Jueces 7:21 - Chuj San Sebastian Bible

²¹ 'Ix cann̈j lin̈n eb' 'a yet'l 'aj 'ay 'a spatc 'el camplamento cha; ax smasnil eb' soldado madianita cha, 'ix laj q'ue somnjoc eb' s'at 'eloc, caw tz'el yaw eb' yuj xiwlal.

Chuj San Mateo Bible

²¹ Ix cann̈ej tec'tec' eb' vin̈ d'a spatic campamento chi'. Axo eb' ajc'ol chi', yelc'olalxon̈ej ix b'at eb' elelal, ix el yav eb' yuj xivelal.

Jueces 7:21 Iomraidhean Croise

A Ch'an̈ B'ab'el Libro Yic Yab'ixal Eb' Rey 20:20

Junjn eb' 'ajc'ojl chi smil junjn eb', ax eb' sirio cha, 'ix 'at eb' 'eloc. 'Ix 'at eb' israel chi 'a spatc eb'. Ax Ben-adad sreyl Siria 'ix q'ue 'a yib'n̈ chej 'ix 'at pax 'elc yet' jaywn̈ xo eb' soldado 'ay q'ue 'a yib'n̈ chej cha.

2 Cr 20:15

'Ix yaln Jahaziel chi 'ixtic: Sictac tzex 'aj eyab'n e masnil ex 'aj Judá, yet' e masnil ex cajn 'a Jerusalén, yet' ach rey Josafat. 'Ixtc 'ix yutj Jehová yalni: Man̈ ex xiwoc, man̈ eyec xiw e b'a 'a yojltac jun tzo'n̈ soldado caw niwn sb'isl cha, yujto a jun owl cha, man̈ eyico'oc, wic an Dios in tic.

2 Cr 20:17

Man̈oc ex 'oj eyac' owal. Ton̈j 'oj eyaj ta', may tas 'oj e b'o', ax eyilni tas 'oj wutc ex in coln 'el an Jehová in, xchi. Ex 'aj Jerusalén yet' ex 'aj Judá, man̈ ex xiwoc, man̈ eyac' chab'c'ojlal. Q'ui'nto tz'ex 'at eyac' owl yet' eb', yujto a Jehová 'aych quet'ec, xchi Jahaziel.

Ex 14:25

'Ix laj 'el setetal scaruaje eb', man̈xtzac stac' sb'ey eb', 'ix laj yal-lanc eb' 'a 'ixtic: —'El coyc 'a eb' israel tic. Yuj eb' tzya'n Jehová owl quet'ec, xchi ewinac.

Pr 28:1

A mach tzb'on maysch'olnil, wach'xam may mach tzpechni, palta mun tz'at 'eloc; ax pax mach wach' snab'en, te'tec' yaj 'icha junc no león.

Is 30:15

A Jehová qui Diosal an̈ israel on̈c tic, jun Dios To Cojxni, a tzaln 'ixtic: Meltzjan̈c cot 'ayin, tzin eya'n 'och yipc e c'ojol, man̈ ex 'och 'il, sec 'ixta 'oj eyaj e colchji, xchi. Palta ax xo tic, ma'ix e chaj eyab'i'.

Is 30:7

A jun nacion̈ cha, matz tac' yu'uj, matz techj scolwji. Yuj cha, xwa'n sb'ic 'ixtic: Noc' to 'ay smay yel yaw, palta may pax tas tztac' yu'uj, xin chi, xchi Dios.

A Ch'an̈ Carta D'a Eb' Hebreo 11:34

'Ay eb' 'a'jnac tup jun tzo'n̈ c'ac' caw ow. 'Ay pax eb' colchjnac 'eli, yic 'ijn scham eb' yuj q'uen espada. A jun tzo'n̈ eb' may yip, caw 'ajxnac yip eb'. 'Ajxnac pax sjelnal eb' ya'n owal. Yuj cha, a ewin soldado ya'jnac owl yet' eb' cha, caw cannc ewin 'a yaln̈ yuj eb'.

Jueces 7:20

A 'oxc'aj eb' soldado cha, jun lajnn̈ej xyutj eb' yutz'n scacha chi smasnil. 'Ix sma'n poj eb' schen' cha. Ax sc'ab' eb' a surito a yamjnac staj eb', xya'n 'el eb' yaw 'ixtic: A yespada Jehová yet' pax yic Gedeón, a tzyac' owal, xchi eb'.