Jueces 8:10 - Chuj San Sebastian Bible

¹⁰ Ax win Zeba yet' Zalmuna, ata 'ayc' eb' 'a lum Carcor yet' olajn̈e mil soldado eb'. Cojxn eb' chi xcan scham 'a owal, yujto 'ayx 120 mil eb' tox xchami.

Chuj San Mateo Bible

¹⁰ Axo d'a Carcor ayec' vin̈aj Zeba yed' vin̈aj Zalmuna chi', 15 milto eb' soldado madianita ayec' yed' eb' vin̈. Axon̈ej eb' chi', yujto 120 mil eb' toxo ix chami.

Jueces 8:10 Iomraidhean Croise

A Ch'an̈ Schab'il Libro Yic Yab'ixal Eb' Rey 3:26

A yic 'ix yiln sreyl chon̈b' Moab, chajtlto 'ix 'ajx ganar eb' yuj owal, 'ix yi'n cot uque ciente eb' soldado to jeln ya'n owl yet' espada, 'ix sjacn eb' jun b'e 'aj 'ayc' sreyl chon̈b' Edom snani, palta ma'ix stac' yuj eb'.

2 Cr 13:17

A Abiam yet' eb' soldado, caw niwn 'anma 'ix smil cham eb', o'e ciente mil eb' israel xcham yuj eb', atn eb' to sic'b'il 'eli.

2 Cr 28:6

A eb' soldado win Peka, sreyl Israel, yunnal Remalías, junn̈j c'u smil cham eb' jun 120 mil soldado 'aj Judá, eb' caw tec'an, yujn̈ej to xyactjcan eb' Jehová, atn sDiosal eb' yet' smam yicham.

2 Cr 28:8

An̈jtona', wach'xam yit chon̈b' sb'a eb' yet' eb' israel, palta a eb' israel, 'ix 'yij 'at eb' chab' ciente mil eb' 'aj Judá 'icha presoal 'a Samaria. Til wal eb' 'ix 'ix, eb' winc 'unin, yet' eb' 'ix 'unn xyij 'at eb', til to wal pax tas xyij 'at eb'.

Is 37:36

Ax jun yángel Jehová, a xmiln cham 185 mil eb' soldado asirio 'a scamplamento, ax yic sacb'el 'a junx c'u cha, chamnc xo eb' soldado chi smasnil.

Is 9:4

Yujto ach 'ix a satl jun chon̈b' 'ix 'i'n 'at eb' a chon̈b' tic 'a 'icha presoal, eb' x'a'n 'och yailal 'a eb' a chon̈ab'. Ach 'ix a satl eb' 'icha 'ajnc satl eb' 'aj Madián 'a yic pecti'.

Jueces 20:15

'Ay waqueschawinc mil eb' soldado xcot 'a smasnil eb' chon̈b' 'ay 'a yol smacb'en eb' yin̈tl Benjamín. Lista xo yaj eb' yet' syamc'ab' yic owal. Chuc pax eb' uque ciente soldado sicb'ilx 'eli, to caw wal jelan, 'aj Gabaa eb'.

Jueces 20:17

Ax pax 'a jun tzo'n̈ xo eb' israel cha, 'ay chan̈e ciente mil eb' soldado caw jeln 'a owal, lista xo yaj eb' yet' syamc'ab', yic tzya'n eb' owl yet' eb' yic Benjamín.

Jueces 20:2

Smasnil eb' yajl yaj 'a junjn 'in̈tal eb' israel atn eb' schon̈b' Dios syam sb'a cha. 'Ay chan̈e ciente mil eb' soldado lista xo yaji, yet' eb' syamc'ab' yic owal.

Jueces 20:25

An̈jtona', a 'a scha'ejmal cha, 'ix 'el paxt eb' yic Benjamín yac' owl yet' eb', smiln cham eb' junx wajxclajn̈e mil eb' soldado israel.

Jueces 20:35

A Jehová 'ix 'a'n yac' ganar eb' israel 'a yib'n̈ eb' yic Benjamín. Ax xyiln cot sb'a eb' yin̈tl Benjamín, chajtlto tox 'ix 'ajx ganar eb'. 25,100 eb' soldado xcham yuj eb' israel. A 'a b'ab'el a eb' soldado israel 'ix 'at 'elc 'a eb' yic Benjamín cha. Najt 'ix 'at eb' 'eloc yujto 'a eb' soldado sc'ub'j can 'el sb'a 'a spatquil Gabaa 'a eb' yipc'ojlal yaj yuj eb'.

Jueces 20:46

A sb'isl eb' soldado yic yin̈tl Benjamín 'ix cham 'a jun c'u cha, o'eschawinc mil eb', eb' caw jeln ya'n owal.

Jueces 6:5

Yujto yet' eb' smantiado tzc'och eb', yet' eb' swacax, man̈x yalnb'ilc scameyo eb' yet'i. Man̈xtzac b'ischj eb' yet' scajb'en noc', 'icha wal sb'ey tob'tnoc no c'ulub', 'ixta sb'ey eb' yic xc'och eb' 'at satl sb'al lum lum cha.

Jueces 7:12

A eb' madianita cha, eb' amalecita yet' jun tzo'n̈ xo eb' cajn 'a stojlal 'aj tzq'uel c'u, 'ix puc eb' 'a lum pan̈n 'a'lic chi 'icha no c'ulub'. Til wal scameyo eb', man̈x b'ischjb'enoc e no 'icha yarenail sti a mar.

Jueces 7:13

Ax yic xc'och Gedeón 'a sti smantiado eb' 'ajc'ojl cha, 'ix yab'n yaln jun win soldado chi swaych 'a junx win yitb'eym cha, xyaln win 'ixtic: —'Ix in waychej wal scot setsnoc jun 'ixm pan cebada 'a pa'n q'ue cha, ax wal 'a stojlal qui camplamento tic xjawi. 'Ix stenn 'och sb'a 'a jun mantiado tic, sma'n ch'iychjoc, 'ix 'em lan̈njoc yu'uj, xchi winac.

Jueces 7:22

Ya' sb'a tzyutz'j eb' 'oxe ciente israel chi scacha, ax eb' soldado madianita cha, 'ix ya'n Jehová somchjoc eb'. Mun a eb' xlaj smil cham sb'a 'a scamplamento cha. 'Ay pax eb' xlaj 'at 'eloc, masnto xc'och eb' 'a Bet-sita 'a stojlal cot Serera, 'a sti smon̈jonal lum Abel-mehola 'a stz'ey Tabat.

Jueces 8:11

Ax Gedeón yet' eb' soldado, 'ix c'och 'a 'aj 'ay scamplamento jun tzo'n̈ eb' 'anma chi 'a stojlal 'aj tzq'uel c'u 'a cusltac lu'um, atn 'a chon̈b' Noba yet' Jogbeha. 'Ix ya'n ganar eb' jun owl cha, yujto satc'ojlal yaj eb' soldado madianita yic xc'och eb'.