Jueces 7:1 - Chuj San Sebastian Bible

¹ A Gedeón, tzcuch pax Jerubaal, caw wal 'ix seb' q'ue wan yet' eb' winc ajun yet' cha, axta xc'och eb' sb'o scamplamento 'a sti jun a spac'b'a tzcuch Harod. Ax pax eb' madianita, ata 'ay scamplamento eb' 'a stojlal norte, 'a span̈nil yich lum witz tzcuch More.

Chuj San Mateo Bible

¹ A vin̈aj Jerobaal, aton vin̈aj Gedeón, te ac'valto ix q'ue vaan vin̈ yed' jantac eb' vin̈ vinac ayxo och yed'oc. A d'a sjaj a' melem scuch Harod ix b'at sb'oq'ue scampamento eb' vin̈. Axo pax eb' madianita, a d'a stojolal norte d'a yac'lical yich lum vitz More, ata' ayec' scampamento eb'.

Jueces 7:1 Iomraidhean Croise

Gn 12:6

'Ix sc'axptej 'e't jun tzo'n̈ lugar masnto 'ix jaw 'a Siquem, 'a 'aj 'ay te mach' 'a yol yic More; atn 'aj cajn eb' cananeo 'a yic jun tiempoal cha.

Gn 22:3

Yic wal caw sq'uin̈b'ilto, 'ix q'ue wan Abraham, 'ix ya'n 'och stz'um jun no sb'uru, stzu'n win sc'atzitz yic tz'a te yet' jun xajmb'al cha. 'Ix 'at 'a jun lugar 'aj 'ix yal Dios 'a 'a. Xyi'n 'at Isaac, yet' pax chawn̈ eb' schecab'.

Salmos 83:9

'Icha 'ix otj eb' 'aj Madián, 'icha 'ix otj win Sísara yet' pax win Jabín 'a sti a Cisón, 'ixta cab' tz'aj eb' o'oj.

Ec 9:10

A smasnil tas tzqui b'o'ec, qui b'oc 'a smasnil qui c'ojol; yujto a yic 'oj qui chamec, yic 'ayn̈ecx 'ec' 'a campusan, toc 'ayt tas 'oj qui b'oc ta'. Ata', man̈x 'a tas 'oj qui na'ec, man̈x 'a pax yel'ch jelnal ta'.

Dt 11:30

A jun tzo'n̈ witz cha, ata 'ay eb' 'a sti b'e tz'ec' 'a sc'axpil 'ec' a Jordán, 'a stojlal 'aj tz'em c'u, atn 'a lum slum eb' cananeo cajn 'a span̈nil sti a Jordán cha, 'a yojltac Gilgal, atn 'a 'aj nab'a ma'ach', 'a yol yic Moré.

Josué 3:1

Ax 'a junx c'u cha, 'ix seb' q'ue wan Josué, x'ochx 'a b'eyl yet' eb' yit chon̈ab'. 'Ix 'el paxt eb' 'a lum Sitim, 'ix jaw eb' 'a sti a Jordán. 'Ix 'och wan eb' ta 'oxe c'u.

Josué 6:12

Ax 'a yic junx c'u cha, 'ix seb' q'ue wan Josué, 'ix sb'achn pax eb' ya'mal 'och sti eb' 'anma chi te caxa cha.

Jueces 6:32

A wal 'a yic jun c'u cha, 'ix ya'n eb' 'anma chi scuchcn Gedeón, Jerubaal. Yujto a Gedeón 'ix ma'n 'ejm jun yet'l xajmb'al yic Baal cha, yuj cha, 'ix yaln eb' 'ixtic: Scol cab' sb'a Baal chi 'a jun cha, xchi eb'.

Jueces 6:33

A 'a yic jun tiempoal cha, syamn sb'a smasnil eb' madianita, eb' amalecita, yet' jun tzo'n̈ xo eb' cajn 'a stojlal 'aj tzq'uel c'u. Junxn̈ej xyutj sb'a eb'. 'Ix c'axw 'ec' eb' 'a a Jordán, axta sb'o eb' scamplamento 'a span̈nil Jezreel.

Jueces 6:40

Ax 'a junx 'ac'wl cha, 'ix sb'on Dios 'icha wal xyutj win yaln cha, ax yic sacb'eli, cojn no tz'um chi taquin̈, ax smasnil lum lum cha, caw xlojx 'el lu'um.

Jueces 8:29

Xlajw cha, xpax win Gedeón 'a yatut, atn win yunnal Joás.

A Ch'an̈ B'ab'el Libro Samuel 12:11

Yuj cha, xya'n cob' Jehová jaywn̈ eb' coljnac 'el eb' qui mam quichmec 'a yol sc'ab' eb' 'ajc'ojl cha. 'Ix jaw win Jerobaal, junx tiempoal 'ix jaw win Barac, junx tiempoal win Jefté, xlajw cha, in jaw an tic sec tzon̈ canc 'a junc'ojlal.

A Ch'an̈ B'ab'el Libro Samuel 29:1

'Ix yac' eb' filisteo syam sb'a smasnil soldado 'a lum Afec, ya' sb'a 'ayc' eb' israel 'a scamplamento 'a spac'b'a yic Jezreel.