Jueces 7:22 - Chuj San Sebastian Bible

²² Ya' sb'a tzyutz'j eb' 'oxe ciente israel chi scacha, ax eb' soldado madianita cha, 'ix ya'n Jehová somchjoc eb'. Mun a eb' xlaj smil cham sb'a 'a scamplamento cha. 'Ay pax eb' xlaj 'at 'eloc, masnto xc'och eb' 'a Bet-sita 'a stojlal cot Serera, 'a sti smon̈jonal lum Abel-mehola 'a stz'ey Tabat.

Chuj San Mateo Bible

²² Ayic ix spu'an noc' sch'aac 300 eb' vin̈ israel chi', axo Jehová ix ac'an somchajb'at spensar eb' ajc'ol chi'. Munil a eb' ix laj smil-lajcham sb'a. Ay pax eb' ix el lemnajoc, ix b'at eb' d'a Bet-sita d'a stojolal Zerera, masanto ix c'och eb' d'a smojonal Abel-mehola d'a slac'anil Tabat.

Jueces 7:22 Iomraidhean Croise

A Ch'an̈ B'ab'el Libro Yic Yab'ixal Eb' Rey 19:16

Ax win Jehú yunnal Nimsi, a win tza si'ch sreyloc chon̈b' Israel. Ax win Eliseo yunnal Safat, win 'aj chon̈b' Abel-meholá, a win tza si'x can 'och in checb'oc a jeloc.

A Ch'an̈ B'ab'el Libro Yic Yab'ixal Eb' Rey 4:12

Baana yunnal Ahilud, a 'ajcuenta yi'n cot jun tzo'n̈ chi 'a Taanac, 'a Meguido yet' 'a smasnil yol yic Bet-seán. A jun cha, junn̈j yaj yet' Saretán 'a yaln̈ 'emt Jezreel, tzchaj cot 'a Bet-seán, masnto tzc'och 'a Abel-meholá, yet' 'a junx scaxpil yic Jocmeam.

2 Cr 20:23

A eb' amonita yet' eb' moabita, 'ix sutmj 'och eb' ya'n owl yet' eb' xcot 'a lum jolm witz 'a Seir cha, yuj cha, 'ix lajw 'el eb' chi yuj eb'. Xlajw cha, 'ix smiln cham pax sb'a eb' jun xo.

Salmos 83:9

'Icha 'ix otj eb' 'aj Madián, 'icha 'ix otj win Sísara yet' pax win Jabín 'a sti a Cisón, 'ixta cab' tz'aj eb' o'oj.

Is 19:2

Yuj cha, xyaln Jehová 'ixtic: 'Oj wac' spoj sb'a eb' 'aj Egipto cha, ax laj ya'n junjn eb' owal: A eb' swach'c'ojl sb'a, 'oj yac' eb' owal; ax eb' chon̈ab', 'oj yac' eb' owl yet' yit chon̈b'al, ax ya'n eb' yajl owl yet' eb' yit yajlil.

Is 9:3

Mamin, ach 'ix ac' niwtjoc pax qui b'isl an̈ a chon̈b' on̈ tic on̈, 'ix a'n pax qui tzaljc'ojlal on̈. Qui masnil on̈ caw tzon̈ tzalj 'a ojltac, 'icha wal tzaljc'ojlal 'a yic tzmolx chan̈ sat 'awb'en, 'icha pax stzaljc'ojlal eb' soldado yic tzpojn 'ec' eb' tas tzlaj yi'cn 'ec' 'a owal.

Is 9:4

Yujto ach 'ix a satl jun chon̈b' 'ix 'i'n 'at eb' a chon̈b' tic 'a 'icha presoal, eb' x'a'n 'och yailal 'a eb' a chon̈ab'. Ach 'ix a satl eb' 'icha 'ajnc satl eb' 'aj Madián 'a yic pecti'.

Ez 38:21

An 'oj wa' cot smasnil yailal 'oj xib'tnoc win Gog yet' eb' soldado. 'Oj wa' cot yab'il 'a yib'an̈, chamel yet' owal. Ax wa'n cot niwc sacb'at 'a yib'n̈ yet' eb' soldado yet' eb' yic jun tzo'n̈ xo nacion̈ ajun yet'oc. 'Oj cot pax 'ic'n̈ab', c'ac' yet' azufre 'a yib'n̈ eb', ax laj smil-lan sb'a eb' soldado chi yet' yespada.

Habacuc 3:14

A eb' yajl yaj 'a scal eb', mun a syamc'ab' eb' yic owal, a 'ix ac' milnc chamoc yic xjaw lemnjoc eb' cob' wul on̈ satli. Caw 'ix tzalj eb', 'icha junc mach tznib'n milnc cham junc 'oltac 'anma tzc'ub'j 'el sb'a.

Hageo 2:22

'Oj wac' lajwc 'ejm yip smasnil jun tzo'n̈ nacion̈ 'ay 'a yolyib'n̈q'uinl tic, ax in juln 'ejm can yopiso eb' 'a sat lu'um. 'Oj wac' pil'chjoc smasnil caruaje yic owal, yet' jantcn̈ej eb' 'aych 'a yojol. 'Oj cham no chej yet' eb' soldado 'ay q'ue 'a yib'n̈ no', junjn eb' mun 'oj stzu' cham sb'a eb' yet' eb' ajun yet'oc.

Zacarías 14:13

A 'a yic jun c'ul cha, caw wal 'oj yac' Jehová niwtjoc xiwc'ojlal 'a scal eb' 'anma', junjn mach 'oj syamlac cot sb'a yet' mach ajun yet'oc, ax laj smiln cham sb'a eb'.

2 Co 4:7

'Ay ton jun caw wach' tic 'ayn̈ on̈, palta an̈ tic on̈, lajn on̈ 'icha junc lum chen on̈, yujto may jac quel'ch on̈. Yuj cha, tzcheclj 'eli, to a jun niwquil poder tic, man̈ quico'oc on̈, cojn Dios 'ay yico'.

Josué 3:16

Span̈tzan sb'a a 'a snajtil 'el sti chon̈b' Adam, masnto 'ix c'och a ste'n sb'a 'a 'aj 'aych smuroal chon̈b' Saretán. Ax a xcan 'a yaln̈ 'ejm cha, 'ix b'eyn̈j 'at a', masnto xlajw c'och 'a a Mar Muerto. 'Ix tacj can chan̈ sb'e a cha, ya sb'a x'ec' eb' israel 'a yojl a'.

Josué 6:16

A yic xyutz'n eb' no scacha chi 'a yuc 'ejmal, 'ix yaln Josué 'a eb' 'anma chi 'ixtic: Ca'c 'el caw, yujto a Jehová tox 'ix yac' jun chon̈b' tic 'a yol qui c'ab'ec.

Josué 6:20

A yic 'ix 'utz'x no cacha cha, 'ix 'el yaw smasnil eb' soldado. Yajn̈j wal cha 'ix cot lan̈n̈joc smuroal jun chon̈b' cha. Ax eb' soldado cha, 'ix 'at tza'njoc eb' 'a stojlal 'aj 'ayq'ui, 'ix 'och eb' 'a yol jun chon̈b' cha.

Josué 6:4

Tzb'ab'lj ucwn̈ eb' ya'mal 'och sti eb' 'anma yuj te scaxail trato, junjn eb', tzyij eb' scacha b'ob'il 'a no sch'ac calnelu; ax 'a yucl c'u cha, uc 'ejm tzex oyy 'ec' 'a spatquil 'elt jun chon̈b' tic, ax eb' ya'mal 'och sti eb' 'anma cha, 'oj yutz'c eb' scacha cha.

A Ch'an̈ B'ab'el Libro Samuel 18:19

Ax wal 'a yic xc'och stiempoal ya'n Saúl 'ix yisl chi yistloc cob' David, ax x'aji, a 'a win Adriel win 'aj Meholá, ata xyac' Saúl 'ix yisl cha.