'ix xiw win smiln ewinac, yujto caw quelm 'unn to winac.

Jueces 8:22

Xlajw cha, xyaln eb' israel chi 'ixtc 'a Gedeón: —A ticnec, ach tzach 'och qui yajliloc yet' eb' en̈tl b'aq'uin̈, yujto on̈ a col 'elt 'a yol sc'ab' eb' madianita, xchi eb' 'a 'a.

Jueces 8:26

Ax yic x'echtax q'uen oro xyac' eb' cha, 'ay 38 libra yalil. Chuc yaj pax jun tzo'n̈ xo q'uen q'uen wach' yilxi, yet' jun tzo'n̈ te pichl púrpura yic sreyl eb' madianita cha, yet' jun tzo'n̈ xo tas 'aych yelwnub'loc sjaj no scameyo eb'.

Jueces 9:54

Yajn̈j wal cha, 'ix yawtn cot Abimelec jun win quelm soldado tztan̈wni 'a owal, xyaln 'a win 'ixtic: 'Ij q'uet a espada chi 'a yol yatut cha, tzin a tzu'n cham muc'uc. Matz in nib'j to 'oj alxoc, to 'ix tzin milni, xchi winac. 'Ix stecn 'och win quelm chi yespada 'a sn̈i sc'ojl winac, 'ix chami.

A Ch'an̈ B'ab'el Libro Samuel 31:3

Palta caw 'ix 'ochn̈j tza'n eb' yuj Saúl. Ax 'ix 'aji, xyamchj Saúl chi sjuln eb' yet' sjul-lab', caw niwquil x'aj slajwi.

A Ch'an̈ B'ab'el Libro Samuel 31:5

Ax yic xyiln win ajun yet' cha, to xcham Saúl, yuj cha, 'ix sjuln pax 'ejm lachn̈joc sb'a win 'a yib'n̈ yespada chi jun xo, 'ix cham pax win yet' win rey cha.